1. عائلة 6 او 7 اشخاص + طفلين .. ميونيخ الوصول والمغادرة

السلام عليكم ورحمة الله وبركاته
احتاج مساعدتكم في رحلة " النمسا والمانيا " ان شاء الله
صح انه بدري على السفر بس قلت بحط الخطة عشان اعرف احجز السكن من بدري ..
ناوينها 1 اغسطس الى 20 اغسطس تقريبا 18 يوم اذا شوية ممكن ازيدها كم يوم في يوليو

عائلة 6 او 7 اشخاص + طفلين .. ميونيخ الوصول والمغادرة

ميونيخ - سالزبورغ - كابرون - " انسبروك ، بيرتساو ، قارميش " - ميونيخ " باد تولز "
" انسبروك ، بيرتساو ، قارميش "حسب ماقريت ان المسافات بينها قريبه ، ومن خلال بحثي في قوقل ماب الواضح ان " بيرتساو بالمنتصف بينها فكرت بدال كثرة التنقل نسكن فيها ، ونروح للباقي من نفس المنطقة كل يوم .. وش رايكم ؟
" باد تولز " قريبه لميونيخ ممكن اخصص لها يوم واطلع لها من الصباح ولا ما تستاهل ، فيه مناطق قريبه لميونيخ افضل منها ؟

• وش السكن اللي تنصحون به
• وتقريبا الشخص الواحد كم يكلف مصروف يوميا .
• هل احصل سيارة كبيرة تكفي ؟
• الفيز قبل السفر بكم اقدر احجز موعد وازينها ؟
• وش افضل طيران تنصحون به ؟ افضل وقت لحجز الطيران قبل السفر بكم تقريبا ؟
• خذو راحتكم بالتعديل على المدن في الخطة .

.* هالايام ابحث في بوكينج وتقريبا كل السكن في شهر اغسطس مخلصه كيف !! هل هي فعلا مخلصه او مايفتحون الحجز الا في وقت معين ، ولا كيف؟

• معليش على كثرة الاسئلة اول سفرة خارجية ، الله يجزاكم كل خير