BinAbul
25-11-2022 - 03:12 am
السلام عليكم يا شباب وشابات المنتدى الكرام
اخوكم مو راعي سفر بسبب ظروف العمل وصعوبة الحصول على اجازه .
يا اخوان ان شاء الله اذا ربكم سهل راح اسافر في شهر 8 من تاريخ 8/2 الى 8/17 او 8/18
الدولتين هما النمسا و المانيا .... لحد الان محتار انزل في ميونخ وارجع من فرانكفورت او النزول و العوده من فرانكفورت
المناطق الي حاطها في بالي .....
المانيا : فرانكفورت و ميونخ و راست يوربا بارك و كولونج
النمسا : سالزبرغ و ولف جاجسي ( wolfgangsee )
بخبرتكم يا اخواني
اي المناطق الي اسحب عليها وما اروح او شلون انسق بين المدن ؟ ادري انه كولونج شمال فرانكفورت و ميونخ جنوب
هل في طريقه احسن انا للحين ما حجزت شي ... ابيض
وبغيت معلومات جديده عن المنطقه Wolfgangsee كان ودي اروح زلمسي للمره الثالثه بس اتوقع المنطقه راح تكون زحمه بشكل كبير ، وبالخريطه لاحظت انه الفنادق منتشره على البحيره فأي جهه تعتبر السنتر وجنب السوق والحوسه
ولا في منطقه تنصحون اروح لها مشابهه لزلامسي
ويا أخوان اذا مكان تنصحون اني اروحله انا مستمع لاي اقتراح لمدينه مو ذاكرها ....والخ
راح آخذ سياره اجار واحوس في ربوع الديرتين
مشكورين مقدما يا اخوان
في البداية لازم تسرع في الحجوزات
لأن الطيران والفنادق بنسبة 90 % فل
أنا سبق وزرت النمسا وألمانيا
وشهر 8 مثلك إن شاء الله بروح لألمانيا والنمسا
والحمد لله حجوزاتي كلها خلصت
وبعطيك مخططي وشوف إذا يناسبك
الوصول فرانكفورت والعودة ميونخ
يوم 2-8 الوصول في مطار فرنكفورت والتوجة مباشرة إلى بادن
بادن 4 أيام وتزور يوربا بارك وستراسبورغ وكولمار
قارمش يومين
زيلامسي 5 أيام وأنصحك بالسكن في كابرون
ميونيخ 4 أيام والعودة إلى الوطن عن طريق مطار ميونخ
شوف اللي يناسبك
وابشر بالمساعدة
لكن لازم تعجل وتقرر عشان الحجوزات
أخوك
محمد الدوسري