1. بالله وش السواة..؟؟

السلام عليكم ورحمة الله وبركاته
اخواني واخواتي..
اعيش من امس تقريبا ازمة وضيقة مو طبيعية..
المفروض ان رحلتنا يوم الخميس ان شاء الله..وبنكون انا وزوجي بس.. ماراح نسفر العيال اي مكان عشان خايفين عليهم من هالانفلونزا..
وانا اقتراح بريطانيا كنت انا اللي مصرة عليه ومتحمسة له عشان هالصيفية..
بس سالفة الانفلونزا هذي الله يكافينا شرها .. معيشتني بازمة..
على اننا حاجزين ومضبطين امورنا للندن وويندرمير .. بس بنفس الوقت تخيلوا..
حاجزة على اسطنبول لنا وللعيال.. (( عشان لو باي لحظة كنسلت وهذا اللي ظني راح يصير..
نلاقي لنا مكان ثاني..))
.
.
الكم يوم اللي فاتوا كني تشجعت شوي وخلاص صرفت نظر عن الالغاء..
لكن امس بالذات قعدت افرفر زي عادتي بجوجل عن هالانفلونزا الله يقطعها يارب..
واكتشفت ان الواحد يمكن يقعد حاضن المرض من غير ماتبان عليه الاعراض الى اسبوع تقريبا..

بالله وش السواة..؟؟

(( انا ماني خايفة انصاب .. انا خايفة انقل العدوى لعيالي اذا رجعت واكون لسه مابعد ظهرت علي الاعراض..خاصة بنيتي لبا قلبها توها رضيعة..))
فقلت شلون يعني نرجع ديرتنا ولا ناخذ عيالنا..(( يتروالي امي الله يحفظها بتشوتهم علي تقول ياقوي وجهك بعد تبين تجين وتخلينهم عندي بعد.. زين منها بتتحملهم وقت السفر مالي وجه اقول خليهم عندس كم يوم بعد اخاف نعاديهم...يعني غثا..))
قلنا طيب بنروح تركيا..دام انا ضامنين الحجز..
بس ركبتنا الوساوس .. طيب تركيا فيها اجانب واجد.. ونفس المشكلة وش يضمنا اننا نظيفين من المرض عقب مانحول من الطيارة..؟؟
اليوم...
قلبنا على ماليزيا...بس مش من البوكينج.(( صراحة استحيت منه..)) رحت لاكسبيديا..
وقلت خيرة...
وعقب ماحجزت لقيت ان يقولون انها متروسة هنود وصينين وكذا ((تراني مااعرفها..لأني مااداني شرق اسيا اصلا..))
شلون يعني ..؟؟
.
.
ترا الهدف من كل هاللي فوق.. عشان هالسؤال:
اللي رجعوا من لندن..الايام اللي طافت.. وش سووا.. حللوا على طول.. ولا راحوا سلموا على اهلهم وعقب حللوا .. ولا ماحللوا من الاساس..
وكم يبيله التحليل وتطلع نتيجته..؟؟
ترا ادري ان الانفلونزا مش خطيرة..سالت دكتور وقالي.. بس برضو يعورني قلبي لما اتخيل ان بنيتي فوق مااني راح اخليها اسم الله عليها.. من غر شر اجي واعاديها بعد..وشلون اصير ام