mishlay
اخوي بالنسبه للتأمين نظامه كيف بالظبط يختلف من شركة لشركه ومادري اذا كان فيه شركات تامين تغطي في العلاج الخارجي ..
لكن بقولك وش صار معاي
انا الشركة الي اشتغل فيها تعطينا بطاقات تامين صحية تامين التعاونية وسالت شؤون موظفين الشركه الي اشتغل فيها
وقلت له لو كنت في الخاارج وصارلي ظرف لا سمح الله مرضت او وولاده لزوجتي مثلا هل التأمين يغطي
قالي بطاقة التامين داخليه .. سالته عن البطاقه الدوليه الي معطينياها قال هذي البطاقه فيها ارقام تساعدك اذا كنت بره بالتنسيق مع مستشفى او ترشدك على المستشفيات الممتازه مساعده فقط
لكن اذا صار لك شي بره وتعالجت واستلمت ادويه لمن تدفع اخذ فواتير عليها وجيبها لنا وحنا نعوضك
يعني عندي بطاقة التعاونيه دوليه لكن يوم سالته قال هذي للمساعده فما ادري اذا كان ماعندهم تامين خارجي من الأساس بالنسبة لشركة التعاونيه او عندهم
اما الشركات الثانيه للتامين احتمال يكون عندهم
بس الافضل انك تتصل على الشركات بنفسك وتستفسر
اتمنى اني افدتك

معانق الدموع
القصد أخوي تأمين الشركات الأمريكيه ( وأقصد بذلك التأمين الدولي ) مثل تأمين شركة أليكو العالميه وغيرها من شركات التأمين .
يعني إذا قمنا بالتأمين لدى شركة أليكو في الكويت تأمين شامل هل راح يغطي تكاليف الولاده وغيرها من هذه الأمور في السفر ؟؟
وكيف يمكن للشخص أن يحصل على تأمين شامل ( عالمي ) ؟؟

تأمين المسافر وهو الذي تحصل علية من أي شركة تأمين في العالم ليغطيك خلال ترحالك خارج بلدك هو تأمين للطوارئ فقط الولادة لا تندرج تحت بند الطوارئ، وأصلاً الحامل بعد ستة شهور ممنوعة من الطيران ولن تسمح لها أي شركة طيران بالطيران معها.

iron cobra
اهلين فيك اخوي زوجة عمي راجعه من امريكا وهي بالشهر الثامن صحيح انها تعبت رحله طويله ومتعبه
لكن محد منعها

معانق الدموع
ماذكرتة هو قواعد الطيران الدولية، المعاملة على أرض الواقع في أغلب الأحيان تكون على أساس الحالات الفردية (زيها زي الوزن الزائد والحقائب الزائدة ساعات أسافر ويكون معايا 10 باوند زيادة ويمكن شنطة كمان زيادة ولا يقولوا شئ، وسعات أسافر ومعايا باوند واحد زيادة ويقولولي يا تشيلة يا تدفع علية، وعلى فكرة أنا مسافر دائم يعني أطير على الأقل مرة بالشهر)، يعني أية يعني هتعتمد على الموظف اللي شغال على الكاونتر أو على البوابة أو على الطيارة نفسها، وأيضاً على تشددهم أو تسامحم في هذا اليوم (يعني أنت وبختك)، وبعدين لية تعمل حاجة تؤذي نفسها بها (جميع الأطباء أجمعوا على أن الحامل الطيران خطر عليها وعلى الجنين) "ولا تلقوا بأيديكم إلى التهلكة" وعشان إية؟ علشان الجواز الأمريكي!!!!!!!!!!!!!!!!!!!!!!!!!!!!!!

iron cobra
اخوي انت وشفيك معصب الرجال ترى استفسر استفسار وثاني شي الرجال ما قال بركب زوجتي الطياره وهي بالشهر التاسع اكيد بيروح قبلها بكم شهر ودكتورة قبل يومين قالت الى الشهر السابع مسموح بس الثامن متعب والتاسع معروف اتمنى تتقبل ردي اخوي ترى الاختلاف بالراي مايفسد للود قضيه
سهالات يا أخ ... ومحد فينا بيرمي زوجته للتهلكه كلنا عند عقل وعلى فكره في بعض البنات مع الحمل ما يبين عليها كثير الا من بعد السابع

بالنسبة للتامين اتوقع للحالات الطارئة فقط ...
حصلت لي حاله طارئة ورحت للمستشفى وعطيتهم بطاقة التامين الطبي وقالوا لي لازم ترسل الشركة موافقه بالعلاج ولا بتكون على حسابك والمشكلة اني كنت بمستشفى في بيفرلي هيلز فتح الملف ب 300 دولار طبعا قلت سووا الي تبون لاني حالتي طارئة واتصلت على زميل لي يتصل على الشركة بالرقم المجاني وافادوه بانها اذا كانت حالة طارئة يجيب تقرير والفواتير ونعوضة اذا رجع ...
طبعا المفاجئة اني لما خلصت وجيت ابي احاسب افادتني الموظفة بان التامين تكفل بعلاجي .... كان ودي اطق اللقافة واقول كم كانت تكاليف علاجي بس سحبت رجيلي وطلعت ...
طبعا التامين الطبي الي كان معي تابع لبنك ومن شركة ميد قلف medgulf والي حصل ان خلف البطاقة الشركة نفسها متعاونة مع شركة امريكية اسمها assist america والمستشفى اتصلوا على الشركة وافادوهم بان يزهلوا الموضوع

الماطر
طيب اخوي الحين الي يجيها الطلق وبتولد خلاص ماتعتبر طارئه يعني ؟
اتوقع انهاا طارئه لانه هذي ولاده ماهي لعبه

حسب علمي إنه إذا كانت في الشهر السابع تحتاج تقرير طبي يرخص للحامل بالسفر .
يعني إذا كانت حالتها الصحيه تسمح .
عموما المثل يقول إلي يسأل ما يتوهش
وإحنا نسأل الأخوان وماقصرت أخوي Iron على مشاركتك ولكن أعتقد نحتاج لآراء أخوانا إلي جربوا التأمين الصحي في أمريكا أو بأي دولة في العالم ويكون تأمين شامل وعالمي