اهم شي اطيران والجبل وبالي

هلابك اخوي ، المسافر والله حالياً مافي طيران براسي الا الخطوط الخشبيه ( السعوديه ) لكن اذا حصلنا احسن منها اكيد بنستغني عنها ،

مساءك ورد
لا تخاف ولاتشيل هم اخوي نايف
بأذن الله تتسهل اموركم وتستمتعون بسفركم
سؤال بسيط هل الميزانية شاملة التذاكر ام لا ؟
علشان الجميع يقدرون يساعدونكم في البرنامج اللي يناسبكم
كن بخير

هلا وغلا اخوي معاند ، لا ياغالي الميزانية غير التذاكر ،
تحيآتي ،

حياك اخوي نايف
التقسيم كالتالي هذه وجهة نظري واكيد الاخوان ماراح يقصرون ويمكن يحطون لك تقسم افضل بكثيرا
1- المبيت في جاكرتا اول يوم
2- التوجه للجبل وانصحكم انك يكون مدة البقاء فيه 5 ايام لتغطية جميع الاماكان السياحية
3- التوجه الى باندونق والبقاء لمدة يومين وهي كافية
الحين راحت 8 ايام باقي 7 ايام
من باندوق احجزوا طيران ذهاب على بالي والعودة على جاكرتا
4- قضاء 4 ايام في بالي ومن ثم العودة إلى جاكرتا
5- قضاء اخر 3 ايام في جاكرتا للتسوق وزيارة معالمها
هذا اللي انا اشوفه ولا ادري هل مناسب لكم والا لا وبأذن الله خبراء العمة يدلون بدلوهم لتسهيل برنامج الرحلة
بعدها اذا اعتمدت البرنامج راح نساعدك في خيارات السكن وانصحك تستغل الوقت في متابعة تقارير الاخوة والاخوات ولاتهملها لانها تحمل الكثير من الامور اللي تسهل عليكم الرحلة
كن بخير

هلابك اخوي معاند ، برنامجك جميل ورائع لكن ننتظر راي الاخوان ونشوف وش الانسب ونعتمده بإذن الله ، شاكر ومقدر لك تفاعلك اخوي معاند ،
لك ودي ،

تبي نصيحة مجرب فرش كان هناك قبل اسبوع
بالي تستحق 6 او 7 ايام وعلى اساس كذا وزع الايام الباقيه
والله اني تحسفت على جلستي ببالي 5 ايام لأنها قليله وماحدني الا وقت العوده للوطن
والا لوكانت بالي بأول الرحله كان جلست فيها اغلب الايام
7 ايام بالي
5 الجبل
1 باندونق
2 جاكرتا
من وجهت نظري طبعاً بالي هي اندونيسيا الحقيقيه

هلابك اخوي ، موهوب القصيم ، كم تبعد بالي عن جاكرتا ؟ وكيف الاسعار هناك ، ؟ ياليت تفيدنا بالسكن والاسعار لاهنت ،
لك ودي ،