أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ههه دام اني مع نفسي بقوللكم اش بسوي
اليوم لا منهم فتحو بقالاتهم بروح اخذ عينات من كل الانواع
واضبط القهوه وعلى اقرب بحيره
بلاها مشوار لمصنع نستله اجل
تحياتي
ماشاء الله عليك اخوي طرزان طالع ذويق
ياخوي كل شي هناك يصير طعمه زين
صدق من قال الماء والخضره والأكل الحسن
بس لازم تروح لمصنع الشكولاته بتلقى أنواع كثيره بس انتبه من اللي فيها كحول تراي طبيت فيها وأنا مدري
يازينك ويازين يومياتك ولا تقطعنا منها
في انتظارك
مافي تلقاة امن نفسك وجب كمية لك حق سنوات قدام عليك عافية
ياخي الشكولاتة عندهم شي عجيب كل نوع احلي من الاخر
ع فكرة اذا بتجيبة ساعات يدقرون بالشحن انت وحضك يقولن شيلة شحن بالطيارة لاني كنت جايب عسل وشوكولاتة وحطينهم بشنطة يدي باخذها معي بالطيارة قال لي حولها شحن لا ن فيها عسل وكريم ههه وناس جنبي مشاهم في السير الثاني مطار المانيا طبعن
ورحنا المصنع اليوم كوتي اقنعتني ان فيه انواع كثيره تستحق التجربه طلعنا بعد الساعه 12:30 قبلها دخلت على القوقل ماب اشوف الطريق طلع تقريبا 80 كم من انترلاكن طريق جبلي وفيه طريق اطول ب 30 كم سهل اخترت الجبلي وصلنا الساعه 3 العصر وانا خبري انه يقفل الساعه 4 من بعض التقارير طلعنا منه 5 ومازال فيه ناس يدخلون العرض الاول قصه ممله مدتها ربع ساعه وبعدها لمن دخلنا غرفه فيها خياش بذور الكاكاو والمكسرات هنا بدأ الحماس ريحه الكاكاو والبندق واللوز شي خيالي وبعدها سير يطلع قطع شوكولاته مغلفه اكلنا منه واخذنا معنا واللي يعبي الصحن مافارقت الابتسامه وجهه اعجبني تعامله يشوفنا ناكل ونحط بجيوبنا وعادي كانه يقول خذو راحتكم وبعدها دخلنا غرفه التذويق وهنا مربط الفرس قبل الغرفه فيه لوحه في الجدار تشرح كيف طريقه اكل الشوكولاته هذي اللوحه من اهم الاشياء اللي تعلمتها اليوم الاهل طبعا سيده على الصحون يأشرون لي تعال وش قاعد تقرا قاعد اقرا الاتيكيت 1- النظر الى قطعه الشوكولاته حتى تشبع حاسه النظر تمسك القطعه وتتمقل فيها شوي 2- تحط القطعه بطرف اللسان مكان حاسه الطعم وتكسر نصها وترجع تتمقل بالنص الثاني 3- تملا فمك بالكامل بالشوكولاته 4- بعد البلع تنتظر مده تفكر فيها قبل تحط قطعه ثانيه 5- حاسه السمع اشباعها يكون بسماع صوت المكسرات او الاضافات لمن تتكسر في فمك هذا باختصار اتيكيت تذوق الشوكولاته وهذا بالضبط سبب اني ما طلعت من غرفه التذويق الا اخر واحد ههه دخل قروب ثاني وانا لسا عند النوع قبل الاخير الانواع الاخيره الثلاثه المعروضه في غرفه التذويق في مصنع كالير-نستله هي الفاخره واللي فيها الفن ( لكن ارجع واقول تورينو لها مذاق سلس وخاص مايفهمه الا اللي جربها) تذكرت بعض التقارير اللي تقول ليت معنا قهوة ههه والله صادقين انا ماوصلت اخر نوع الا وراسي ضرب علي الظاهر السكر وصل مستوى عالي في دمي كان لابد من قهوه مهيله بالنسبه لرسوم الدخول 20 فرنك لشخصين كبار اما الاطفال مجانا بعد ما انتهينا وعرفنا الانواع الممتازه اخذنا منها من المعرض واللي اشوف اسعاره جدا مناسبه وعرفنا نوعين من الشوكولاته فيه كحول ( اللي تبيع في الكاشير علمتنا) واستبدلناهم بنوع خالي من الكحول لكن الشي اللي فاتنا نسأل عنه هو زيت الخنزير تكرمون راح عن بالنا نسأل عنه
ههه
أجل لازم تناظر قطعة الشكولاته ليس تشبع حاسة العين وحطها في طرف اللسان واكسرها
الله يهديك بس ياللي كاتبها ياخو اذا مابلعتها قبل ماتذوب ماكنك اكلت شكولاته
إن شاء الله يكون المصنع عجبك ونصيحتي كانت صائبه
مستمتعين معك اخوي طرزان وبالتوفيق
اي شيء هناك حلو
اخاف يكتبون الشباب ولا يمديك تجرب كل شيء
بالعافيه عليك