ياهلا والله فيكم اخوي
عندك الستي وسوق واقف واللؤلؤة وفيلاجو ولاند مارك والمول والكورنيش وخذ لك لفه على موضوع السكن بتلقاه فوق في المواضيع المثبته
والمطاعم كثيرة

يوم بس حرام عليك
شنو بتلحق عليه؟؟

والله ودي اجلس اكثر من يوم بس الظروف والوقت مايساعدوون
وغير كذا ابي اروح اكثر من مكان...
الله يعطيكم الف العافية..

اخوي اعذرني لكن جدولك كلش مب مضبوط
أنا من رايي تلغي البحرين من الرحله خير شر لان مافيها شي
وتقعد في قطر يومين أو ثلاثة ايام على الاقل
شدعوة دبي تقعد فيها عشرة أيام !!!
ندري ان دبي حلوة وفيها وايد أماكن تستحق الزيارة
لكن مانقعد فيها عشرة ايام كاملة
الحين أوروبا وايد عليها عشرة ايام
وانتوا بتقعدون كل هالمده في دبي
ترى قطر تنافس دبي الحين
وبتتحسفون قد شعر راسكم اذا قعدتوا يوم واحد في قطر
لان مايمديكم أبداً تسوون أي شي
وعندنا وايد أماكن تستحق الزياره
ومايكفيها يوم واحد
على العموم باقول لك أهم الاماكن علشان تروحها
ولو مارحتها ماكأنك رحت قطر
مجمع فيلاجيو : مجمع تصميمه ايطالي مثل مجمع تجاري في لاس فيغاس بالضبط
وجزيرة اللؤلؤة : مثل جزيرة النخلة اللي انتوا رايحين لها ، بس هذي للحين مااكتملت
سوق واقف : هذا من أشهر الاماكن في قطر وهو عبارة عن سوق تراثي قامت الدولة بترميمه وصار روعه
وأنا اقترح انكم تروحون الصبح فيلاجيو تتمشون فيه ، وعقب العصر لين المغرب تروحون جزيرة اللؤلؤة
بيكون الجو اعتدل
وعلى الاقل بتكون الشمس للحين ماغابت
وعقب في الليل روحوا تمشوا في سوق واقف وتعشوا هناك
في وايد مطاعم في السوق
انتوا اختاروا اللي يعجبكم
وعقب اذا خلصتوا مروا على الكورنيش حتى لو بالسيارة
لان الكورنيش ماينفوت والمنظر هناك روعه
وحتى لو تمرون عليه العصر وانتوا رايحين اللؤلؤة لانها بتكون في طريقكم
بتلقون المنظر خيالي
وبالنسبة للفنادق أتمنى الاعضاء يفيدونك علشان تلقالك فندق بهالسعر
وأي استفسار أنا حاضره

احساس نابض
أخوي انت تقول انه الضروف ماتساعدك
ليش ماتساعدك ؟؟
انت بتسكن في الامارات عشرة أيام
يعني حتى لو تشيل منهم يومين ماراح يتغير شي وبتظل رحلة الامارات طويلة
ياإما إنكم تجون قطر وتقعدون فيها قعدة عدله يعني تطولون والا لاتتفضلون علينا بهاليوم الصدقة . . وروحوا الامارات واقعدوا فيها عشرين يوم

النوريq
اخوي اول شيء ليه معصب يعني هي مجرد فكره وخطة للرحلة
وش الي لا تتفضل علينا ايش دعوة كلام ماله داعي بصراحة
وبعدين قطر مافيها الا الدووحة مافيها مناطق كثير تروح لها
وبعدين الامارات بصراحة تحتار وين تروح فيها عندك ابو ظبي ودبي والعين والشارقة هذا غير الامارات الثانية
بصراحة وبدون زعل قطر مافيها الا الدوحة فقط يعني اتوقع يوم ولا يومين كفاية وبزياده..
اتمنى كلامي لا ياخذ بخاطرك وتفهمه غلطت..
وعموما يعطيك الف عافية على مرووك..

وغير كذا اسعار الشقق والفنادق عندكم مبالغ فيها يعني الوضع مايساعد انك تجلس كثير..
لكن الامارات عندك خيارات كثيره يعني صح اسعارها غاليه شوي بس على الاقل بدل ماتسكن بدبي
تسكن بالشارقة ارخص بكثير عنها..

احساس نابض
انزين والامارات شفيها غير دبي ؟
أصلا اللي يروحون الامارات يروحون دبي
والا الامارات الثانيه مافيها شي وبعضها اذا زرتها ينكسر خاطرك ماتحس انك في الامارات مثل راس الخيمه وغيرها من الامارات
وأبوظبي صج كبيره لكنها عاديه ومافيها شي زود
يعني ماسمعنا حد تعنى وراح لها سياحه
الاماره اللي فيها كل شي والناس تروح لها هي دبي
والشارجه حذفة حصاة من دبي يعني قريبه وايد واحنا كنا نروح لها في نفس اليوم ونرجع دبي
وعلى العموم الشارجه مافيها الا مجمع صحارى والحين هالمجمع صار مجمع عادي جدا بالنسبه للمجمعات اللي في دبي
وعجمان انا زرتها وماعندهم الا سيتي سنتر ، والله لايرويك السيتي سنتر
اللي أبي اقوله لك ان الامارات الثانيه مافيها شي زود على دبي ، بالعكس مستواها أقل من دبي بوايد
ومحد يتعنى يزورها
لكن قطر غير
مهيئه للسياحه وفيها وايد أماكن
واللي بيجي مايصير يلحق نفسه الاقصى ويزور كل الاماكن في يوم واحد
على العموم انتوا سووا اللي يريحكم في النهايه