بصي يا سيتي انا طلعت الفيزا عن طريق النت وده موقع الرابط
نموذج طلب الفيزا البريطانيه
http://www.fco.gov.uk/Files/kfile/VAF1Oct06,5.pdf
وبعد ما تملي الابلكيشن هتختاري يوم المقابلة وطبعا الاوراق الاساسية اللي لازم يكونوا معاكي
1) الباسبور ويكون ساري
2) عدد 4 صورة شخصية خلفية بيضاء ولو نسيتي هما بيصوروكي هناك
3) تعريف موجه للسفارة من جهة العمل بالراتب وموضح به تاريخ الالتحاق بالعمل ويكون باللغة الانجليزية
4) كشف حساب لاخر 3 شهور وياريت يبقي اكتر
5) صورة من حجز الطيران (وده ممكن تحجزيه وبعدين تفسخي الحجز)
6) صورة من جحز الفندق (وده ممكن تحجزيه وبعدين تفسخي الحجز)
وعنوان السفارة في مصر
العنوان:
مصر، القاهرة، السفارة البريطانية
السفارة البريطانية
7 شارع أحمد راغب
جاردن سيتي
القاهرة
52795 (02) (002) قسم التأشيرات
ملاحظات:

• وهتدفعي 650 عن الاستمارة علما ان لكل طفل لازم تجيبيلوا استمارة وتدفعي 650 عليهم ولازم يكونوا مضافين على الباسبور بتاعك
• بلاش تقوليلهم ان جوزك هناك عشان ما يرفضوش طلبك وبالذات انه هناك من غير اقامة

وده موقع مهم هيساعدك في كل حاجة ورحلة سعيدة
زيارة المملكة المتحدة http://ukinegypt.fco.gov.uk/ar/visiting-uk/

جزاكي الله كل خير اخت عاشقة الاهلي وبرشلونة
بس كنت عايزة اعرف في المقابلة الي ف السفارة هتبقي ازاي لاني عندي اللغة يعني مش قوي فيها
وكمان التعامل ف المطار بيبقي ازاي لاني خايفة من كل ده لاني المفروض اول مرة وهاروح لوحدي
والفيزا كمان بتطلع ف قد ايه بعد تقديم الاوراق ؟

بصى يا جميل انا كان عندي نفس المشكلة بتاعة اللغة وكنت قلقانة اوي قبل ما اروح مقابلة الفيزا او السفر للندن عموما مقابلة السفارة سهلة جدا وكمان كل اللي هناك مصريين ومفيهاش اى كلام يستحق اللغة وكل اللي هيعملوه انهم هياخدوا الورق منك وكمان يعملوا بصمة للاصابع بس وعلى مدة الفيزا هي طلعت معايا بالظبط في 21 يوم وحكاية المطار مفيش اى مشكلة خالص فيها محدش هيسألك بالانجليزي غير سؤال واحد بس وهو انك جاية ليه هتقولي شوبنك وهيقولولك هتعدي كام يوم هتقوليلهم المدة وهيسألوكي ليكي حد هنا قولي لا طبعا عشان حكاية اقامة جوزك وبعد كده هياخدوا البصمة بتاعة صباعك وخلاص هتروحي تاخدي شنطك وهما ظراف جدا وبيتعاملوا مع اى حد حتي من غير لغة بس نصيحة مني ليكي سافري بمصر للطيران حلوة اوي ونطيفة واسعارها ممتازة وكمان عاملين عروض على وزن الشنط واى سؤال انا في الخدمة

تسلميلي عاشقة الاهلي وبرشلونة وربنا يباركلك.
ع فكرة انا كمان اهلاوية وحزينة جدا ع جمهور الاهلي ربنا يرحم امواتنا جميعاويصلح حال بلدنا يا رب

ما تفكنيش يا سندريلا على شهداء الاهلي تخيلي انا كنت في لندن لما عرفت الخبر ده والله ما جاليش نوم لا انا ولا ماما اكتر من يومين وانكد عليهم ربنا يرحمهم يارب ويصبر اهاليهم والمشكلة اللي مزعلة الواحد اننا بنعمل في بعض كده

هاى اخواتى الاعضاء انا عندى استفسار مهم ومش عارف اوصلو انا مش عارف اجيب الابلكيشن وبعد ازنكو حد يقولى ازاى اجيب الابلكيشن ابتداء من جوجل او اللينك اللى هدخل علية ويدخلنى على الابلكشن انا هقدم على السياحة يعنى ابلكشن السياحة انا مش عارف بالظبط انا هقدم على السياحة فا مش عارف اجيب الابلكشن من على النت خالض
فا بعد ازنكو بحكم خبراتكم ارجو الافادة والمساعدة الان انا فى انتظار الدر الان ..........شكرا شكرا

حبيبتي عاشقة الاهلي وبرشلونه انا كنت عايزه اسالك انا المفروض هيتكتب كتابي ان شاء الله في شهر واحد و خطيبي معاه الجنسيه الانجليزيه بالميلاد وهيعمل الورق بعد مايرجع بريطانيا عشان بعد كده اسافر بس كنت عايزه اعرف تقريبا الموضوع ممكن ياخد وقت اد ايه عشان اسافر وتخلص الاجراءات وياريت تردي عليا علطول ياحبيبتي وميرسي جدا