انوثة حنونه
السلام عليكم ورحمة الله وبركاته وعليكم السلام
صبحكم الله بالورد
ارجوا منكم مساعدتي والرد على اسئلتي
س1/كم المده اللزمة للحصول على الفيزا ؟ وماهي الاجراءت الازمة ؟ هل هناك جهات يمكن تكليفها بالمهمة لاني رايت اعلان بموقع الحصول على فيزا باسرع وقت (ماهي المواقع الموثقة في حل كان الامر صحيح )
على حسب السفاره الي تستخرجها منها بالنسبه للسفاره النمساويه ماجربته بس فيه بعض الشباب يقولون شديدين شوي
انا جربت السفاره الالمانيه مرتين سهله جهزي اوراقك ورسليها للمكتب الي بطريق الملك فهد بالرياض يعدين اسبوع ومقابله
ويكفي فقط الزوج يحضر وماتكملين 15 يوم الى الفيزا عندك
بالنسبه للمكاتب يجبون الفيزه من السفارات التي لاتطلب مقابه او حضور صاحب الجواز نفسه مثل السفاره الايطاليه
بس ماانصح فيهم ياخذون فلوس كثيره والمساله سهله خاصة اذا انتي من الرياض
احنا خمسه رحنا لمكتب وقال على كل جواز 1000 ريال من غير رسوم التاشيره
وسافرنا الرياض يصبحيه خلصنا(والخمسة الاف استغليناها سكن)
س2/لم يسبق لي السفر الى دولة اروبية و بعد قرائتي للتقارير عن النمسا تحمست ولكن احتاج معرفة تكاليف السفر لشخصين 17 يوم (اقامة +مصاريف )؟
التكاليف اختي تعتمد على موعد سفركم قريب ولابعيد ونوعية السكن الي بنسكنون وكيف تنقلكم وهل فيه شوبنق
بالنسه للفنادق اعتقد 70 يورو لليله تحصلي فنادق جيده لشخصين
بالنسبه للتذاكر ترى الحين غاليه مره
اناحاجز خمس تذاكر ب11 الف فقط والان المكتب يقولي قيمتهم 22 الف يعني اكثر من الدبل
نصيحتي اذا بتروحون اوربا لازم بدري ترتبون امور السفر وبكذا ستوفرون اكثر من ثلث التكاليف
واذا صححتي الاختبار علمين اذا ناجح ولاراسب والله حسيت اني بقاعة الامتحان س1 ج1
موفقه
واي استفسار حاضرين

1. وسافرنا الرياض يصبحيه خلصنا(والخمسة الاف استغليناها سكن)

على حسب السفاره الي تستخرجها منها بالنسبه للسفاره النمساويه ماجربته بس فيه بعض الشباب يقولون شديدين شوي
انا جربت السفاره الالمانيه مرتين سهله جهزي اوراقك ورسليها للمكتب الي بطريق الملك فهد بالرياض يعدين اسبوع ومقابله
ويكفي فقط الزوج يحضر وماتكملين 15 يوم الى الفيزا عندك
بالنسبه للمكاتب يجبون الفيزه من السفارات التي لاتطلب مقابه او حضور صاحب الجواز نفسه مثل السفاره الايطاليه
بس ماانصح فيهم ياخذون فلوس كثيره والمساله سهله خاصة اذا انتي من الرياض
احنا خمسه رحنا لمكتب وقال على كل جواز 1000 ريال من غير رسوم التاشيره

وسافرنا الرياض يصبحيه خلصنا(والخمسة الاف استغليناها سكن)

الله يعطيك العافية اخوي ابو عبدالله فعلاً دائما اسمع ان الفيزا النمساوية فيها تعقيدات المشكلة مو ساكنين بالرياض واتمنى معرفة مكتب مضمون يسويها باسرع وقت
س2/لم يسبق لي السفر الى دولة اروبية و بعد قرائتي للتقارير عن النمسا تحمست ولكن احتاج معرفة تكاليف السفر لشخصين 17 يوم (اقامة +مصاريف )؟التكاليف اختي تعتمد على موعد سفركم قريب ولابعيد ونوعية السكن الي بنسكنون وكيف تنقلكم وهل فيه شوبنق
بالنسه للفنادق اعتقد 70 يورو لليله تحصلي فنادق جيده لشخصين
بالنسبه للتذاكر ترى الحين غاليه مره
اناحاجز خمس تذاكر ب11 الف فقط والان المكتب يقولي قيمتهم 22 الف يعني اكثر من الدبل
نصيحتي اذا بتروحون اوربا لازم بدري ترتبون امور السفر وبكذا ستوفرون اكثر من ثلث التكاليف
واذا صححتي الاختبار علمين اذا ناجح ولاراسب والله حسيت اني بقاعة الامتحان س1 ج1
موفقه
واي استفسار حاضرين
موعد السفر بيكون بعد شهر تقريبا في شهر يونيو بالنسبة لتنقلات لم نحددها بعد اهم شي وسيلة التنقلات مريحة حتى لو السعر اغلى الفنادق 5 نجوم او 4 نجوم
يعطيك العافية على النصائح وبالنسبة لسفر لاوربا انا اتحمست له وان شاء الله خلال شهر يكون رتبت كل شي كنى ناوين نرجع ماليزيا
وطلعت براسي اوربا فجاءة
يارب تضبط لاني لو اعتمدت التريتبات على زوجي فهذا يعني الاجازة بالبيت
عشان كذا محتاجه مساعدتكم
بما انك حاس في قاعة امتحان
الاختبار لسه ماخلص عشان كذا انا مرقمة الاسئلة لاني حاسه عندي مليون سؤال ههه
مشكور اخوي ماقصرت
اتمنى من الاخوان اللي زارو النمسا يعطوني قيمة تقريبة لتكاليف

