بداية زين سويت يوم انك استشرت الأحبة في هالبوابة و مثل ما استفدت أنا شخصياً بفيدك بللي يقدرني عليه ربي
إخوي مدة سفرتك 7 أيام و تبي تجدد شهر العسل يعني تبي تسترخي فأنصحك توزع المدة على منطقتين و منتجعين فقط لا غير بناء على تجربتي
مونار فندق كلوب ما هيندرا
كمركم منتجع زوري
المكتب اللي تعاملت معاه هو مكتب جيت وي مالبار وكانت الأمور ميسرة و كل شي ممتاز حتى غرفة فندق كلوب ماهيندرا كانت مميزة عن بقية الغرف حسب معاينتي الشخصية .. السايق ياخذك من المطار و يكون معاك حتى العودة للمطار
أدعوك لزيارة تقريري في قسم التقارير و تحكم بنفسك
التفاصيل أخليها لمن هم أكثر مني خبرة
تقبل تحياتي و دعائي لك بالغيب

بما ان المساله تجديد شهر العسل .. وفيها راحة للمدام ومناصرة للنساء لذا رح نتعاون معاك ..
طبعا نتغشمر معاك واحنا بخدمة الجميع .. واذا سمحت لي اقترح لك برنامج على ذوقي والي اتوقع انه رح يناسب ان شاء الله ذوق المدام وانت باذن الله ..
اولا طبعا بما ان المدة 7 ايام اذا تكون حجوزاتك كوتشين ذهاب واياب
بحيث تبقى بكوتشين اول يوم في منتجع رمادا غرفه مطله عالبحيره عشان ماتكون مكشوفه للمتواجدين بالمسبح .. ومنها تتوجهون الى مراري يومين في منتجع مراري بيتش ريزورت فيلا بمسبح .. ومنها الى كومراكوم يوم في منتجع زوري غرفه في الدور الثاني ولا تاخذ في الارضي ايضا مكشوفه ولو الميزانيه راهيه ممكن تاخذ كوتج ( كوخ ) اوسع وافخم .. بعدها مونار يومين في كلوب ماهندرا اما الاكواخ الخارجيه او غرفه مطله .. بعدها اذربلي يوم في منتجع رين فورست لوكشري روم ولو ميزانيتك حلوه خذ البريميوم رائعه بجاكوزي ومطله عالشلال وواسعه ومنها للمطار

محب الخير
يعطيك العافيه اخوي محب الخير على نصايحك الحلوه والي ان شاء الله راح اخذها بالاعتبار وان شاء الله راح امر على تقريرك بعد ما اخلص الرد هذا واعطيك رايي فيه ..
بس ممكن سؤال يا الغالي ..
بغيت اسألك شلون قدرت توصل حق مكتب الجيت وي مالبار ؟؟ اذا عندك اميل لهم او رقم تلفون تقدر تعطيني اياه فجزاك الله خير واكون شاكر لك يا الغالي

1. والسؤال الثاني هل المسافه بين هالمنتجعات بعيده او قريبه من بعض ؟؟

munnar..
اختي munnar يعطيج العافيه على الرد الوافي والكافي وشكرا لمناصرتك ايضا
الصراحه الموضوع والسالفه اهي راحه واستجمام وقتل للروتين والملل بالاضافه الى ان تجديد بسيط لشهر العسل
لان تاريخ السفر بالظبط يصادف تاريخ زواجنه
بالنسبه للبرنامج الي اقترحتيه باين ان راح يكون حلوو لكن بسأل كم سؤال اذا ممكن ..
ما تعتقدين ان كثره التنقلات من منتجع الى منتجع راح تاخذ وقت من السفره وخصوصا انها 7 ايام فقط ؟

والسؤال الثاني هل المسافه بين هالمنتجعات بعيده او قريبه من بعض ؟؟

واخر شي انا حبيت موضوع الفيلا الي مع المسبح الخاص و ودي اقعد فيها ثلاث ايام والغي ليله رمادا الاولى ف راح يتبقى 4 ايام ودي اقسمهم على مكانين بحيث اني اجلس في كل مكان يومين .. ياريت تعطيني احسن ثلاث اماكن بحيث تكون 3 ايام فيلا مع مسبح في مراري بيتش وبعدين يومين في مكان ثاني و يومين في مكان ثالث ومنها للمطار
اخر شي وادري مصختها ..
المسافه من المطار الى منتجع مراري بيتش قريبه ولا بعيده ؟؟ ولازم اسكن في رمادا مثلا ولا ولأ ؟؟
والمسافه من مراري الى كومراكوم ومنها الى مونار و واذربلي .. يعني المسافات بينهم بعيده ولا قريبه وخصوصا
اخر محطه ياليت تكون قريبه من المطار ..
وياليت تنصحيني ابمكتب اتعامل معاه علشان موضوع السائق والتنقلات واكون شاكرلج كل الشكر
اسف طولت عليج بس ماتقدرين شكثر راح اتساعديني وتختصرين علي الوقت

