1. واسمحوا لي اقول لكم قصتي مع سفرتي الى تايلند


2. http://www.passionasia.com/images/hotel


3. /hotel185.jpg

--------------------------------------------------------------------------------
السلام عليكم جميعافي البدايه احب اشكرالجميع على المنتدى الرائع والمفيد جدا

واسمحوا لي اقول لكم قصتي مع سفرتي الى تايلند

السفره كانت لمدة 9ايام وكانت حلوه بصفه عامه كانت تسوق اكثر من انها رؤيه للبلد
اول ما وصلنا اخذنا ليله بفندق باتوموان برينسيس هوتيل اللي بالمجمع ام.بي.كي.وكان وصولنا متاخر وسكر المجمع قبل نوصل وقلنا مافيه الا سوق الليل اللي قلتو عنه ورحنا وما طولنا لانه بصراحه مايصلح للتسوق ازعاج وفساد وزحمه واسعارهم غاليه وانفسهم خايسه .
ورجعنا بعد ماتعشينا طبعا العشاء كان اكلات بحريه ورز ابيض ..ورجعنا للفندق اللي كان سعره 420للغرفه الديلوكس وما كان يستاهل يعني عادي بس عشانه بوسط المجمع
وبعد ما صحينا اخذ من الفندق حجوزاتنا الى شنغ ماي وكانت المده 3ليالي بفندق تابع لهم بس الاسم يختلفRoyal Princess Hotel وسعر380 للغرفه الديلوكس وانا اعتبره عادي بس موقعه حلو بوسط السوق الشارع كله سوق وفيه ستار بوكس وماكدونالدز واذادخلت بين المحلات تطلع على مكان كله مطاعم اغلبها اكل بحري والمطاعم كلها مكشوف لانها بالشارع وشكلها مونظيفه مره بس اكلنا فيها عادي وماجانا شي الحمد لله وبجنبهم مساج للرجول والراس الساعه ب12ريال يابلاش وبرضو فيه محلات الاحظ انا كل شوارعهم كشكات ملابس واكل الظاهر الشعب كله يبيع مدري من اللي ياكل بيته منهم
المهم من ضمن المحلات اللي في الساحه محل اسماعيل لبيع العود ودهن العود يتكلم عربي ومعاملتهم مره كويسه هو وزوجته
رحنا ثاني يوم الى الفيله لهم موقعين موقع فوق جبل لازم تركب الفيل عشان تشوف الشخص ب100ريال لمدة نص ساعه بس تخوف لانه يوقف على حافة الجبل ياكل شكله بيطيح يوم ويقولنه بالحوادث لذالك انا ماكملت عشر دقايق وبديت اصيح ورجعت فالنصيحه لاتروحون طبعا اللي يخاف روحو للموقع الثاني يفتح الساعه وحده الظاهروفيه استعراض يسبحون ويرسمون يلعبون كوره وتقدر تركب الفيل بس ماادري بكم وبعدها رحنا للثعابين واعجبني والقرود ومااعجبني -وجهة نظري ماادري يمكن غيري تعجبه -المهم وكان باقي الوقت اكل وتسوق ورحنا لمجمع مره حلو بس للاسف مااعرف اسمه بس قلنا للسوق نبي مجمع كبير وودانا لهذا وقال انه بجنب المطار.
واخر يوم طلبنا من الرسيبشن يحجزون لنا فندق ببانكوك ووفقنا بفندق حلو سعره180 للغرفه العاديه توقعته موحلو ابدا وكنت على اعصابي بس مره اعجبني طبعا بالنسبه للسعر بس كان بعيد شوي عن المجمعات لانه على النهر وجنوب عن فندق شنقريلا واسمهMenam Riverside

http://www.passionasia.com/images/hotel

/hotel185.jpg

المهم رحنا للمجمعات اللي ذكرتوا واعجبتني مره واعجني سوق اللي اسمه سيلوم نايت بازار يمكن الاسم يختلف بالنطق ومااتذكر السبيلينق بالانقلش بس ان شاء الله انه صحيح وبصراحه التسوق روعه هناك بس ماشفت طبيعه اوشي مميز هناك يمكن لاني مارحت للجزر او لاني سبق وزرت شرق اسيا اكثر من مره وبالنسبه لي كانت ماليزيا من جميع النواحي روعه سنغافوره مرتبه ونظيفه بس غاليه شوي وسريلانكا روعه وفنادق بانتوتا روعتين والتسوق تمام بس الشعب لك عليه يلوع الكبد
واسفه للاطاله للي ما يحب القراءه .