ماجد سلطان
28-04-2022 - 01:32 am
السلام عليكم ورحمة الله وبركاته
امس رحت السفريات على اساس اني بروحي مع زوجتي وبنتي بس راعي السفريات طلع يعرف الوالد واقتنعني اني اروح قروب معاهم وانا ماني مرتاح يا الربع ما ادري قالي اوفر لك وهالسوالف
وانت منت ملزوم بكل الرحلات احنا عندنا جدول وانت كيفك
الرحلة 21 يوم
كوالالمبور
الاحصنة الذهبية
جنتج
بيننج
كوالالمبور
على الخطوط السيلانية من الكويت الى دبي نفس الطيارة الى كلومبو في الهند ساعة ثم كوالالمبور
السعر 439
الفنادق
كوالالمبور نسيت اسمه فدرال ما اذكر شكله جذيه
بيننج هوليدي ان
مع الافطار ووالاقامة والمواصلات وتذاكر الحدائق ومدينة الالعاب
بس حيل متردد يا الربع ما ادري اكنسل ولا اتوكل على الله مع اني زين بالانجليزي وهذي اول مرة اروح ماليزيا وياي زوجتي وبنتي الصغيرة
شوركم وهداية الله
تاريخ السفرة 16-7
في سفرة ثانية على الماليزية ولكن متأخرة شوي 25 - 7
حياك الله اخوي عافور الهندسة ....ومنور
مادام قلت ماانت مرتاح لا تاخذها ولو مجاناً ...خالص صارت رابط ومهما
كان البرنامج ما راح يعجبك ...لكن ما دريت وش ما عجبك ...قصة القروب
او نفس البرنامج او السعر ...قلت انك زين بالانجليزي كأنك ناوي تحجز من
هناك اخوي نصيحتي اكد حجوزاتك من ديرتك ترى معاك عائلة الله يحفظهم
وما ودنا الهجولة ...وانت داري انه الدنيا مقلوبة في ماليزيا من كثر السياح
اضمنها من ديرتك افضل ...اما انك تسوي برنامجك بنفسك او تدور قروب ثاني
لانه هالقروب فنادقه شوي عليه ملاحظات مثل الفدرال بكوالا والهوليدي ان ببينانغ
اما الخطوط ما عليها مشاكل وطيبة ...بنت عم الامارتية
ادرسها زين اخوي وما راح يقصروا الحبايب في هالمنتدى ...ولك
تحياتي وتقديري والسلام عليكم