- أنترلاكن :
السلام عليكم ورحمة الله وبركاته
مساكم الله بكل خير ياأصحاب هذا القسم الرائع , تفاعلكم مع إستفساراتنا هو مانطمح له ..
إن شاء الله بالصيف طالعين على سويسرا مدة 10 أيام
من 16 جون إلى 26 جون
الوصول بيكون على جنيف والإقامه فيها ليله ..
أحنا معنا سياره والسكن بتواريه بنرتاح وبعدها بنطلع نتمشى بجنيف ونرجع ..
من 17 إلى 23 جون بيكون في أنترلاكن في قرية ( خرينفالد ) وبعد ماقريت كثير من التقارير وصلت لهالجدول اللي أحتاج فيه لتعديلاتكم حسب قرب الأمكان من بعضها
وأبي أراعي بالجدول الراحه وعدم الضغط لأنا معنا الوالده ماتحب المشاوير الكثيره تتعب
أنترلاكن :
اليوم الأول : مصنع الشوكلاته + أنترلاكن < والسبب بإختيار هالمكانين الأول بنكون جايين من جنيف إلى أنترلاكن فبنزور على طريقنا مصنع الشوكلاته وبعد مانخلص منه بنروح للقريه اللي بنسكن فيها ( خرينفالد ) وننزل العفش ونريح وبعدها نطلع لأنترلاكن نتمشى فيها ونرجع
اليوم الثاني : زيرمات + البلو سي والأوشن سي
اليوم الثالث : قمه ثلجيه < مابعد حددت للأن اي قمه
اليوم الرابع : تون
اليوم الخامس : لوزرين
اليوم السادس : شلالات قيس باخ+ بحيرة برينز
اليوم السابع : بنعمل تشيك أوت ونطلع على تواريه
بقى عندي ( مصنع الجبن + مطل هيدروكولم + شلالات رخن باخ ) ماأدري وين أضيفهم على اي يوم ووش اقرب منطقه لهم من الجدول اللي فوق
شرايكم فيه أماكن نسيتها؟
وهل شملت جميع المعالم السياحيه اللي بأنترلاكن وحولها ولالا ؟
من 23 جون إلى 26 جون ( جنيف ) الإقامه ب تواريه ..
السبت 23 جون : زيارة آنسي
الأحد 24 جون : لوزان - منترو - إيفان
