سؤل وجيه نامل من اهل الخبره الاجابه والشكر موصول لهم مقدما عندي استفسار اذا امكن تزويدنا باسماء بعض الارياف القريبه من باريس

تعتبر ابعد منطقة عندهم عن باريس تبعد 900 كيلو تقريبا والعهدة على الراوي وهي مارسيليا والراوي سواقنا الموريتاني
بس نيس وكان ومونتكارلو رحنا لهم عن طريق مطار اورلي ومن نيس لحد موناكو مرة رحنا معا تور بالباص ومرة بالهاليكوبتر مرة روعة
هذا الي اقدر افيدك فيه لاني من عشاق باريس اما الارياف ما رحت لها

باريس نيس 5،5 - 6 ساعات
كان ماهي بعيده من نيس بس اقل من نيس بنص الى ساعه (5-5،5)

انصجك تروحين جنيف بالقطار 4 ساعات ,, و مناظر تاخذ العقل ,,, هذي نصيحتي

عندك بروكسل تبعد 1:30 ساعه بالقطار

انا بعد عندي نفس السؤال ياليت احد يفيدنا اكثر

انا قرائت في احد التقارير عن مدينه نانسي يقولون تبعد عن باريس ساعتين وانها جميله
وكمان مدينه بروج البلجيكيه يمدحونها والله واعلم . الى عنده فكره عن هالمدينتين يساعدنا ويكتب
اسمها بالنجليزي واذا عنده غيرها يدلنا لاننا ودنا بمدن قريبه من باريس
وسلامتكم

السلام عليكم
باريس - نيس تقريبا من 8-9 ساعات بالسيارة و 5ساعات بالقطار وساعة ونص بالطائرة
باريس - ليون تقريبا 3 - 4 ساعات بالسيارة و ساعة ونص بالقطار
باريس - جنيف 4 ساعات بالسيارة و ساعتين بالقطار
اذا اجازتك طويلة روحي الجنوب الفرنسي ترى فيها حر شوي لكن تظل روعة

1. عندك جنيف روعه وعندك بروج خيال ..


2. لكن أنا عني رحت لبروكسل فحبيت أعطيكم فكرة عنها ..


3. انا عن نفسي راح أكتفي بهالأشياء في بروكسيل لأن يالله يكفي ليوم واحد

عندك جنيف روعه وعندك بروج خيال ..

لكن أنا عني رحت لبروكسل فحبيت أعطيكم فكرة عنها ..

شوف عزيزي الرحلة راح تكون بالقطار من باريس لبروكسل ساعة وخمس وعشرين دقيقة يعني طبعاً تقدر تروح وترجع في نفس اليوم والحجز راح يكون إما من النت أو من محطة قاردي نورد يعني إن كنت جيت على باريس وقعدت فيها ممكن تروح لمحطة جاردي نورد من أي مترو تحجز أما إن كنت من المطار مطار شارل ديقول ناوي تروح لبروكسل أول فهذه الطريق :
من تيرمنل 2 في مطار شارل ديقول إلى محطة TGV القطار B إلى محطة قاردي نورد إلى بروكسل
وراح تكون رحلتك من بروكسل لباريس كالتالي : من السنترال ستايشن
إلى midi و منها لباريس.. والعكس صحيح من باريس لبروكسل والمحطة اللي في بروكسل هي محطة midi
وهذه الأماكن السياحية اللي ممكن تزورها في يوم واحد وتكون حلوة
اهم شئ ساحة الجراند بلاس هذي ساحه كبيره وتتفرع منها شوارع فيها
محلات وبوتيكات وفي شارع من احد الفروع اسمه ((نيوستريت)) الشارع .
هذا فيه مقاهي ومطاعم ويصلح للمشاة وفيه مركز تسوق اسمه ((سيتي دو))
وساحة الجراند هذي للي يبي يروح لها في نص اوغست راح يشوفون سجادة الزهور في الساحه وكمان الساحه هذي بالليل يعملون عروض بالأضواء والموسيقى وحركات حلوه
وفيه مول في بروكسيل اسمه (( سان هوبير )) هذا يعتبر اول مركز تسوق في اوروبا كلها وفيه ارقى انواع الشوكليت وغير الأزياء الراقيه والسجاد والتحف

انا عن نفسي راح أكتفي بهالأشياء في بروكسيل لأن يالله يكفي ليوم واحد

بس اللي يبي يطول او يبدل شئ بشئ في حديقه عندهم اسمها ميني يورو mini_europ هذي فيها اوروبا كلها بس بشكل مصغر احس انها تستاهل العنوه اذا امداني الوقت مريت عليها
وعن نفسي هذا إن شاء الله برنامجي في بروكسل نفس برنامج أختنا باريس فور إيفر وعلى فكرة تكلفة الذهاب والعودة راح يكون 450 ريال سعودي تقريباً وتذكرة حديقة الميني يوروب ب 11.5 يورو وتذكرة الأوتوميوم ب 6 يورو و إن كنت ناوي تلف هناك بالباصات المكشوفة عندك هناك باصات زرقة وحمراء تكلفك 16 يورو وممكن تنزل في الأماكن السياحية تتصور وتركب في الباص اللي بعده كل 20 دقيقة يمر باص جديد ..
الأوتوميوم :

بعض المعالم الأوروبية المصغّرة في الميني يورو جتى برج آيفل :

ساحة grand place

جاليري سان هوبير

محطة السنترال ستيشن اللي أتكلمت عنها هي مكان الوصول في بروكسل من باريس

محطة السنترال ستيشن