الأخ ماجد السويدي
حياك الله ببلدك الكويت ، وترى عيوننا تشيلك قبل بيوتنا .
عندنا مجموعة من الخياطين اللي يخيطون عندهم كبار رجالات الدولة ، الخياطين في الكويت إما إيرانيين وإما باكستانيين ، والشباب يحبون الإيرانيين ، والشياب وكبار الشخصيات يحبون الباكستانيين ، وفيه خياط باكستاني في المنطقة التجارية التاسعة يخيط لمجموعة من الشيوخ بصراحة نسيت اسمه لكنه في نفس البناية اللي في مطعم صيني في الدور الثاني ، روح المنطقة التجارية التاسعة واسأل عن المطعم الصيني وتلقى الخياط فوق بس تدخله من داخل .
وعندك بعد خياط وردة الصالحية ورقمه 2411825 يخيط عنده مجموعة من الشيوخ .
بس أحسن روح شوف خياطهم أول قبل ما تخيط عندهم .

اخي ماجد حياك الله بالكويت
اول شي ودي اصحح المعلومه اللي ذكرتها
باللبس الغربي صحيح ان كثير من الشباب
يلبس الغربي لكن ماهم الغالبيه ولا تتأثر
باللي ينقله التلفزيون من مسلسلات وغيره
لانها للاسف تعطي انطباع للمشاهد مغاير
للواقع ولا الومك لانها فعلا مضايقتنا
وترى حتى الشباب اللي يلبسون هاللبس
شباب اكثرهم تحطه على يمناك ويعجبك
ويبقى كل مكان له اللبس المناسب
اما وانا اخوك الخياطين والله جربنا المشهور
والعادي سبحان الله حظ مره يضبط ومرات
يخربط لكن باعتقادي وبتجربتي افضل
الخياطين تلقاهم بالفروانيه بالقرب
من الخطوط الكويتيه على الشارع الرئيسي
لكن توافيق
والله يوفق الجميع
واي خدمه حنا حاضرين

1. ولك مني يا ضيفنا الحبيب كل احترام وتقدير

صراحه أخوي الحبيب أضحكتني على سالفة خياط الشيوخ والزراء
لأن لو تشوف بالتلفزين الشوخ والوزراء شنو لابسين راح تلقى لابسين الزي الشعبي المكون من ثوب أبيض وغتره بيضاء وعقال وطاقيه وبشت
أما عن طريقة خياطة الثوب الكويتي فلا يحتاج طريقه وقصه محترفه بقدر ما يحتاج حسن اختيار نوعية الخامه وحسن توجيه الخياط لما يعتبر ذوق معين لصاحبه
يعني ممكن يكون وزير وثوبه واسع وغير منتظم .....وممكن يكون موظف مديون .....وثوبه عليه روعه لأن القالب غالب .....ولأن الأناقه بالبساطه وحسن إختيار المناسب ...... يا شيخ سويدي
على العموم الحمدلله إحنا بالخليج شيوخنا يلبسون مثلنا أو نحن ما نتكلف إذا لبسنا مثلهم بس تبقى القناعه أن الثوب لا يجعل من لابسه شيخ
باختصار روح لأي خياط بالمنطقه التجاريه فوق سوق الأقمشه ........بعد أن تختار نوعيه من الخامات اليابنيه أو الأسبانيه الثقيله نوعا ما .......وخيطه عند أي خياط بالدور الثاني بقيمة أربعة دنانير أو ثلاثه حتى..... بس وجهه الخياط بقياس العرض والطول المناسب لجسمك ........بحيث لا تظهر الدشداشه واسعه.....إذا كان جسمك يميل للرشاقه .....

ولك مني يا ضيفنا الحبيب كل احترام وتقدير

على فكره ترى الشباب الكويتي في معظمه متمسك بالزي الوطني ....بس تبقى المجمعات الكبيره والأسواق التي على النظام الغربي ........مغريه لأن يغير الشخص من روتين لباسه اليومي الذي يعمل فيه خاصه بالدوائر الحكوميه وحتى الدارسيه في أكثر الأحيان .....

الافضل من تجربه خياط كريم فى البلوكات + خياط شاه بخش فى الفروانيه ولا تجرب غيرهم

==بندر==
ممكن أرقام تيلفوناتهم لا هنت ؟ أو أسماء المحلات الصحيحة حتى نطلعهن من الإستعلامات ؟

خياط كريم تلفون = 2457197 فى منطقه البلوكات التجاريه الديره خياط شاه بخش = 4716197 فى منطقه الفروانيه وحياك الله فى الكويت

في خياط عجيب بس والله ما اذكر اسمة
اعتزلته من زمان مكانة جنب المطعم الايراني الى قبال مجمع دسمان الى بشرق
مايخيطون عنده الا راعين مواتر اليديده ولازم يكون مطلوب اكثر من 12 الف اذا كاش مايفصله بيومي او يكون عليك قرض من 20000 الف وانت صاعد هذولة زباين بيومي اغلبهم اذا مش كلهم كشيخة بس تعال اذا تبي خام كول عندك فوق في الفنار محل خام حلوة خاماته ومتوسط سعر الدشداشة
بتطلع عليك 40 دينار للصيفية والشتوية وانت صاعد
طبعا انا بحكم انا اعتزلت بيومي وصار قرضي اقل من 12 الف صرت افصل
بالجليب الدشاشة 6 دنانير كاملة مع الخام

abdullah q8
اسمه النبراس كنت اخيط فيه قبل
الحين تغير مكان صار داخل مجمع دسمان بس صرت ما اخيط عنده الحين
احسن خياطين بالكويت خياط دشداشه كويتي
بالفروانيه في المجمع الي فيه الكويتيه ومجمع العناز
كلهم فنانين

بالنسبة لي أحسن خيّاط العاقول..
بمجمع دسمان ، رقمهم: 2432404.
والخياط باكستاني.. اسمه يوسف إذا ما خاب ظنّي..
بس غريبة سؤالك دامك إيماراتي؟