قوس النصر
23-07-2022 - 07:46 am
مرحبا اخواني و خواتي
هاذي اول مشاركة لي في المنتدى و ابغي مساعدتكم
ان شاء الله انه رايح مع الاهل لندن شهر 8 و بالتحديد تاريخ 14 و هاذي اول زيارة لي حق لندن و انه الصراحة محتار مادري وين اسكن ، في ناس نصحوني بفندق westpoint ياجماعة سامعين عنه ؟ اهوه زين و له لا ؟
و اذا احد عنده فنادق ثانية حق عوائل و باسعار مناسبة ياريت تخبروني .
و عندي سؤال ثاني بخصوص الجو ، شلون بيكون الجو في مثل هل وقت ؟ يعني ناخذ ويانه ثياب شتوية او صيفية ؟
و شنو احسن طريقة للتنقل في لندن التكاسي و له المترو ؟
و شنو اهم الاماكن الي تنصحوني بزيارتها حق واحد اول مرة يروح لندن سؤاء سياحية او تسوق الخ ...
و مشكورين مقدماً
والاماكن اللي تستحق الزياره الهايد بارك والبيج بن والهارودز برج وجسر لندن ولندن اي وحديقة الحيوان وحديقة الرجنت والترفلي سكوير والحي الصيني وسوق شبرد بوش
وعموماا اوربا التمشيه في اي مكان حلوه ولندن بلد لو تمشي فيها صباحاا مساا ماتمل والتمشيه والاكتشاف احلى شي في رحلة السفر.
وبالنسبه للجو والله عاصمة الضباب جوها متقلب في اليوم يتقلب جميع الفصول بسمستحيل يجي حر مرره ولا برد مرره يعني جو معتدل حلو.ان شاء الله .
والتنقل في لندن بالمترو لانه يعتبر اسرع من التكسي والتكاسي غاليه واحياناا يكون زحمه الشوارع ممله.
ورحلة موفقة ان شاء الله وتروح وترجع بالسلامه .
وان شاء الله اكون قد افدتك بشي .