Rashed.7
و عليكم السلام
اهم الاشياء سجادة الصلاة ، بوصله لتحديد القبله او اذا عندك الخدمه في الآيفون ، بندول ، لاصق للجروح مع مطهر، فيكس ، صور من الجواز الاصلي تكون دائمه معاك ، ملابس شتويه و
مع ملابس خفيفه ، جاكيتات هذا اللي اتذكره حاليا

الله يعطيك العافية استاذي على الرد
اتمنى مشاركة البقية مع الاجابة على هذا السؤال
كيف اعرف مواعيد رحلات الاماكن السياحية في زيلامسي ؟
هل الفنادق تعطيني قائمة بمواعيد الرحلات ؟ ام اخذها من ماكن ثاني ؟
اتمنى الاجابه ياشباب لاتطنشون

الله يعافيك بالنسبه للرحلات السياحيه تجدها في الفنادق و في المكاتب السياحيه لكن الافضل انك تستأجر سياره و تروح للاماكن اللي تبغيها براحتك و تدفع اقل من المكتب السياحي

طيب تتوقعون كم راح تكلفني السفره بإستثناء حساب الفندق والتذاكر ؟
يعني فقط مطاعم واماكن سياحية لمدة 10 ايام لشخصين
كم المبلغ اللي المفروض اخذه معي عشان ما احتاج هناك ؟!!
انتظركم حبايبي ..

هلا اخوي 20000 الف ريال تكفي لهذه المده و لكن ليس اقل من هذا المبلغ للرحلات و المطاعم و التسوق و انت حسب صرفك يمكن تزيد و يمكن تنقص المبلغ لكن الافضل انه يكون معك ما يقارب 4000 يورو

ماقصرت اختي هاوية الاسفار
المبلغ تقريبا 20 الف معقول جدا لا انك كل يوم يختلف صرفيتك عن الاخر
السيارة هي المتعة الجميلة بزيلامسي فلا تضيعها عليك والله متعة مالهة حدود اما اذا بتروح في الباصات انا اقولك لك ماراح تستمتع والسيارة ع فكرة توفير كبير جدا
اما مواعيد الرححلات الفنادق عندهم برشورات وايضا مكاتب الاستعلام عندهم كل شي وخدومين جدا والمنتدي فية خرايط وكل شي ميسر بس خذ لفة
اهم الاوراق
الجوازات مع صورة لهم والحجوزات الفنادق صور ويفضل تاخذ من كل شي صورتين احتياط سجادة صلاتك اهم شي مبلغ مالي نص كاش ونص فيزا احسن لا تشيل كاش كثير
واذا بتاخذ سيارة عليك برخصة قيادة دولية تطلعها من مكاتب السياحة مع رخصة السياقة الاصلية للبلد

20000 غالي جداً بصراحه ..
حبايبي انا اقصد تكلفت الرحلة بدون تذاكر الطيران والفندق لانو دفعتهم وانتهيت
اخوي الان في ايطاليا ويقول اخذ له اسبوع صرف تقريبا 2000 ريال سعودي فقط !!
هل معقول ان زيلامسي او النمسا بشكل عام اغلى من ايطاليا !!

Rashed.7
غير معقول ايطاليا اغلى من النمسا اذا 2000 في اسبوع يعني ما يقارب 60 يورو في اليوم و انت اذا شايف 20000 كثيره تقدر تاخذ معك 10000 ريال لكن تكون حريص جدا في الصرف يعني الصرف اليومي لا يتعدى 200 يورو و كل واحد حسب ميزانيته لكن يجب ان يكون معك مبلغ للاحتياط في الحالات الطارئه و توكل على الله و سافر و انت مطمن

عفوا عفوا .. اخوي صرف في ايطاليا 5500 تقريبا في اسبوع ( 7 ايام )
يعني انا لو بروح النمسا تتوقعون اصرف اكثر من 9000 ريال في 10 ايام ؟!!
انا حاط في بالي انو باخذ معي ما يقارب 9 الى 10000 بس
خوفتوني بصراحه