حياك الله في كويتنا الحبيبة ..
والله إنشاء الله يفكك من هالآفة الي اسمها الشيشة ...
والمكان الوحيد اللي أعرفه ..
"قهوة ليالي الحلمية"
شاع الخليج - الواجهة البحرية - مدخل جوني كارينوز ...
دايم أسمع اسمها من إخواني ..
وأكيد في غيرها وايد بس ماعندي فكرة عنهم ...
وحبيت أساعدك بس لأنك ضيفنا ..
لأني ما أحب أساعد الناس على خسارة صحتهم ...
وتحياتي ,,,

يعطيك العافيه اخوي wishful ....
وان شاء الله الشباب يفيدوني اكثر ....

أخوي عادل حياك الله
أشوف الرياح جابتك للكويت
إرتاح منك كاسبرز وبو أحمد هاهاها
الحقيقة انا ما أحب الشيشة ولا السجائر (الحمدلله) بس ما يمنع إني أدليك على المقاهي المطلوبة (ساعدتك على الشر ) هاها
المهم خذ عندك هناك مطعم قصر البردوني مطعم لبناني ويوفر الشيشة (مكان محترم وراقي) ومكانه بالسالمية بعد ما تتعدى إشارة المارينا (تاخذها سيده) تقابلك الإشارة اللي بعدها خذها يسار ومن ثم إمشي 200 متر تقابلك إشارة ثانية إخذها فوق تحت (يوتيرن) واول دخلة على إيدك اليمين تمشي شوي للأماما راح يكون على يسارك ولا تحتار ما يضيع وممكن تسال اي شخص يدلك عليه بالكويت .
عندك بعد العديد من مقاهي منطقة حولي الجيدة
مثل قصر الفنون و غيرها وكذلك بسوق السالمية بالقرب من ريتز السالمية مجموعة من المقاهي الراقية .
وحياك بالكويت

هلا والله وغلا ب فهد الأحمد هو بس ابو احمد واحد واحد واحد وكاسبرز اللي غاثهم....روح شوف في بوابه ماليزيا وتايلند وش مسوي فيهم.....
على فكرة المعلومات هذي مو لي لواحد من الشباب طالع للكويت ويبي اماكن القهاوي الراقيه هناك...
على العموم يعطيك العافيه وماقصرت...

عادل عبدالعزيز
هاهاها يا هلا فيك أخوي عادل
ودي أدخل بوابة تايلند وماليزيا بشوف وش مسوي بالشباب
وحاضرين لأي سؤال ، بس ودنا لو تزور الكويت وما عليك غلا السؤال واحنا جاهزين بالإجابة

الله يفكك من الشيشة
القهاوي في الكويت وايد
و كثير من المطاعم فيها شيشة.
انت لو تروح المارينا مول... حوله قهاوي بالهبل... الصخرة - بلاتو - ....
و سواء بغيت السالمية - الكويت - الفحيحيل أو غيرها ففيها الكثير الكثير من القهاوي
وعندك المشهور
مطعم البردوني
مطعم فيلا فيروز (يمدحونها اللي يدخنون)
مطعم ومقهى تنورين في الفحيحيل - و قريباً فرع ثاني بالمهبولة