اهلين اختي ام جود واتمنى لكم رحلة سعيدة وموفقة
مشكوره على المعلومات واستغربت روحتك بستر فلج باول يوم وصول لكم !! تعب بصراحه اول يوم حلاته الواحد يرتاح فيه ويكتشف المنطقة اللي حول السكن
الثيستل موقعة رائع واغلب غرفة تطل على الاكسفورد ... وكيف الجو ؟
ترجعون بالسلامة ان شاء الله
واي خدمة اختي حاضرين والله يحفظكم

شكرا اختنا علي النصائح

حتى بالطيارة رقابة مان تو مان ههه مالك حق يا ام جود قطعتي حوار الحضارات على ابو جود
بالنسبة للفيزا او الماستركارد انا استعملها بجميع الدول من غير مشاكل ولكن ببريطانيا تحديدا في السنوات الاخيرة كثرت عمليات تزوير بطاقات الإئتمان وخصوصا من بعض المهاجرين فصارو يتشددون جداً في التعامل معها ، لكن على فكره ماله حق يرفض بطاقة الإئتمان اذا لم يكن بظهر البطاقة توقيع والإجراء الصحيح هو ان يقوم الكاشير بطلب بطاقة الهوية او الجواز ومطابقتها مع بطاقة الإئتمان والصورة ، وانا أخر بطاقة طلعتها موظف البنك بنفسه قالي لا توقع على البطاقة افضلك ، وحتى بلندن مرات اعطي زوجتي بطاقتي الإئتمانية وبطاقة الهوية وتشتري فيها بدون حضوري .

حياك الله يا أم جود
الحمد لله على سلامتك
ونصائح قيمة نستفيد منها

الحمد لله عالسلامة
وبنتظار تقرير مصور

طرح رائع ونقاط مهمه ..
فعلا المطار القطري بناحيه الباصات ما عجبتني وبوقت رحلتي كانت مسافه طويله بين الطياره والمطار وما هضمت الزحمه والباص والطيران كله
هل صورة الجواز تكفي ولا لازم اشيل الجواز في كل تنقلاتي في لندن ؟
ولو فيه معلومات زياده نورينا الله لا يهينك ومشكوره بكل الاحوال
تحيتي

فارس الجبيل
والله اختك تسوق رحلاتها بالدرجه الاولى وكانت تقريبا ثاني يوم لان اول يوم وصول جيت بدري على الظهر ورحت لهارودز وتمشيت بالاوكسفورد
وكان بخاطري اجمع ماركات مخفظه قبل مادخل السوق الجديد واضيع فلوسي
وجد استفدت بقوه
بالنسبه للجو رائع مشمس بدون امطار وكل ماله ويزيد حر امس واليوم قلبت الملابس صيفي فرق عن بدايه رحلتي

هويتي بالعربي ولا قبلوها ولا قبلو صورة الجواز
وقتها اصرت على اثبات رسمي فيه توقيعي ولا ماتقبل
رايح اروح اشيك رالف لورين

wakf20
شاكره مرورك