وعليكم السلام ورحمة الله وبركاته
هلا وغلا أختي
الله ايثبتس وأيثبتنا وياتس إلى يوم الدين ..
أغلى مافي لندن السكن وإذا توفر السكن فالبافي أيهون ان شاءالله ..
المصروف يعتمد عليكم إذا كنتوا بتطلعون يومياً لأماكن سياحيه ولا لا ..
تكاليف المواصلات تقدرون تتفادونها عن طريق شراء بطاقة اويستر ( تستخدمونها للباصات والأندرقراوند مع بعض )
تبقى تكاليف الأكل ..إذا كان اكلكم برا فراح ايكلفكم مثلاُ من 30 إلى 50 باوند في اليوم أما إذا كان اكلكم في البيت فراح اتوفرون واجد بس لابد في أيام تاكلون برا كتغيير ..مثلا لوا قلنا اخذتي 2 شاورما مع عصير بيكلف حوالي 10 باوند ..
أحس إجابتي مب مرتبه
إذا في شي مب واضح احنا في الخدمه ..

بداية اشكر اخي القطرى على المجهودات التى يبذلها لخدمة اخوانه
اختى الفاضلة لدى بعض التعليق البسيط اذا سمحتوا لنا ..
من خلال بحثى السابق في معاهد تعليم اللغة وجدت افضل الاماكن هي مدينة كامبردج وبرايتون
فكلا المدينتين ارخص بكثير من لندن لا من ناحية الدارسة ولا من ناحية السكن والمعيشة بالاضافة الى انهم متعودين بشكل مستمر واقوى من لندن على المراة العربية المتلزمة بحجابها او كما لبسها في بلدها
ام ناحية السكن في لندن فهناك امرين مهمين :
الاول : ويفضل السكن العائلي لك ولمرافقك في غرفة خاصه بكم وهناك بدايل كثيرة افضل من السكن الفندقي.
الثاني :: الابتعاد كل البعد عن امكان تواجد العرب مع كل الاحترام والتقدير لهم لعدة اسباب ومن ضمن الاسباب والتى تعتبر بعد الناحية الامنية عدم استفادك من اللغة
اتمنى ان اكون قد افدتكم ولو بمعلومه صغيرة وبالتوفيق

مرحبا اختي من خبره للندن الناس مالهم دخل فيكي سواء من ناحيه الباس وكيف ما كان ومعا احترامي بالعكس العرب هم اللي يعلقون كش الاجانب ومثل ما قال الغاللي اخي القطري اهم شي السكن واهم شي التخطيط وتدبير شوفي لندن مثل دول الخليج فيها الغالي والرخيص فيها الماركات العالميه والمطاعم المشهوره وفيها المطاعم العاديه وملابس المحليه كل شي يعتمد انتي كيف امفكر تقضي هذا الشهر وكل التوفيق وترى لندن حلوه خصوصا لما تطلعين برع روح شوفوا الرحلات اللي تروح للريف وممكن حتى تروحون بالفري لا فرنسا اذا صادف وعندكم اجازه وكل التوفيق ورحله موفقه باذن الله انشالله

روعه ردودكم صراحه شجعتوني اروح
بس ما قلتوا لي كم تكفيني مثلا
ممكن تكفي 10 الاف او 20 الف ؟؟
لان لي معرفه قالت لي اقل شي 30 الف .................... على كلامها اكيد بتروحين شوبينج
وياليت تخبروني وين اماكن الشوبنج الي ممكن تكون رخيصه وهل سكني العائلات يكون فيه اختلاط ؟؟

هلا ممكن 30 الف تكفيك او اقل حتى ,, الشوبينك في الكوفنت كاردن , في اكبر سنتر باروبا الويست فيلد في لندن بالنفس في البلو وتر اللي تروحين نحطه القطار وتروحله بالقطار تقريبا ساعه في الاوت ليت اللي هو بوكستر فيلج هم حلو سلفريج وهو هارودز طبعا وفي بري مارك هو محل رخيص اذا حبيتي تتشري هداي منه

AbuTalal7777
الغالي بوطلال
شكلك تبيها اتودي 300 الف مب 30 الف :8888:
أبتعدي عن هارودز والسليفرج إذا تبين اتوفرين
عندك شبربوش والسوق الي قبل الجسر في شارع ادجول رود وبرايمارك ..

top-secret
السلام عليكم
هلا وغلا أختي
لوا قلنا خذيتي بطاقة الأويستر فأنتي كذا وفرتي فلوس تنقلاتج كلها ..
وإذا كنتي تبين فلوس للأكل وتغيير الجو فخلينا انقول حوالي 50 باوند للشخص ..
مثلاً الصباح إذا حبيت أكل شي اخذ لاتيه + كروسون ب 4 باوند تقريباً ..
واي خدمه احنا في الخدمه

اشكركم خواني على درودكم .... جوزيتكم خيرا
والله اول مره بحياتي اسافر تبون الصدق
والله صراحه انا حاطه ميزانيه بس 20 الف .....
بالنسبه للاويستر وين الاقيه هل اخذه من المطار ولا وين ؟؟؟

^^^
من محطات الأندرقراوند تاخذين بطاقة الأويستر