نشر في البحرين

مجبوس سمك بحرينى

ادارى

10-09-2022 - 12:19 am

أبنزل الاسبوع الجاى ومخمخ على أكل شعبى بحرينى سمك وبريانى ومجبوس وين أحصلة ويكون متخصص بالاكل الشعبى ولكم تحياتى

التعليقات (9)

Mrs_albrahim

10-09-2022 - 03:11 am

ايه والله وانا اضم صوتي ل اداري...وين الاكل الحلو والبرياني والصالونات الحلوه والمجابيس نبي مطعم شعبي يكون حلو
ماتقصرون يا اهل البحرين

neno

10-09-2022 - 04:12 am

شوف تبي مطعم مضبوط .. في مطعم شعبي اسمه ( لايفوتك) في منطقة الحاله من المحرق وصاحبه فنان شعبي معروف باسم ( المرتفعه ) ..
عاد روح له قبل الساعه 11 ووصه .. لان بعد ال 11 ماراح تحصل شي ..
عنده مجبوس هامور ومجبوس خثاق ومجبوس لحم ومجبوي ربيان الخ ..
وعنده كل انواع العيوش بس انت وصه وخبره انك مب بحريني عشان يتوصه فيك ..
واذا ماتشوف نفسك متكلف وماتبي تعور راسك حياك عندي في البيت ومايصير خاطرك الا طيب ( :

الغالـــية

10-09-2022 - 05:13 am

حياكم الله في البحرين ... إذا تبون تتريقون ريوق شعبي ... روحوا سوق المنامة ... في قهوة هناك عند باب البحرين .. يسوون بيض وطماط وشاي بالحليب .. وخبز وشاي بالحليب .... خاصة ان الجو الحين يجنن ..

Mrs_albrahim

10-09-2022 - 06:14 am

neno يعطيك الف عافيه من جد ماقصرت... بروح له ان شاء الله وبطلب مجبوس ربيان واو وبقولك رايي بعدين
الغاليه... تسلمين يالغاليه وذكرتيني على طاري الفطور.. ماجت على بالي... شكلي بسويها واروح افطر شعبي بدال اكل الفنادق الممل... مشكوره يالغاليه

نشيد السماء

10-09-2022 - 07:15 am

أضيف على الإخوة مطعم تبريز في عذاري

سواح كويتي

10-09-2022 - 08:16 am

يا اخوان حبيت اصحح بس المجبوس للدجاج واللحم فقط اما انواع السمك يسمونه مطبق وهذا للعلم

Mrs_albrahim

10-09-2022 - 09:17 am

مشكور يا وريور ويثن
ومشكور يا سواح كويتي على المعلومة المفيده ماكنت ادري

neno

10-09-2022 - 10:18 am

سواح كويتي
يمكن في الكويت .. احنا ماعندنا مطبق ..لكن عندنا في البحرين المجابيس تشمل كل شي لحم دجاج ..
مجبوس هامور , ربيان , خثاق اللي في خاطرك ..