إنسى التلفونات السعوديه خارج السعوديه وهذي نصيحه ..
ثانيا .. أنت بتجي على أمريكا ( كم المده ) .. اذا كانت قصيره أبو شهر أو شهرين .
إستخرج رقم أمريكي إعادة شحن ( بري بيد ) .. و أسعارها زهيده .. 25 $ رقم + شحن بنفس القيمه ..
بتلقاهم في المطار في الشوارع أو تتصل عليهم من الفندق يجونك .. طالما بتدفع لهم يجونك لو أنك فوق السرير $$
وفيه عروض أقوي .. تحصل جهاز جوال + رقم .. ب 14 $ دولار ..
يعني العروض اللي هنا بتنسيك نصابين السعوديه ... ..
بس ترى الاتصال الدولي مكلف ( جوال أمريكي --> السعوديه ) ..
بس موب مثل التجوال في الجوالات السعوديه
رحله موفقه ..

أخوي انصحك نصيحة حلوة مرة زين ماقال اخوي اذا كانت مدتك قصيرة فانصحك باستخدام شركة (t-mobil) هاذي احسن شركة اذا كانت عندك اي اقربائك من هاتف t-mobil تقدر تكلم عليه free يعني اي واحد عنده شرحية t-mobil تكلم عليه free اما اذا كان عندك شركة ثانية غير t-mobil بيكلف عليك 10 سنت بس اما تبي تكلم السعوديه خذلك بطاقات شحن من اي محل يمكن ب 5 دولار أو 10 دولار بس تكلم فيها كثير مرة وهاذي نصيحتي وانا مجربها

moneef909
أخوي هذا نظام شركات الاتصالات هنا بأمريكا ..
يعني الاتصال بين تلفونين من نفس الشركه ببلاش ..
و بعد الساعه 9 بالليل .. الاتصال مفتوح على جميع الشركات مجاني ..
و الويك أند برضو الاتصال مجاني ..

moneef909
مثل ما قال الاخ moneef
طلع لك خط من T-mobile الاخوان يمدحون هذي الشركه وانا جربتها السنه اللي فاتت وكانت ممتازه .. ولتصالات الاهل من السعوديه..
واذا انت بتتصل لهم بطاقه pre-paid ب 5 او 10 دولار اوفر وتطول اكثر لمده تزيد عن ساعه

في بطااقات تلقاها في البقالات و بعض الاكشاش وحتى على الانترنت يبيعونها .. يكون فيها اتصال دولي .. فكرتها تتصل على رقم محلي في امريكا و يطلب تدخل رقم البطاقه و بعدين تدخل الرقم الدولي تكلفة المكالمات فيها رخيص مقارنه بسعر الاتصال من الجوال الامريكي مباشره لدول الخليج.
مل بطاقه لها تسعيره مختلفه انت شوف الافضل للدول الي تبي تكلمها. و في البطاقات هذي العاده سعر الاتصال لرقم ثابت ارخص من الاتصال على الجوال.

هذا أفضل موقع لشراء بطاقات اتصال مسبقة الدفع للاتصال بالسعودية وباقي دول الخليج من الهاتف الأمريكي الجوال أو الثابت:
https://www.phonecardpin.com/
البطاقات اسعارها 5-6 دولار ولكن عيبها الوحيد انهم ياخذون Connection Fee يعني اذا تقطع المكالمة وتكلم من جديد يروح مبلغ جامد من البطاقة
أنا أكلم بكل بطاقة عادة مكالمة واحدة أو مكالمتين والمكالمة الواحدة تستغرق حوالي 40 دقيقة

فيه بطاقة جيده للسعودية
اسمها رد
مدل ايست
ممتازة وخصوصا الثابت وللرياض