لو اختصرت الموضوع في مراري و كومراكوم و مونار
المسافات بينهم بعيده ولا قريبه ؟؟
وشلون اترتبونهم لي .. يعني اي منطقه لازم اروح لها قبل الثانيه بحيث تكون الاخيره اقرب للمطار
ولو قلنا ان في ..
1- مراري (( يومين في مراري بيتش روزورت ))
2- كومراكوم (( يومين في منتجع زوري ))
3- مونار (( يومين في كلوب ماهندرا ))
4- اذربلي (( يوم في رين فورست )) او (( رامادا كوتشين )) اي احسن بينهم ؟!
ومنها للمطار ..
شرايكم ؟؟ ولا في احسن من هالمناطق ؟؟
وياليت اتعلموني عن احسن الغرف بالفنادق الي فوق واي مكان في احسن فله مع مسبح منهم ؟
نصحوني جزاكم الله خير والله ماعندي وقت وخايف تخترب السفره

إخوي لا شكر على واجب ...
اسم المكتب :
gatewaymalabar
لو حطيت اسمه بقوقل تحصل الموقع و ممكن تراسلهم ما ودي أخالف قوانين المنتدى بس في مكاتب ثانية تعامل معاها الإخوان في المنتدى و يشيدون فيها راسل أكثر من مكتب و استخير و الله يكتب لك اللي فيه الخير ...
المسافات تعتمد على سرعة السيارة و الإزدحام .. من كوتشن لأذربلي تقريباً 4 ساعات من أذربلي لمونار 6 ساعات .. من مونار إلى زوري تقريبا 6 ساعات وهذا بناء على تجربتي .. المهم تكون نايم فترة كافية علشان تستمتع بالطريق ..
آنا سافرت مرة واحدة فقط هناك من هم أكثر خبرة بلا شك لكني أبدي وجهة نظري الخاصة .. الموضوع يعتمد على زوجتك و قابليتها للسفر و تحملها للدوار .. نصيحتي إنك تكتفي بمنطقتين هالمرة و إن شاء الله في المرة الثانية تزيد المدة و تكثر المناطق ..
منتجع زوري عندهم بكيج دق عليهم و اطلب أسامة يتكلم عربي بطلاقة و ممكن يفيدك و هذا موقع الفندق
http://www.thezurihotels.com
إقتراحات :

• ترتيب رحلة بالهاوس بوت لمدة 5 ساعات مع غداء -- متعة و تجربة لا تنسى..
• جولة بالمركب يسمونه ليج بالهندي لمدة ساعتين بيوم ثاني..
• ترتيب عشاء خاص على ضوء الشموع - بمنتجع زوري ..

مع تمنياتي لك بشهر عسل مميز
إخوك : بو عبد الله

اخوى مانصحك بمكتب gatewaymalabar
شورى غيره الكثير هذا العام مامدحوه وانا دوبى جاى من كيرلا عن طريق مكتب جهاد ولعب فى برنامجى وترتيبه غلط مو مثل اللى طلبته انتبه

اخوي الغالي محب الخير ..
الف شكر لك على تواصلك معاي والرد السريع والتجاوب الاسرع
بالنسبه للمكتب انا طلعت عنوانهم واميلهم معاي وان شاء الله هاليومين براسلهم وبشوف شنو يقدرون يسون معاي
وبالنسبه للمسافات البعيده احنى لنا تجربه في سيلان واتوقع ان نفس الطريج ونفس الاجواء ف ابشرك احنى تعودنا على هالطرق .. ويكفي انها طبيعه حلوه يا اخوي .. الواحد ما يمل منها
شكرا لك مره ثانيه يا الغالي .. وايد استفدت من ردك

محب كيرلا
مشكور اخوي على النصيحه الحلوه وانا عندي حاليا اكثر من مكتب وان شاء الله بشوف الافضل بينهم وربك يستر