انا انصحك بمرديان الخبر
اذا كنت تبي الأسواق والبحر لانه قريب من الكورنيش
وقريب من بعض المجمعات التجارية وقريب من بعض المطاعم
اما بالنسبة ل هوليدي ان فهو على الهاف مون اذا تبي تستمتع
فخلك بالفندق وعلى علمي انه مو قريب من شي غير البحر

هلا بك اخوى نواف
واهلا بك بالمنطقه الشرقيه
الاخ يوسف ماقصر الله يعطيه العافيه
وعطاك المفيد
ولى بعض الاضافات
الشبيهه بما اورده
مرديان الخبر
من افخم فنادق المنطقه
يمتاز باطلالته المباشره على كورنيش الخبر
وقربه من مراكز التسوق والمطاعم وعدة مراكز ترفيهيه وجميع الخدمات يتوسط مدينة الخبر
وقريب جدا من الدمام وجسر الملك فهد
هوليدى ان شاطىء نصف القمر
يمتاز بتوفر عدة خيارات
شاليهات صغيرة وكبيره وغرف واجنحه فندقيه
وابرز مايميزه اطلالته المباشرة على شاطىء الخليج وامكانيه ممارسة جميع الرياضات البحريبه
يعيبه بعده عن مراكز التسوق والخدمات بمدينة الخبر والدمام
واعتقد انه سيصيبك الملل من بعد المسافه
لان زائر المنطقه الشرقيه ابرز مايستمتع به هو الانشطه الترفيهيه الموجوده فى مدينتى الدمام والخبر
واعتقد انه لو سكنت بالمريديان يمكنك زيارة شاطىء نصف القمر متى ماشئت وايضا تستمتع بالقرب
من جميع الانشطه الموجوده فى مدن المنطقه الشرقيه وتكون ضربت عصفورين بحجر
تحياتى

هلا اخوي نواف اعيوني
والله انا زي ماقالوا الاخوان انصحك بالمريديان لانه وسط الخبر
اما الهولدي ان الي في هاف مون بعيد عن الخبر يعني مشوار اذا بغيت السوق او تتمشى على الكورنيش
بس انا بصراحه انصحك وافضل فندق النمران 4 نجوم نظيف وممتاز وسعره تمام وقريب من المريديان وسط الخبر على شارع الامير فيصل(البيبسي سابقا)
وفيه بركة سباحه واسعاره من 200 الى 300 مناسبه وارخص من المرديان
وربي يوفقك

ياهلا ويامرحبا فيك اخوي نواف زمانه تشرف وتنور الشرقية والخبر يالغالي
وبالنسبه لفندق هوليدي ان على فكره ترى فيه فندق هوليدي أن في الخبر, وفيه منتجع الهوليدي ان الي بشاطئ نصف القمر
يعني بامكانك تسكن بفندق الهوليدي ان الي بمدينة الخبر وهو يبعد 10 دقايق عن فندق ميريديان الخبر ويقع على طريق الملك سعود (القشله سابقا)
ولك الآختيار طبعأ يالغالي
تقبل خالص تحياتي/سلطان الشرقية