بزنس
افتح حساب في بنك الانماء
ويعطونك بطاقة فيزا Debit card او بطاقة حسم من حسابك وهي مربوطه بحسابك, وفيها كل مميزات بطاقة الائتمان وفيها شريحه ذكية زي شريحه الجوال
طبعا البطاقه تخصم من حسابك ولافيها سلفه زي بطاقه الفيزا العاديه ولكن هي اسهل بالتعامل من بطاقة الصراف العاديه ولا عليها رسوم سنويه ولا حد ادنى للحساب يعني نفس شروط بطاقة الصراف العاديه
طبعا انا اتكلم اذا كنت ماتحتاج استدانه/سلفه من البنك عبر بطاقه الفيزا
لان انا مثلا ما احب اتسلف من البنك ولكن استخدم بطاقة الائتمان لان كثير من المحلات خارج المملكة ماتشتغل فيها بطاقة الصراف.
اذا انت من الناس الي تنزنق (ماديا) في السفر وتحتاج للاقتراض من البنك عير الفيزا طبعا ستصبح ضروره طبعا بس انتبه لا تاخذ فلوس الا وانت عارف انك تقدر ترد لهم فلوسهم من دون ان تضغط على نفسك ماديا
تحياتي لك

بطاقة البنك الفرنسي جيدة ،،،

كلام نسيت أسمي عين الصواب
وفعلا ماياخذون شيء لأنك تسحب من رصيدك حسابك
الإئتمانيه فقط للي يريد يتسلف يعني يبي فلوس زياده ويرجعها
وانا تعاملت مع إئتمانية سامبا ممتازه
ولاتقرب الرياض تراهم حراميه نهبوا مني 600 ريال بدون مايوضحوا لي السبب ولا حتى كشف الحساب ليست مقيده بل عندما طلبت إلغاء البطاقة تفاجئت بالمبلغ
كل هذا لأنني اهملت سداد رسوم الإصدار
ولكن حبوا يفاجئوني عند إلغاء البطاقه
وبعدين مايحتاج تفعل أوتطلب تجديد للبطاقه
هم يجددونها تلقائيا ، لذا عليك بطلب إلغاءها
وعمل مخالصه وعدم تجديد

بطاقه الاهلي كويس اذا انت معك فلوس وتبي تحطهم ببطاقه ائتمان وياخذون منك 100 ريال وللنت حلوه والراجحي عنده بطاقات تسوق فيزا جميله جدا
بطاقات الائتمانيه اللي تستدين منها وتضغطك ماديا وتطةول فتره سدادها عبر تسهيل القسط ما انصحك فيها بس اذا انت تبيها شوف الراجحي

عندك بطاقة البنك الاهلي مسبقة الدفع
طبعا هي ماستر كارد وليست فيزا
واذا احتجت تشتري شي من اي مكان وفي اي دوله ماعليك الا انك تشحنها عن طريق الاهلي اون لاين
وتتوكل على الله وتستخدمها
بالتوفيق
بندر

طيب وش رأيكم في بطاقة الراجحي ( إنسان ) ؟

افضل البطاقات الإئتمانية تكون ارقامها منحوتة وليست مطبوعة

هلا بك اخوي ..
بقولك وانا اخوك ..
بطاقة الفيزا والماستر كارد ..
في النهاية هي شركة أمريكية واحدة الفيزا والماستر ..
والبنك هو الوسيط بينك وبين هالشركة هذي ..
يعني جميع بنوك المملكة تقدم نفس الخدمة للعميل .. وتعمل خارج المملكة ..
لكن الفرق يكمن في ماذا !؟ ..
راح أقولك ..
جميع البنوك تقدم عروض على البطاقات .. مثلاً .. اللي يقدم لك السحب على سيارة .. عملية تجميع النقاط وإستردادها نقداً .. تذاكر طيران .. إلخ ..
أنت عاد طب وتخير وش اللي يروق لك ..
ولكن .. لاتنسى انك تشوف البنك اللي ياخذ منك أقل فرق عمولة إذا إستخدمتها خارج المملكة ..
يعني ..
مقانة على سبيل المثال ..
شريت بضاعة بمبلغ 100 دولار .. وهذي عملية شراء ممتاز ..
ممكن بطاقة الراجحي تحسبها بعملتنا السعودية وهي عملية شراء بمبلغ وقدرة 378 على سبيل المثال ..
وممكن بنك سامبا أو الرياض أو الفرنسي او غيرة يحسب لك عملية الشراء بمبلغ 376 وهو على سبيل المثال ..
هنا انت تكون المستفيد .. وبرضوا لاتنسى البنك اللي يحسب لك رسوم سنوية أقل او رسوم مجانية على حسب إذا كنت عندهم عميل تميز او عادي ..
موفق عزيزي .. وخذ العلم مني .. لأن هذا كلام صديق لي يعمل في أحد البنوك ..
أطيب التحايا ..
بقايا ليل
،

بطاقه الفيزا حقت الراجحي عيبها انها برا المملكه تعمل بدون رقم سري بالمحلات وايضا البطاقه العاديه تعمل بدون رقم سري بالمحلات ...وهذا عيبها....وبصراحه كنت اخاف عليها من السرقه....
لكن انا جربت الفيزا من الهولندي مره كويسه ... تعمل برقم سري بالمحلات....