اجمل تحية
موقع بوكنج انا جربته ....اما الثاني ماعرفة
بوكنج رائع جدا ومميزاته حلوة
بس لاحظت في الفترات الاخيرة ان الحجز دايركت مع الفندق ارخص يكون

هلا أختي (( قطر ))
أنتي قلتي
بوكنج رائع جدا ومميزاته حلوة
هل ممكن تذكرين بعض المميزات .. مشكوره
============
أنا شفت موقع Hotels.com
والصراحة شغلهم مرتب وواضح
===========
مشكورة مرة أخرى

انا جربته تقريبا من سنتين وكان ممتاز
لقيت سعر حلو لفندق ماريوت بارك لين في لندن
وحطيت عدد من اشروط ابغاها في حجزي
منها غرفة غير مدخنين وطابق علوي والغرف المجددة
وليت في تسليم الغرفة وايرلي في الاستلام
ولقيت اللي طلبته كله مضاف في حجزي عندهم
وبعد كانت مناسبة حلوة حق اخوي وطلبت يسون لنا مفاجاة في الفندق
وفعلا وفروا لنا مفاجأة حلوة

السلام عليكم ورحمة الله وبركاته
ها وغلا الغالي
احنا بنكمل 3 سنين مع بوكنق ..
وأحلى المميزات الي فيه انه مايحجز مبلغ او يخصم عليك ..وفوق هذا الدفع لما تستلم الغرفه وتبيها كاش او بطاقه ..والي عاجبني فيه اكثر شي انك تختار بضغطة زر وحده الفنادق الي عندها مواقف للسيارات
لأني كنت اعاني لما ادخل كل فندق واقعد ادور على الخدمات الي فيه وأغلبها مااحصل عندهم مواقف للسياره ..أما بوكنق فتقدر تختار هالفنادق بزر واحد بس ..ونفس الشي الغرف العائليه ..مثلاً ابي فندق يتسع لعائله كامله يعني حوالي 4 اشخاص في غرفه وحده ..موقع بوكنق بضغطة زر واحد يعطيك الفنادق الي عندهم غرف عائليه ..
وفيه اكثر من كذا ولكن هذا الي يحضرني الحين ..ومره كنت حاجز 4 غرف في ميلانو والغيت وحده من الغرف قبل ماأروح ميلانو وبدل ماأبعث لبوكنق بعثت للفندق بأني ابي الغي غرفه وحده بس فقالي الفندق اوكي وبعدها بشوي جاني اتصال من بريطانيا ..ورديت الا اتقولي انا فلانه من موقع بوكنق !! حبينا نتأكد هل انت الي طالب تلغي الغرفه في فندق روزا ستار في ميلانو !! فقلت نعم ..
فقالت حبينا نتأكد ..
هذا ايدل على اهتمامهم ..
اموفق الغالي