أعماق_السكون
اتمنى ان تساعدون لانني اخطط مع زوجتي الى السفر الى احدى هذه الدول وهي ( ماليزيا وسويسرا )
طبعاً بخصوص التكلفة الى ماليزيا راح تكلفني لمدة 10 ايام بحدود ( 11.800 ) درهم عندنا بالامارات
اما بخصوص سويسرا نفس المدة بلغت التكلفة بحدود ( 13.500) درهم لي ولزوجتي والطفله .
والان انا محتار بينهما ... اذا بالامكان تساعدوني ولكم جزيل الشكر .....
وش المساعده المطلوبه حدد..هل القصد ايهما افضل ؟ لانك كاتب ماليزيا وسويسرا!!! يعني حرف واحد
يغير المعنى....وابشر بعزك..

عفواً اخي ...
لكن لا مجال للمقارنة ...
ما عدا أن ماليزيا دولة إسلامية ....!!

سويسرا ...
وبالاخص انترلاكن جنة الله في ارضه والجو روعه
لاني زرت الدولتين وهذي وجهة نظري

جزاكم الله خير جميعاً ...على الردود .. والله انا في نيتي ابا اروح سويسرا واخطط لها من زمان ولكن احاتي المادية كيف اسعارهم هناك بالنسبة للمواصلات والتكاسي ... والاكل ... سمعت ان في بطاقات خاصة بالمواصلات ومن بينها ( بطاقة سويس باس ) وين ممكن احصل عليها عندنا بالامارات والا لازم عندهم بسويسرا وايهما أفضل بطاقة وأرخص بالنبسة لي ولزوجتي وطفلتي الصغيرة التي لاتتجاوز الستة شهور . .
وكم ممكن يكفيني رأس مال غير الفنادق والتذاكر عندهم .. حيث انني حاط تقريباً مابين ( 8000 الى 10000 ) درهماً والمدة 10 أيام على الاقل ...
وارجوا السموحه .... منكم ....
(( سبحان الله وبحمده سبحان الله العظيم ))

مثل ماتفضل أخونا ابو ريان..يكفي ماليزيا فيها سحر الطبيعة والبيئة الاسلامية وكرم وسماحة أهلها

بارك الله فيك أخوي ..... أبغي مشاركات أكثر من اللي مسافرين ماليزيا وسويسرا بشو ينصحوني وكم الخساير اللي راح أخسرها سواء في ماليزيا أو سويسرا لمدة عشرة أيام

سويسرا اكيد احلى وابرد

انا رحت ماليزيا وباروح السنة ذي ان شاء الله سويسرا ما في مقارنة في الطبيعة ابدا بين الثنتين ومن الصور نقدر نحكم
ماليزيا دولة اسلامية صح
بس الصينيين لاعبين في حسبتها ومرة ماصخين هناك
من حيث الصرف والفلوس سويسرا اكثر تكلفة طبعا
واذا الفرق كله بين الثنتين في الميزانية حدود 2000 توكلوا على الله وعليكم بسويسرا وما راح تندمون

بالنسبه لمصاريف اكيد سويسرا غاليه ..
وراح تكلفك اكثر من ماليزيا ..