انت الحين بتكون في بورتسمث او بورمث؟

حأكون في بورنموث يوم 4/10 بإذن الله .. وطلبي سكن ممتاز وفي منطقة جيدة وقريب من Kaplan Aspect إن أمكن .. مع العلم ان المعهد ممكن يوفر سكن بس أنا مو حاب اني أكون في السكن التابع لهم ..
مع كل الشكر ..

تكفى لا تنسوني .. شايل هم السكن وودي أرتاح وأخلص من الموضوع هذا ..

للرفع .. وتكفون الفزعة ..

السلام عليكم ورحمة الله وبركاته
اتبع الرابط وان شاء الله خير
http://bournemouth.gumtree.com/bournemouth/5091_1.html

آآآآآآآآآآآآآآآآآآآآآآآآآآآآآآآه السكن وماادراك مالسكن وتعامل المكاتب عندهم بالمختصر :112:
تعاملت مع مكتبين ولا واحد كان صادق معي
اولا الاسعار بشكل عام :-
بالنسبه لاستوديو قريب من التاون مايقرب 650 باوند
اما الشقق فيتراوح حسب مستواها وموقعها
يعنى ممكن تحصل شقه قريب التاون ب 550 باوند بس قديمه وغير امنه يعنى باب الشقه على الشارع وانا مانصح بهذا النوع من الشقق
بالنسبه لي انا خذت شقه ماهي بعيده من التاون بالباص 10 دقائق مستواها جيد نظيفه بس بدون تلفزيون ب 675 باوند
بشكل عام اقل مدة تاجير عندهم هي 6 شهور اذا كانت المدة اقل من ذلك فانصحك تروح قبلها بمده
لانك راح تحتاج لوقت علشان تحصل مكتب ياجرلك واذكر كل المكاتب اللي مرينا عليها قالونا على مكتب بالساوث بورن اذا لقيت الكرت راح ارساللك الارقام على الخاص
المكتب اللي انا اجرت منه اسمه ابي وهو بالشارمنستر للعلم المسؤول هناك عراقي اسمه نمر بس مايبين عليه مايعرف يتكلم عربي غير انا شكله مايدل بس بصراحه هو خدمنا لما طلبنا منه نمدد شهر قال اوكيه وقال ماله داعي تدفعون لاخر شهر باخذ التامين هذي الحسنه الوحيده اللي سواها
نصيحتي لك تروح وتسكن عند عائله حتى لو اسبوعين او ثلاثه لان فنادقهم غاليه لين ماتعرف المدينه وتشوف الشقه اللي تناسبك
او انك تاجر لمدة 6 شهور حتى لو كانت المده سنه لانك بعدين بتعرف على المنطقه وبتشوف ان في شقق افضل وبسعر احسن بس في نقطه وهي انا انت لما تغير الشقه خصوصا لما يكون من مكتب ثاني راح تضطر تدفع مايقرب 200 باوند اتعاب المكتب يعنى بتدفعها مرتتين بدل مره
وانتبه من نقطة التامين لانهم بحاولون ياخذونه منك باي طريقه فلا تخليه لهم

شكراً قطر الشموخ ..
وانا راح آخذ بنصيحتك واسكن عند عائله لمدة شهر ومن هناك ممكن اني ارتب نفسي ..
يعطيك العافية ..