watbh
07-05-2022 - 11:48 pm
في البداية اشكر الاخوان القائمين والمشاركين في هذا الصرح الشامخ على جهودهم المبذولة
والزبدة ومافيه أنا رحلتي بعد اسبوعين ومتخوف منها مع انها مو اول سفره لي بس اول سفره لامريكا
متخوف لان الاغلبية يقلون الامور متعقدة وانا بصراحه حبيت استفسر من اي واحد عن الاجرات اللي بيتخذونها معي اول مااأوصل مع العلم ان رحلتي من الرياض الى نيورك ويالت اي وحد يفدني كانت رحلته
زي رحلتي يعني الى نيورك وبرضو ياليت يبين لي كل نقطه لان تقدرون تقلون علي شوي دلخ
وشكراً لكم
الاجراءات بسيطه جدا ولكن المشكله انها تاخذ وقت .. لا تخاف ولا شي بالعكس خلك طبيعي ...
اول ما تنزل من الطياره تروح لطابور الجوازات العاده يكون طويل شوي .. تنتظر دورك و تروح لموظف الجوازات المختص .. و هو راح يدخل بعض المعلومات و يمكن ياخذ بصمه و صوره لك .. و في اغلب الاحيان بيعطيك ملف فيه اوراقك و جوازك و يقولك توجه للغرفه الى على جنب .. تدخل الغرفه وتعطيهم الملف .. يمكن يطلب منك تعبي ورقه اضافيه .. فيها معلومات عنك و مكان الاقامه في امريكا وتاريخ ميلاد الوالد و الوالده و اسمائهم .. و طولك و وزنك .. تعبيها و تسلمها مع الاوراق في الملف .. وبعدين احد الموظفين بينادي عليك و يسالك بعض المعلومات انت جاوب على قد السؤال و كون واضح .. اذا كانت لغتك الانجليزيه تعبانه قوله ابي مساعده ومرات يخلي احد المسافرين الي يعرف انجليزي يساعدك .. و احتمال يطلب بطاقه الكريدت كارد علشان يسجلها عنده .. و بعدها تخلص الاجراءات و تاخذ الشنط حقتك .. وانتهى كل شي ..
الناس تتضايق بس علشان الانتظار لان مرات يمكن تجلس ساعتين او 3 ساعات يعتمد على عدد الي يسون تسجيل خاص..
تجي بالسلامه ..