القطري
حياك الله
وما طلبت شي

https://artravelers.com/p/re/227205
شوف هذا الرابط

مميزات غريس لاند كثيرة بصراحه
1- موقعه بالقرب شديد علي بحر اكثر من هوليدي ان واحسن من لي مريديان
2- بجانبه مقبره مسلمين وتجد بالليل نساء تايلنديات ورجال مسلمون يطبخون علي عربانات اسماك وربيان وغيرها باسعار زهيده وطعامهم لذيذ
3- علي بحر بالقرب من فندق الألعاب اطفال مجانا ( دوارف وغيرها )
4- يوجد باص كبير ومجانا ينقلك الي وسط المدينه والي مجمعات الكبيرة في بوكيت مثل بيج سي وفيسفتال سيتي ويرجعك الي فندق وايضا ممكن ان ينقلك الي مدينه العاب مسدسات بعد ان تعطي سائق مبلغ بسيط اكراميه 20 بات , ركوب باص ممتع جدا للعلم باص كبير ومكشوف وايضا يفتر بك حول بوكت مجانا (( انا استفدت منه كثيرا ))
5-حمام سباحه لديه 9 حمامات أجمل من هوليدي ان
6- لايوجد عليهم زحمه
7- طعام افطار ممتاز اكثر من هوليدي ان
8 -اللوبي فندق مكيف احسن من هوليدي ان ولي مريديان
9- حديقه كبيره جدا ممكن اللعب بها اي شي
10- سيرفس في فندق افضل من هوليدي ان ولي مريديان (من نظافه و غيرها )
1- علي البحر يوجد نشاطات جميله
12- بعيده عن ..........................................
13- لها مدخلين
14- يوزعون فوط مجانا لك لكي تذهب الي رحله بحريه بشرط انك ترجعها
15- حمامات اعزكم الله في اللوبي وغيرها مناسبه للمسلمين افضل من جميع الفنادق سالفه الذكر

السلام عليكم ورحمة الله وبركاته
الغالي Q8taub
هذي بوسه على راسك
>>

هلا والله القطري شخبارك ان شالله بخير
واالله ان زوجي هناك في تايلند واليوم كان يزور بوكيت يقول انها حلوه وجوها جميل ..وفي الليل تكون وايد هاديه
بس انا الي سمعته من المنتديات ان شنغماي احلى من بوكيت
انا شفت موضوعك وحبيت ارد مع اني ماعندي فكره وايد انا زايره تايلند سنه 2005 ومازرت غير بانكوك وبس ^_^

انا رحت تايلند من كم شهر ..
افضل الفنادق برايي .. في بوكيت ..
الهوليدي ان .. وجنبه فندق برساري وفندق بانتاي ..
هذيله افضل الفنادق لانها على البحر
بوكيت روعه وفيها برامج .. لاتفوت رحلة بي بي ايلاند + الفانتاسي وكل رحلة يبي لها يوم بحاله
اصلا بس التمشي ع البحر روعة ..
..
..
في ناس تمدح جزيرة كوسوماي .. بس للاسف مارحت لها يقولون رومانسية واحلى من بوكيت ..
بخصوص بانكوك لاتقعد فيها اكثر من 24 ساعه .. خياس + قذارة + زحمة والحشرات ع الشارع يقلونها وياكلونها وع وع ..
المهم تروح وترجع بالسلامة ..
برب

القطري
اولا
حياك الله
نعم فيها جزر كثير كوسميت كوسوماي كنشابوري بي بي وغيرها كثير ولكن افضلها بوكيت
جو دائما مائل الي حر
رطوبه عاديه احسن من دبي ههه
ناموس بصراحه لم ألاحظها
ولكن اعتقد يوجد فيه باعوض وذباب وصراصير
لأني بصراحه الفنادق ذات رعايه خاصه في قضاء علي حشرات
اذا لديك سؤال عن شي اخر انا حاضر

بوكت حلوه بس الباتونغ بيتش زحمه ووسخه شوي
الكارون بيتش انظف واهدئ بس مشكلته مافيه مطاعم ولا انشطه بحريه مثل الباتونغ
واذا انتم من محبي المغامرات فبتعجبكم رحلات من بوكت الى جزر جمس بوند والتجديف بقوارب ودخول الكهوف
وايضا بي بي ايلاند مااظن اني راح اشوف اجمل من هالجزر ماء صافي وشواطئ نظيفه
والحشرات ماواجهتنا حشرات ولا ناموس الا في شنغ ماي علشان الغابات
وجو بوكت اذا الشمس غايبه فجو خيال اما اذا الشمس طالعه فشمسهم تسلخ سلخ جلسنا في بوكت 8 ايام ماشفنا الشمس الا يومين
بالتوفيق

المستحيل انا
هلا وغلا
وأبشرج اخباري الحمدالله تمام ماد انتوا بخير
وتسلمين على المشاركه الي نورت الموضوع
شنغماي اول مره اسمع عنها