هلا أختي حلا....أنا نفسج محتاره وايد وصار لي شهرين أحجز وأكنسل وأغير وأبدل....مكتب السفريات أحس تمللو مني من كثر ماأبدل الفنادق والتواريخ....شاسوي مابي أندم ...وهذي بيكون شهر عسل لو أنه متأخر شوي....أبي أكون دقيقه بأختياراتي للفنادق.
رحلتي بتكون من البحرين الى ماليزيا وتالي بوكيت
حجزت ليلتين بمنتجع كاتا بيتش بالكاتا بيتش و ليله بمنتجع رشا
وابي احجز في منتجع تارا والاجونا
تارا سمعت أنه عائلي والنظافه 10 من 10 وهذي اهم شي طبعا وموقعه ممتاز ... صديقتي سكنت فيه و وايد امدحته لي
وايامي في بوكيت 6 ليالي ب 7 ايام

على فكره التغيير حلو وانا انصحج به....لأن عن نفسي أحب التغيير وايد واتملل بسرعه اذا كنت بنفس المكان أكثر من اللزوم أختي

فجر
هلا والله اختي فجر
انا معاكي احب التغير بس المشكلة معايا اطفال واخاف من كثرت التنقل من بلد لبلد وكمان من فندق لفندق كان نفسي في الكارون او لاقونا بس صديقتي تقول مقطعة وما تصلح الا للعرسان و مشكلتي ما اقتنع باي شي وما ابيه غالي وفخم ابي فندق حلوة متوسط السعر ومطعمه في الهواء الطلق وياريت على البحر ومساحات خضراء واشجار واهم شي يوسع الصدر في فنادق تجيب الكئابة
انا عارفة بتقولون (...........)
المشكلة في فوكت محتاره وغريس لاند يقولون للعزاب وهوليد ان زحمة كله خليجين وعرب
ومشكور اختي على ردك بالنسبة لتارا
والله انا تعبت وزرجي يقول ما صارت انتي تبي تخترعي او تبي تسافري خلصينا واختاري:112:
وياريت احد يريح بالي الله يريح باله

أقول لا تحتاري إن شاء الله
أختيار رتشا ممتاز انا عن نفسي حجزت فيه ليلتين - ومدامتقولين شهر عسل انا أخذت بنصيحة الأخ دولي وحجزت في أماري كورال بيتش ليه شاطئ خاص ورومنسي خصوصا غرف الديلوكس ولو المصارف مش مشكلة أكيد الميريديان بيكون افضل

فجر
نصحتي لك اسكني في الاماكن ما تحتاج اطفال ودلعي نفسك مرة للأنه ان شاء الله اذا رزقتي بأطفال راح تتقيدين بهم وتنسين نفسك أسالي مجرب ولا تسألي طبيب

حلا الشريف
صديقتك تقول مقطعه ؟؟؟ ليه المبالغات ،،، اناعارف ليش لانها تقارنها بالباتنوج واكيد بتكون كذا لكن مع الاسف الواقع مختلف تماما
جميع الخدمات ( تخيلي اي خدمة ماعدفاست فود ) موجوده في الكاتا لسه فاتحين ستاربكس
لكن زي ماقلتك مشكلتنا بالمقارنات
عموما
تارا ابدا ماانصحك فيه لانه ليس بمستوى الهولدان وغيرة
لكن ميزته انه ارخص منتجع متوسط الفخامة وقريب من البحر ،،، يعني على نفس شارع الباتنوج اللي عليه الهولد ان
جريس لاند عزاب ؟؟؟ انتي من وين تجبون هالكلام ،،، من متى العزاب يسكنون بمنتجعات كبيرة ولابعيده برضو هوليد ان كله خليجيين وعرب ،،، طيب نخفيهم لحظة وصولك ،،، الباتنوج كله مليان مو بس هوليد ان
( ومطعمه في الهواء الطلق وياريت على البحر ومساحات خضراء واشجار واهم شي يوسع الصدر في فنادق تجيب الكئابة )
حلو طلبك بس كمليه وقولي ابيه في الباتنوج مع الاسف طلبك غير موجود
وانا مع زوجك تبين تخترعين فندق بمواصفات خاصة ،،، وصدقيني اكثر مكان ممكن تحصلين فيه اختراعك تايلند ،،، صدق ماامزح
لكن لازم تساعدي نفسك وتخلي تفكيرك موضوعي شوي
اقرب فندق قد يرضي خيالك لي مريدان
تحياتي
دولي

السلام عليكم اختي كيف حالك ؟انشالله تكوني بخير عالعموم انا حعطيكي فكرة عن اللاجونا انا سكنت في شيراتون لاجونا السنه الماضية مرة حلو وفيه كل شي من شاطئ حلو ورياضات مائية وركوب خيل عالشاطئ وكمان البحيرة حلوة ممكن تتمشي فيها بقوارب التجديف وممكن عن طريق ركوب الخيل تشوفي باقي الفنادق المجاورة وكمان فيه مطاعم سي فود على امتداد الشاطئ وعلى فكرة كانت معايا بنتي عمرها 5 سنوات ومرة بنتي انبسطت وفيه كمان حضانة اطفال مرة حلوة وعلى فكرة انا اخذت 3 ايام في الشيراتون وخمسة في المريديان ومرة عجبني المريديان والله يختارلك الي فيه خير ليكي

هلا
اختي حلا
على فكره انا حالي من حالج....عايشه في تردد بسبب اختيار الفنادق....ومن قبل كنت محتاره في المناطق بعد وأخيرا اخترت بوكيت وبانكوك....زوجي يقولي سويتي قصه طويله على الفنادق من كثر التردد اللي فيني....بس انتي تعرفين مكان السكن أهم شي بالسفر....وعن الهوليدي ان انا كان ودي احجز فيه بس قالولي انه مشحون عرب....عشان جذي اخترت تارا...بس بعد ودي بالاجونا بعد ..ههه....من كثر الفنادق ماشاءالله دار راسنا أختي

هلا اخوي دولي
جريس لاند عزاب ؟؟؟ انتي من وين تجبون هالكلام ،،،
هذا ردك ل majido1
(اقول انه فرق كبير من جريس وهو لانه هو فندق صغير ملمموم وعلى البحر مباشرة بالعربي
انا مااختاره الا للعزاب فقط لانه ليس منتجع فقط )
طيب نخفيهم لحظة وصولك ،،،
اخوي كل العرب والخليجين على راسي واعتقد نانا كله عرب وخليجين ودائما اسمع كلمة (ابتعدو) عن منطقة العرب اذا تبون الراحة وخاصة للعوائل وكل شخص حر في اختيار المكان الي يحس فيه براحة وانا كان قصدي ان هوليد ان (زحمة وليس كرها في العرب والخليجين واذا انا نقصت من قدرهم اكون نقصت من قدري )
ولك كل الشكر والاحترام
حلا الشريف