لندن ماعندهم مولات عندهم هارودز بس والثاني نسيت اسمه بس بمستوى هارودز في اكسفورد .... وشارع اكسفورد يحسسني اني في مجمع بالخليج كل المحلات اللي عندنا موجوده واللي يضحك انك تشوف جدامك نكست تمشي شوي بعد تلقاه يمكن بتلقى محلات حق نكست ونفس الشي مونسون..وفي مجمع صغير اسمه جان لويس اظن لان الحين التلفزيون شغال على راسي مو قادره اتذكر اسامي هذا في اكسفورد بعد فيه شغلات بس مو لين هناك كمستوى ماركات..وفي شارع بس مو اكسفورد فيه كل البوتيكات العالميه الغاليه لو تبي معلومات اكثر بكتبها..بس اتوقع اكسفورد يادي الغرض

دائما المولاات تجي خارج لندن
بس فيه مول ينبني ماعرف اذا انتهوا بناءه دااخل لندن يم منطقه الشبربوش
بس اذا تبي مول حلو خارج لندن اسمه بلو وتر
وايد حلو
وداخل لندن عندهم متاجر كبيره مثل هارفي نيكلز وهارودز
وعندك شارع بوند ستريت
وبعد
هاي ستريت كنزغتون شارع حلو للتسوق
وعندك متجر جان لويس وبيتر جونز
وفيه
كنغز ستريت وسلون سكوير والبيكاديلي
ترى شوارعهم كل ماتمشي بتلقى سوق وتمشي
يعني لندن مب بحاجه الى مولات لان كل طريق وشارع فيها تسوق يغنيك عن اي مول بالعالم

تعرفين ام ياسمينا بالنسبه لهم انك دخلتي بشارع
ماربل ارتش وبتشوفين فيه ماركس سبنسر والمحلات الي ذكرتيها
ولو مشيتي شوي بتكونين دخلتي في شارع الاكسفورد وبتلقين نفس المحلات
وفي الواقع هم على طريق واحد

mfayad
شارع الريجنت احلا من الاكسفورد وهو متفرع منه
وسلفيردجز في اكسفورد
وهارودز

شهاليل
السلام عليكم ورحمة الله وبركاته
بالنسبة للاسواق والمولات
شارع اكسفورد ويوجد فية جميع المحلات والماركات والسلفرج مول
شارع الهاي ستريت high street kensington ومكن اتروحون عن طريق المترو القطار الاسفر (سيركل لاين)
الهاروتز مول يعتبر مول حلو
ملاحظة :- الاسعار بالنسبة للخليج اضرب في 10 بمعنا اذا كانت قطعة في السعودية ب 10 ريال في لندن 100 ريال
والمولات في الخليج انظف وارخص والماركات كلها موجودة

هارودز - هارفي نكلز - السلفردج-جون لويس
اما شارع الماركات فهو السلون ستريت
وتوجد ماركات عالمية في السلفردج وهارودز

اكسفورد كل شي فيه والله ما يحتاج الواحد يروح لغيره
و صحيح انو كل الماركات اللي هناك عندنا هنا بالسعودية ، إلا انو في بعض
الاشياء تنزل هناك قبل منا ،ثم تنزل هنا عندنا ، و بالنسبة للاسعار أنا
اشوف انو هناك السعر + التاكس .. و ممكن نسترجعوه بالمطار
الميد على اللي هنا يحسبون لنا التاكس حق لندن + السعر + التاكس حقهم
والله هنا اغلى .. وبعد البضاعه هناك تبقى و مميزه ممكن تلاقينها
هناك و ما تلاقينها هنا .. وشكرا

حبيبتي اوكسفورد حلو لان شارع كبير وفي محلات عادية وفي سيلفدجز الي في كل الماركات وهو كم طابق وكبير واذا تبين البوتيكات فسلون ستريت وبوند ستريت واذا رحتي هارودز وهارفينكلز لانهم جنب بعض يكون بينهم سلون ستريت يعني بطلعة وحدة واذا تبين الاوت ليت مالهم الي في ماركات بس مو النيو كولكشن يكون عليها سيل لين 70% هو بيستر فيليج شوي بعيد يعني ساعة او ساعة ونص اسالي لاني مو ذاكرة بالظبط

هلا
طبعا اضافة للي انذكر انصحك بشارع الوند ستريت فيه كل الماركات
وهذا الرابط بيفيدك كثير بالمحلات الموجودة بالشارع
http://www.streetsensation.co.uk/mayfair/obs_east.htm