استراليا جوهم عكسنا تماما يوم يكون عنا صيف يكون عندهم شتاء والعكس صحيح, صحيح في بعض المدن تكون باردة جدا بس صراحة ابرك لنا من الحر اللي عنا....مثلا الجولدكوست وهي المدينه السياحية بردها وايد حلو طول اليوم(مثل الجو عنا في الشتا) عدا الواحد لازم يلبس ملابس ثقيلة شوي في الليل
اما سيدني باردة وميلبورن ابرد بعد
بانسبه لي ما زرت غير الجولد كوست ولو شفت التقرير مالي عن الجولد كوست بتعرف اهم الأماكن السياحية مثل الدريم ورلد و السي ورلد والموفي ورلد والحديقة المائية (الويت ورلد)
وفي البرادايس كنتري (رحلة للمزرعة) ومحمية الحيوانات والكثير الكثير من الأماكن اللتي
تقدر تستفسر وتحجز عن طريق الفندق او اي مكتب سياحي في الشارع...
واي استفسار ثاني احنا حاضرين
تقبل تحياتي,

عاش من شافج عاشقة الرفاهية...
إضافة بسيطة فقط وللاستمتاع الكامل في قارة الأحلام يفضل زيارة استراليا في أشهر الشتاء لدينا - خاصة أول الشتاء- أي اكتوبر ونوفمبر... الجو جميل معتدل ومميز في جولد كوست تستطيع ممارسة كل الأنشطة والفعاليات.
أهم المدن سيدني، جولد كوست، ملبورن، كينز في الشمال إذا كنت من عشاق البحر و اكتشاف الحيد المرجاني العظيم Great Barrier Reef
مدة 25 يوم مناسبة ، وإن بغيت رايي دام بامكانك السفر في غير وقت الاجازة الصيفية أقترح عليك أن تزور نيوزلندا خاصة ان مدة اجازتك جيدة لاكتشاف قارة الأحلام.
من ناحية الأنشطة والفعاليات أتمنى منك قراءة المواضيع المثبتة وبعض تقارير الأخوة الأعضاء المميزة، بعدها قم بوضع جدول معين يناسب ميولك وميزانيتك وسوف ترى الردود والنصائح بالجملة من قبل الجميع.
بالتوفيق.

شي مهم جدا اني اعرفه
هل اذا كان الجو عندهم بارد في انشطه ماراح تمارس او برامج تلغى بسبب البرد
واعتقد مااقدر اسافر بغير هل وقت لانا مرتبطين بالمدارس
والاجازه الي مدتها طويله راح يكون الجو عندهم على حسب فهمي حار
طيب وش هي المدن غير الي ذكرتوها كثير حلوه سواء في البحر او لا
مع العلم ان معانا راح يكون حريم محجبات يعني لازم نرضي الاطراف كلها ولا وش رايكم
شكرا كثير والله يجزاكم خير الي ردوا علي

يا ليت أخي لو كنت محدد من الأول انك مرتبط بالمدارس عشان نقدر نفيدك أكثر.
دام هذي خياراتك أفضل شي لك أواخر شهر اغسطس واول شهر سبتمبر.
ماعتقد في شي يلغى بسبب البرد، يمكن الحديقة المائية ما يكون الجو ملائم للاستمتاع بها، وهذي دام انتوا عائلة ما اعتقد تصلح لكم.
بالنسبة للمدن والأماكن جاوبنا عليها فوق وهذي أهم المدن وأكثرها زيارة.
دام انكم عائلة ومحافظة عليك بملبورن وسيدني وجولد كوست. كينز ماعتقد تنفع لكم.

كينز ؟؟ وينها بالضبط في استراليا
طيب هل في احد راح الجهة الغربية لاستراليا واي الناس الي تنبسط فيها اكثر اقصد في المنطقه الغربيه

أهم مدن المنطقة الغربية مدينة بيرث.. وهذي مافيها شي يستحق العناء لها سيدني وملبورن وجولد كوست كافي..
كينز Cairns مدينة ساحلية في الشمال الاسترالي تبعد ساعتين عن جولدكوست وبرزبن بالطائرة.

سدني و ملبورن هم ابرد شئ .. وجولد كوست جوها حلو و معتدل يعني بالصبح تقدرون تلبسون لبس ربيعي لان مو مره برد بس بالليل يكون برد بس مره حلو و ما يزعج ... احنا العام لما رحنا لاستراليا كان وقتنا في جولاي و صراحه متنا من البرد بس المره الي قبلها كنا رايحين في اوغست و كان الجو خيالي ... و لا تخاف البرد ما راح يخرب رحلاتكم
اتمنى اكون افدتك اخوي و رحلة سعيده

انا تونى رااد امس 14-6-2007من القولد كوست .. لزياره احد الاصدقاء
وتعشينا فى البرادايس .. واخذنا كوفى من هناك..
الجو صراحه باارد...
لكن الملابس تكفى وتوفى ..
وكان البرادايس شبه خالى.. خصوصا اننا فى وقت اختبارات فى استراليا الان
وايضا فتره الاختبارات فى الخليج العربي..
اتذكر فى شهر اغسطس العام.. كنت اشوف انواع الجنسيات الخليجيه والعربيه..
لدرجه انى احسست انى فى دوله عربيه..
صراحه كاننى فى شرم الشيخ او دبي..
فاتوقع ان شهر اغسطس شهر جيد.. للسفر ..
وترى بردهم احسن مليون مره من حرنا
تحياتى لك

مشكورين جميعا والله يعطيكم الف عافبه عن هذه المعلومات عن الجو بالفعل كنت محتاجه هذه المعلومات