اختي صعب جدا تسافرين في شهر جون
الفيزه لحاله تبي له ثلاث اسابيع ومكتب السفاره مايقبل حجز اقل من شهر
بعدين انتي من وين بعيدين عن الرياض؟
نصيحه هالسنه فريها تايلند ولا ماليزيا ذيك الديار أحجز وامش
واذا وصلتي كل العالم تخدمك بعكس اوربا الي لازم تكون مرتب أمورك من بدري
وأي خطا في يكلف كثير
عموما اذا مصره اوربا انشالله نحاول نرسم لك خطه ولا نستغني عن كبار الخبرا عندك دموع الوجد وعلي الله يجزاهم خير

تبين تسافرين بعد شهر صعبه بس مو مستحيله بس الاسعار بتكون جد غاليه واجد عليكم
اولا الفيزا اذا مايقدر يجي زوجك يوم الرياض ويخلصها خلي مكتب يسويها لكم وعادي يسوونها بس بيكون السعر اقل شي 800 ريال للجواز
بالنسبه للتذاكر بتكون الاسعار تقريبا قريبه الى 4000 ريال + او - 200 ريال للشخص
بالنسبه للفنادق اتوقع في وقتك صعب تحصلي الفنادق الا اسعارها متوسطه والكل يمدح فيها لانها بتكون فل على الاخر بس راح تحصلي بس اتوقع حطي 700 ريال معدل لليله الواحده
اختي اذا تحركتي من بكره راح يمديكم تخلصون اموركم ان شاء الله بس لازم تتعبين شوي في المنتدى وفي تقارير الاخوان
توقعاتي الى 17 يوم او 17 ليله بيكون في حدود 33000 ريال + او - 2000 ريال من غير التسوق
الاخوان يفيدونك اكثر طبعا

السفارة النمساوية ماترضى ان المكتب يقدم اوراقك لازم نفس صاحب الطلب يقدمها
انا صارت معي

من البدايه قلت مافيه الا السفاره اليطاليه هي الي ماتشترط مقابله
يعني المكتب يخلص كل شي
عندي في القصيم مكتب فرسان عرض علي يستخرجه من السفاره الايطاليه بس
رحنا بأنفسنا وخلاصناه من الالمانيه

اختي العزيزه
في مكتب بالرياض يستخرج لك الفيزا ب 850 ريال
بس لو يسمحون ادراه المنتدى بوضع الرقم ممكن اضعه لك

abu abdullah202
>>> انحولت عيوني من الصبح وانا ادور بالمنتديات وسجلت كل الارقام للمكاتب اللي ممكن تتكفل مهمة الفيزا
رجعت ابي ارد نسيت كلمة المرور وكل شي
> لا تقول صعب والله مره متحمسه حرام عليك ماليزيا رحتها مرتين نفسي اغير
على كل حال اليوم السبت باتصل على كل المكاتب بزعجهم
يارب تتسهل مشكور ماقصرت

amo0on
يارب يجبر خاطرك ايه ابي اسمع مو مستحيل ببدا ارتب من بكرا كل شي عندي 3 اسابيع تقريبا يارب تتسهل >>> متحمسة بقوة
زوجي مستحيل يروح الرياض عشان فيزا قلت له وقال انسي اذا المكتب حدود 700 / 800 حلو المهم ب 15 يوم تخلص
طيب سعر التذاكر مقبول وبالنسبة للفنادق معدل الف باليوم وتكون ممتازة مافي مشكلة >> قلبت هندية خ
والله مره متحمسة
يارب تتسهل يعطيك العافية يارب ويسعد قلوبكم مشكوين واكيد مااستغني عنكم