عليكم السلام
سؤالك الأول ممكن تحصله في المواضيع المثبته عن الشقق ماعندي فكره عنه
اما مطعم مغل فهو في الخبر تقاطع 13 قريب من شارع الأمير بندر السويكت بس هو يقع علي تقاطع 13
المطاعم اللي في الراشد اغلبها سريعه او جلسات مجتمعه فيه بس المطعم الصيني
إذا تبي مطعم اغلبها في شارع الأمير تركي الواجهه البحريه ومجمع الأولي او جزيرة الدغيثر وشارع الأمير فيصل بن فهد

اهلا وسهلا فيكم اخوي
بالنسبه لمغل تلقاه بتقاطع 13 وقريب من السويكيت
ومطاعم الراشد فيه فريدركرز والخليج الصيني وجوني روكيت مقهى ليل نهار حلو بعد فطور والف ليله وليله ومقهى ايطاليا بيتزاريا

اهلين .. اهلين .. اهلين
وين الناس .. يالقاطع
.. مالك شوفه .. سالت عنك قبل فتره في احد مواضيعي
بجد اشتقنالك وين ايامك ..
البركه في مشرفتنا والاخوان ماقصرو ردو عليك
اتمنى تكون بخير وصحه وعافيه
مع التحيه

ياهلا والله
سألت عنك العافية
شوية تغيرات وصارت الحمد لله والحين اطبق ومسوي مشغوول
يعطيك العافية ع سؤالك وهذا من طيب اصلك

يعني افهم من كلامكم ان موقعه صعب وايش هذا السويكت؟؟؟؟
هذا ممكن احد يوصفه لي بطريقة سهلة ومن الراشد مثلا
ولكم الف شكر

هلا وغلا .. كم اسعد عندنا
شوف اذا انت على شارع الظهران (طريق خادم الحرمين الشريفين الملك عبدالله) والراشد على يسارك كنك رايح للكورنيش احسب 3 اشارات بعدها تلقى اشارة صغيره للمشاه ديور معها (يعني كأنك راجع للراشد ) امش ثلاث تقاطعات تقريبا (المهم قبل الاشاره بتقاطعين ) لف يمين تلقى شارع كله محلات (اذا لقيت حلويات سعد الدين وطرابلس ومحلات الاواني المنزليه في بدايه الشارع فأنت في الطريق السليم) روح سيده واحسب 13 تقاطع ولف يسار تلقاه ع اليمين علطول
الشارع معروف بأسم شارع السويكت لكن البلديه حاطينه بأسم الامير بندر (يعني فيه ناس اذا سألتهم عن شارع الامير بندر مايعرفونه قول شارع السويكت والف من يدلك)
اتمنى اني افدتك ..
مع التحيه

الوصف يضيع ههه
بحاول والله يسهل
ماقصرت يالغالي ويعطيك الف عافية