1. واذا تبون فنادق ممتازة بعد في البحرين ونظيفة..

واذا تبون فنادق ممتازة بعد في البحرين ونظيفة..

• فندق الريتز كارلتون .. هو افخم فندق بالبحرين وابداع الحقيقة بس غالي شوي.
• منتجع بنيان تري .. منتجع فخم جدا جدا .. وجنبه جنة دلمون المفقودة وهو العاب مائية بس مشكلته انه في منطقة نائية .. الصخير .. يعني 45 دقيقة بالسيارة للسيف وساعة للمطار .. وطبعا منطقته مافيها اي خدمات ماعدا مطعم ماكدونلد وفد ركررز .. بس هو نقدر نقول يستاهل يومين مثل شهر العسل.
• فندق قصر ريفيرا بس ماهو في موقع سياحي .. بس 15 دقيقة بالسيارة للسيف.
• فندق موفنبك جنب المطار .. في مدينة المحرق .. 20 دقيقة بالسيارة للسيف.
• فندق الدانة نوفتيل .. المحرق 10 دقايق للسيف بالسيارة .. عبارة عن منتجع لو كنتوا من هواة البحر والسباحة.. بس يكثر فيه الاجانب.
• فيه أجنحة السيف المفروشة .. عبارة عن شقق فندقية تابعة لمجموعة اليت .. وهو قريب جدا من السيف ممتاز الحقيقة.
• فندق الخليج .. قرب جامع الفاتح الاسلامي .. تقريبا 25 دقيقة بالسيارة للسيف .. في المنامة بس الجهة الثانية .. فندق راقي جدا 5 نجوم .. ويعتبر الافضل من ناحية المطاعم والاكل.. فيه مطعم ايراني وايطالي ولبناني وكلهم ممتازين.
• فندق الدبلومات.. فندق حلو ونظيف بس عيبه انه مب عائلي .. المطاعم اللي فيه حلوة بعد.
• فندق كراون بلازا ( الهوليدي ان سابقا) فندق 5 نجوم راقي .. جنب الدبلومات قرب شارع المعارض و10 دقايق بالسيارة لمنطقة السيف و 7 دقايق لسوق المنامة القديم.