من رأيي الخاص 3 ايام مدريد وعقب طيران داخل لي برشلونه 4 ايام في برشلونه وبعدهه اما بالقطار من برشلونه لقرب المسافه الى فرنسا او طيران داخلي طبعا افضل

الله يعطيك العافيه اخوي ماقصرت ..
وين باقي الاعضاء عطونا رايكم ..

ممكن تكون برشلونة 4 أيام + سان سبيستيان 3 أيام

الليل والنهار تسلم ماقصرت....
بس ابي اكثر من مكانين يعني برشلونه ومدريد وماربيا بس مو عارفه ارتبها مدري وش رايكم ؟؟؟

غزاله
الترتيب يكون على حسب الحجز وين بتكون محطتكم الأولى وبعدين راح أسأل سؤال هل عندكم رغبة في استئجار سيارة وإلا

اختي علشان تكون رحلتك منظمه وغير مرهقه لازم تركزين على نقاط مهمه
اولا : اكثر شيء تحبينه في السفر هل هو المناظر الطبيعية الساحره والاجواء الخلابه او الاماكن الاثرية والمعالم الشهيره او المدن الصاخبه والمشهوره بالتسوق والحركه والمرح
ثانيا : الميزانيه المحدده فكل اختيار له تكلفة
ثالثا : اختيار اماكن يسهل التنقل اليها لتجنب مشقة السفر والهجوله خصوصا لمن لديهم اطفال وان يكون حجزك الى مدينة والعودة من اخر محطه لكي لا تتكبدي عناء العوده الى المحطه الاولى فمثلا يكونو وصولك لباريس والعوده من مدريد والتنقل يكون بين اهم واجمل المدن بينهما بقدر الامكان تحياتي

zaman99s
حنا حجزنا باذن الله بتاريخ 31 يوليو الرياض مدريد والعوده 17 اغسطس باريس الرياض ومن اسبانيا لفرنسا شكلنا بنطلع بالقطار وبالنسبه للسياره زوجي كان يبي يستاجر بس انا ماشجعته .. يعطيك العافيه
daayem1
بالنسبه لأولاً انا احب كل شي بس ابي اذا رحت لدوله اروح للشي الحلو والمميز فيها يعني اذا حصل طبيعه خلابه ممكن اتنازل عن التسوق واخليه بباريس ودي اشوف الاشياء الحلوه باسبانيا بغض النظر اذا كانت طبيعه او اماكن اثريه او غيرهايعني انا ماجيت هنا الا ابي استفيد من اصحاب الخبره ..
ثانيا الميزانيه ماحددنا ميزانيه بس ان شاء الله ماتكون عائق ..
ثالثا انا ماعرف اماكن باسبانيا لاني اول سنه اروح لها عشان كذا انا سالتكم وبالنسبه للاطفال مامعنا اطفال .. يعطيك العافيه

على كذا أشجعكم على استئجار السيارة ويكون ترتيب رحلتكم مدريد وبعدها ماربيا ويكون انتقالكم لها عن طريق السيارة وتزورون في طريقكم قرطبة وغرناطة وأشبيلية وبعدها من مطار ملقا على برشلونة ثم بالقطار أو الطيارة لباريس

السلام عليكم
المسافة مدريد باريس 1300كم, السمافة مدريد برشلونة 620كم, مدريد ملقى 620 كم ويمكن القدوم عن طريق فلنسية يعني برشلونة قلنسية ملقى ماربيا حوالي 1000كم, عموما حسب الوقت والرغبة بالسفر وانا انصح عدم استاجر سيارة للذي لا يعرف الطرقات والقانون جيد وان كان عليه استخدام جهاز مساعد مثل توم توم يمجهز بخرائط وحتى الرادارات في اوروبا. السفر بالقطار السريع جيد وللذي يريد اماكن محددة علية بالطائرة.
اسبانيا جميلة من شمالها حتى جنوبها لاكن الجنوب مركز تواجد العرب وبالذات من اهل الخليج, ساحل الشمس وغرناطة وقرطبة وغيرها, برشلونة كبيرة جدا وفيها من جميعه وانا شخصيا لا ارغبها لشدة الزحمة واخذ الحذر لاني ما اريد سياحة وحراسة وقلق, القطارات الداخلية متعبة وبها صيادين كثير وحتى مدريد, انا اجد ان الجنوب هادي وامن اكثر.
عموما نحن في الخدمة والمعروف ايضا موقعنا http://www.lacostadelsol.net تلفوني الشخصي 667630833 ومفتاح الخط 34 ومكاتبنا في قرطبة وفي ملقى.
اي خدمة حياكم الله