ماقصر اخوي خاص
وضح الصورة
والمصاريف اعتقد انك تقدر تخلي مصروفك 150 يورو باليوم اواقل اويزيد ولكن حسب طريقتك وخويك بالصرف
دمت بود

تسلمون اخواني ما قصرتون ..
في احد راح الديربي عن طريق الحجز بالنت ؟

هلا بالغالي
سؤالك جا على الجرح لاني انا يفنتيني وناوي احضر مباراة اليوفي وروما في 14 نوفمبر في تورينو
وسالت الاخوان وماقصرو بس المشكله اني دخلت موقع اليوفي بس لسه التذاكر ماعرضوها للبيع
انا عندي سؤال مااقدر اقطع التذكره من الملعب؟؟؟؟

هذا الرابط راح يفيدك
https://artravelers.com/p/re/351598
بس انا اللي افادوني فيه الاخوان انه لو اخذت التذاكر عن طريق الفندق ارح تجيك ارخص عشان كذاا انا خاطبة الفندق والى الان ما ردلي .. وشكراا

الف الف شكر ,,
وننتظر احد راح الديربي وشلون كانت الرحله

1. Ahmedezo


2. اسمع الكلام من مجبر لان الردود الي فوق شكلهم ما اشترو التذاكر لديربي

Ahmedezo

اسمع الكلام من مجبر لان الردود الي فوق شكلهم ما اشترو التذاكر لديربي

التذاكر الي تنباع تذاكر موسمية ,,,مره حضرت مبارات للانتر الي قاعد جنبي ايطالي يقول لي ان هذا كرسيه من عشر سنوات,,كل سنه يشتري التذاكر الموسميه للانتر ,,,,مره كان مسافر خارج ايطاليا لمدة سنه بس انه اشترى التذاكر لانه اذا ما شراها بيروح منه الكرسي,,,كل سنه له اولويه انه يشتري مقعده ,,,اذا ما شراه يشتريه واحد ثاني و يفقد الاولويه,,,
التذاكر بما انها في ملعب اليوفي فلهم الاحقيه انهم يبيعونها,,,التذاكر تنزل بموقعهم قبل المبارات باسبوع,,,بس انسى انك تلقاها على موقعهم ,,,,اول ما ينزلونها بالبنك,,,تروح البنك و تشري التذكره بس انسى موضوع البنك لانه اول ما يفتح تلقى التذاكر مبيوعه,,,,بيع التذاكر يذكرني بالاكتتابات اول ,,,,من اول يوم يفتح البنك يقولون الاستمارات منتهيه
الحل الوحيد السوق السوداء,,,في مواقع تبيعها و ترسلها لفندقك قبل المبارات بيوم او يومين,,,تقدر تشتري تذكرتين بس احتمال انها ما تكون قريبه من بعض,,,انت تختار الموقع و هم يعطونك التذكره بالموقع
اسعارهم مره غاليه,,,,,احضر مبارات بس ما تكون دربي,,يعني يوفي مع اتلانتا مثلا,,,
خلنا نجرب
اول مبارات بايطاليا على الكاس بين انتر و روما بتارخ 28 اعسطس,,,يعني اقل من عشر ايام
الطريقه الاولى عن طريق موقع الانتر
الى الان ما نزلت للبيع ,,,جرب قبل المبارات بخمس ايام بتلقاها سولد اوت,,,يعين بيعت
http://www.inter.it/en/biglietti/acquista.html
الطريقه الثانيه عن طريق السوق السوداء
http://www.worldticketshop.com/tickets/inter_milan_tickets
سعر التذكره 149 يورو ,,,اكيد انها وراء الجول بالزاويه
طبعا ما فيه مقارنه بين الطريقة باسبانيا و ايطاليا,,,,ما يعيشون بدون سوق سوداء,,,,علشان كذا عندهم مافيا,,,عمرك سمعت مافيا اسبانيه,,,,,,,,
على فكره المووقع الي فوق مضمون....اشتريت منه من قبل و يوصلونها للفندق قبل المبارات بيوم او يومين
يوفي و روما ,,ما يسمونه دربي

1. اهلا اخوي اطليانو


2. اخيرا واحد راح مباراه وكلامه مضمون 100%

اطليانو

اهلا اخوي اطليانو

اخيرا واحد راح مباراه وكلامه مضمون 100%

بجاوبك من آخر نقطه ذكرتها .. من قال ان روما واليوفي يسمونها ديربي ؟ انا ترى من لما وعيت على الدنيا اموت في الكوره وخاصه الايطاليه عندي انها كره العالم اجمع .. يمكن لو يطلع مني دم تشوفه ملون بعلم ايطاليا
انا اسألتي كانت عن ديربي مدينه ميلانو وبالتحديد على ارض الميلان شهر 4 السنه القادمه .. لان عشقى الاول والاخير هو فريق AC Milan ..
بالنسبه للتذاكر انا ما ابغي تذكره موسميه .. ابغي تذكره لمباراه الديربي فقط وباقي المباريات ما تقصر الجزيره الرياضيه ههه ..
في شئ ذكرته ما دخل مخي او بالاحرى شلون راح يكون .. قلت اني اشتري التذكره ولما اروح ما اعرف وين كرسي مالي . يعني لو كنت بروح انا مع زوجتي هل اقعد انا في كرسي وهي في كرسي بعيد عني ؟
او طبعا الحل الاقرب هو مع ربعي هل نفس الشي هم في كرسي وانا في كرسي ؟
انا ابغي احدد مكان جلوسي ما ابغي اروح من البحرين الى ايطاليا علشان اقعد في آخر مدرج واشوف اللاعبين كأني العب بلايستيشن ..
ابغي اقرب مكان للملعب يعني لو عصبت وسبيت لاعب ابغيه يسمعني
>> بسبه بالعربي علشان لا يفهمني واروح فيها
مو مهم سعر التذكره اهم شي ابغي مكان انا اختاره حتى لو كان VIP ..
ياريت احصل اجوبه على استفساراتي ..

ahmedezo
اماكن جنب بعض غير مضمونه,,,الاماكن عادتا تكون خلف لمرمي
اذا شريت التذاكر تجد فيه رقم الكرسي و حتى البوابه الي تدخل منها
انا شفت واحد جالس بمكان و زوجته بمكان ثاني,,,بس قريبه من بعض

السلام عليكم
حبيت افتح هالموضوع بما ان ما حصلت موضوع يتكلم عن المباريات في ايطاليا وكيفيه الحضور لها وكم تكون تلكفه السفره ..
في القسم الاسباني مو مقصرين فاتحين موضوع وفيه من الالف الى الياء .. كل شي عن المباريات ..
عموما اسألتي هي :
1 ) كم سعر تذكره مباراة الديربي ؟
2 ) افضل موقع لحجز التذكرة ؟ يكون مضمون 100%
3 ) طريقة حجز التذكره ؟
4 ) هل استطيع حجز تذكرتين مرة وحده ؟ والا لازم كل وحده بروحها ؟
5 ) هل استطيع حجز كرسي معين والا الحجز يكون للمدرجات وانا هناك آخذ الكرسي اللي ابغيه واحجزه قبل المباراه ؟
6 ) موعد صدور التذاكر ؟
7 ) كم تكون تكلفه الرحله ؟ يعني تقريبا الى 5 ايام يومين قبل المباراه ويوم المباراه ويومين بعد المباراه ؟
هذي حاليا الاسأله اللي تدور في مخي .. ياريت احصل احد يتفاعل مع الموضع ويجاوب لان اتوقع لازم في احد بعد يبغي يشوف فريقه المفضل على الطبيعه ..
وشكرا ..