أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمة الله وبركاته
حاولت احجز موعد من السفارة الايطالية عشان احصل على الفيزا لكني ماعرفت له مدري هل هم ماافتحوه للحين
لأني على حد علمي مقفله مواعيدهم من الزحمة وش تنصحوني فيه ؟
كانك بالرياض انصحك تروح مكتب الصرح تقاطع الملك عبدالله مع التخصصي فيه مصري ب800 ريال يجيبه لك 6شهور كامله بدون ما دوخ راسك وتعب حالك وهذا انا الي راح اسويه ان شاءس الله
انا صار لي نفس الموضوع مع فيزا زوجتي
ورحت للرجال يوم الأربعاء مجهز كل اوراقي واخذ مني 600 ريال
بس ألحق تراهم بيقفلون الأستقبال من الزحمة الي عندهم
تحياتي لك
انا من الشرقية ,, وش الحل يعني :(
ماتعرفون مكتب يخلص لي اياه هنا
لأني كلمت الفيفا وللأسف يبي ياخذ 1250 ريال وانا الي اجيب التذاكر وحجوزات الفنادق يعني الالف و250 مدري على وشو
الي عنده خبره يفيدني بليز :\
عندكم رقم المكتب ودي اكلمه واشوف الوضع
مع اني ارسلت رسالة لموقع السفارة وانتظر ردهم
خصوصاً إن الموظف في القنصلية الايطالية في جده يقول جانا ايميل عاجل الاربعاء يمنع استقبال أي طلب من الشرقية
ورد تقريباً أمس 15 طلب إلا واحد تعنى من الدمام وخلص اموره ... يعني لا هم يفتحون الحجوزات بالرياض
ولا هم الي يقبلون نرسل لجده
بديت أكتئب
مكتب الصرح / 4941111
مكتب الصرح قسم التأشيرات/4943030
بس أنسي موضوع انهم يردوا عليك أنا اتكلم على الرقم المباشر للتأشيرات وحتى لو كلمتي رقمهم الرئيسي وتقولي حولني بيقولك عندهم زحمة ومايقدروا يردوا عليك يفضل حضورك
والله مهزله أمس مكلمة بنفسي السفارة ويرد علي هندي يقول المسؤول عن التأشيرات ماخذ اجازة
قلت بسلامته من سال عنه وشسالفة المواعيد الي عييت تفتح قال السيستم خربان وبكره بيشتغل تمام
جاء بكره وماصلحوا النظام حقهم وش السواة ؟!
والمكاتب أول ماليها الشجع واسعارها بالعلالي الحين يقولون لك لا تقدم على الفيزا الايطالية عندنا جوازات عالم موقفه !!!
حسبي الله ونعم الوكيل فيهم
شوركم نبدل للسفارة الهولندية أحد عنده خلفية عن التقديم عليها
السلام ,,
أنا كنت بنفس مشكلتك بالضبط من الشرقية وإتبهذلت مع مكاتب النصابين بالشرقية
إلى أن دلني أحد الشباب على مكتب اجازتي حصلت عندهم معقب يتعاملون معاه
ودلني عليه موظف بالصدفه لمى عرف إني جاي من الشرقية لرياض ومستعجل بتخليص
اموري ..معقب إسمه علي وخلوق جداً وأفضل طريقه إنك تتعامل مع المعقب مباشره
بدون المكاتب لانهم يعتبرون حلقة وصل بينك وبين المعقب ويآخذون اتعاب حتى إرسالها لرياض
واتعاب المعقب وفوقها فائدتهم طبعاً وبكذا تكون نسبتهم مبالغ فيها ..
انا عطيته 800 للجواز الواحد وجميع الأوراق وهو حجز موعد بالسفاره وقدم كل شى
وخلال 12 يوم فقط إتصل فيني وقال طلعت ولمدة 6 أشهر ,,
الرقم حق المعقب كتبته قبل بس للأسف قوانين المنتدى ترفض وضع أرقام
والرسائل الخاصه غير مفعله لدي لقلة مشاركاتي لآكن تقدر تتصل على رقمهم
وتطلب من الأخ أديب (شاب يمني ) يعطيك رقم المعقب وإسمه علي عمر
رقم جواله موجود لدي ,,
رقم مكتب إجازتي المجاني 290010087
فرع المروج - الرئيسي (مخرج خمسة )
الهاتف: 2693232 - 2691378
فاكس: 2691377
email :
تحياتي وأتمنى لك التوفيق ,,
والله يااخوي المكاتب ياخذون 500 ريال لكن الحين ماهيب المشكلة فيهم
المشكلة بالمواعيد .. السفارة الايطالية موقفه المواعيد إلى إشعار آخر
لذلك أفكر ألجأ للسفارة الهولندية بدل لا يضيع وقتي وأنا أنتظرهم يفتحون مواعيدهم
عموماً الله يجزاك خير وماقصرت
