نسيت أسأل عن المصانع في نايلند
هذه الإسئلة أتمنى أن يرد عليها الباحثة وغيرها ممن يعرف في تايلند

مرحبتين اخوي انا بعطيك كم معلومه بس مو مثل الاخوان الخبرا
فيه مجمع ام بي كي مره كبير ورخيص وحلو وبا القرب منه كم مجمع تجاري
واذا كنت تبي بضاعه مثل شنط وساعات تقليد وجزم عند نايت ماركت (سوق اليل)الي بسيلوم رود2
هذا مره حلو ومره بلاش بس انت كاسرههم
وفيه سندي ماركت هذا ما يفتح الا السبت والاحد بس كبير تضيع فيه وبضاعه بلاش برضو
والله يوفقك

بس في معلومه اكدتها لي اختي الباحثه ان تقليد الماركه ماتنباع بشكل علني جدام الناس

هلا اخوي الحبيب
شوف اذا تبي تشتري بضايع وجمله ما ينفع ام بي كي بس تشتري منه ولو انه مو شغل جمله بالمعني الصحيح للجمله
عندك__بتونام__ وبوبي ماركت ملابس جمله وتفصيل للتصميم اللي تبيه طبعا لازم كميات

• _الحي الصيني اهو الموقع الرئيسي للجمله بتايلند بس يبيلك تفره عدل وماراح تملون من السوق للانه متنوع من الابره الي مكاين الكهربا وصراحه متعه التمشي فيه تكفي حتي لو ما تشتري

ما انصحك تروح بات بونغ مع اهلك الا اذا كان من خارج السوق فقط لان الامور اللي فيه وصخه وما تنفع تجرح فيه عيون اهلك وثاني شي اهي منطقة عصابات يديرها زعيم واحد يوزع البضاعه علي السوق كله
واذا تبي تشتري شي مقلد لازم ياخذونك مكان بعيد عن السوق شوي وبتكون خايف مثلهم من كبسة الشرطة يعني يبيلك قلب ميت ومن غير اهلك
عندك سوق الاحد روعه لا يطوفك البضاعه رخيصة لاخر درجه وارخص من الجمله نفسها
تكون ستوكات
تحياتي

مشكورين وما قصرتوا
معلومات مهمة وجميلة
والله يعطيكم العافية
وإذا في زيادة لا تبخلوا علينا