1. جزيرة بيننج: فندق Bayview beach ، لمدة 6 ايام


2. كوالالمبور: برجايا ، لمدة 9 ايام

مرحبا شباب .. هذي اول مشاركه لي في هذا المنتدى الرائع واللي فيه اعضاء مميزين يحاولون يسهلون السفر والغربه على اصدقائهم من المنتدى ... واشكر ادارة الموقع على هذا الموقع الرائع ،، حبايبي .. انا قرات مواضيع هذا القسم وبصراحه ما شالله عليكم .. كلها ذات فائده تذكر
بالنسبه لموضوعي
انا مسافر بتاريخ 4/8/2006 حتى 19/8/2006 الى ماليزيا ... وطبعا وانتوا تقرون حطوا في بالكم ان السفره شبابيه مش مع الاهل ونحن 4 شباب فقط
الباكج هو :

جزيرة بيننج: فندق Bayview beach ، لمدة 6 ايام

كوالالمبور: برجايا ، لمدة 9 ايام

بغيت منكم لو سمحتوا ... تكتبون لي شو هي المناطق السياحيه والترفيهيه اللي اقدر ازورها بالاضافه الى المراكز والاسواق وكل شي ممتع انتوا جربتوه هناك لاني ابغي اخلي هذي السفره ماتنسى ... مع العلم اني ناوي اسوي رحلات بحريه الى جزر قريبه عندما اكون في بيننج
يعني اتمنى لو اي حد يتكرم فيكم ويساعد اخوكم المحتاج واجره على الله ان شالله مايضيع .. يسوي لي جدول صغير .. يساعدني في هذي السفره ويرتب اموري .. لاني ولا مره زرتها ولا اي حد من الشباب معانا يعرف عنها شي .. وايضا للعلم كل واحد في يده 5000 درهم تقريبا للصرفيه فقط (بدون السكن والتذاكر).
ولو تعرفون شو هي افضل شركه للاتصالات نشتري منها ارقام للجوال تساعدنا وترخص اجور المكالمات اتمنى تكتبونها .... (وانا سمعت ان في طريقه بكتابة الرقم 131 على ماعتقد قبل الرقم اللي اريده ترخص المكالمه .. ياليت لو تشرحونها لي)
واي موضوع عن سيارات الاجره والباصات والقطارات واسعارها وكيفية التعامل معاهم .. راح يكون له فايده كبيره ايضا ..
انا في انتظار ردودكم ومساعدتكم لي يا خبراء السفر .. واشكركم مقدما على منحكم الوقت لي لمساعدتي
اخوكم/// عبدالله