ابوفلاح
01-04-2022 - 09:13 am
السلام عليكم جميعاً
ماهي توصياتكم ونصايحكم من هبوط الطائرة الى دخول الغرفة بمنطقة العرب نانا و....؟
أقصد يا أخواني وش لازم أسوي وين اروح في المطار عشان أخلص بسرعة من الجوازات والجمارك واستلام العفش - شريحة جوال- صرف عملة- حجز فندق ليوم واحد - تاكسي : كم المسافة والزمن والاجرة عادة من المطار الى منطقة العرب شارع سوخمفيت نانا وغيره من نصايحكم السريعة اللي ما نستغني عنها، لاني أنا ما كنت ناوي انزل في بانكوك اول ما اوصل لاكن لان وصول رحلتي المغرب 6.30 ولا ودي اروح لبتايا بالليل لان الطريق يقولون ساعتين تقريباً و قلت ارتاح اول يوم وصول ببانكوك واليوم الثاني قبل الظهر اتحرك لبتايا (هل فيه أحد يودي من نانا لبتايا والا لازم تاكسي من المطار؟)
ولكم جزيل الشكر ،،،
وترى راح تزعل الاداره خل الاسئله فى ساحه الاستفسارات
أولا بالنسبه لكونك من السعوديه أذا ماكنت عامل فيزا , فيجب التوجه لمكتب الفيزا بالمطار و أستخراج فيزا مدتها 15 يوم و لا اعلم كم تكلف ولكن أعتقد 1000 بات
بما أنك واصل المغرب يعنى الشوارع زحمه حبتين قبل منطقه العرب و االوقت حسب الزحمه من 30 الى 45 دقيقه كحد أقصى
أما التاكسى اما انك تاخد تاكسى من مكاتب التاكسى اللى بالمطار وعاده تكون اغلى و الصراحه انا ما جربتها اشوفلى اى تايلندى و اطلع معاه و اكاسره يكون بحدود ال 700 بات تقريبا حسب العرض والطلب .
أصرف فلوسك بعد ان تطلب من سائق التاكسى التوجه للفندق واشتر شريحه من محل الصرف نفسه وهم منتشرين بمنطقه العرب نانا
لازم تحجز فندق ليله على الاقل قبل لاتطلع الطياره يعنى من اى مكتب بالسعوديه هو الاضمن حتى لو ياخد زياده لأن راحتك فوق كل شىء لا تعتقد انك بتحصل غرفه بسهوله قبل شهرين ماكان فى غرف ببانكوك حسب الطلب يعنى تنجبر بغرفه و بفندق ما ودك فيه فالحجز المسبق هو الافضل !!!
صل اول ما تدخل غرفتك و الله يحفظك انشاءالله
من نانا الى بتايا روح مكتب سياحى - منتشرين بكثره - وخد تاكسى لبتايا ب 1200 بات
وبالسلامه