بإمكانك تنبيههم ودياً وإذا وصل الأمر للتمادي والإزعاج بإمكانك إبلاغ إدارة الشاليه وهم يرون التصرف الأنسب معهم

مرحبا اخوي : انت تتحدث عن مشكلة السهر
بس انت نايم الساعه 10 وهذا جدأ بدري, اقل شي الساعه 12 منتصف الليل الواحد ينام
بالنسبة لآجواء السعودية وخاصه خلال فترة الصيف فترة النهار غير مناسبة أبد انك تجلس بمكان مكشوف, والناس تستمتع بأجواء الليل لعدم وجود الشمس والحرارة المزعجه, والاجواء في الليل تكون أفظل من النهار
ومستحيل احد بيقدر يمارس نشاطات تحت اشعة شمس حرارتها 50 درجة!!
ولكل بلد طريقته, يعني على قولتك الدول الاخرى الاجواء فيها تختلف عن السعودية خلال فترة الصيف وتساعد الواحد انه يستمتع بالنهار, لكن عندنا مستحيل احد يقدر يتمشى بالنهار خلال الصيف
اضافة الى ان الواحد لما يستأجر شاليه يحب يستمتع ويحلل كل ساعه يقضيها بالمنتجع ومايحس بالتعب
والآمر الاخير ( منتجع هوليدي ان نصف القمر في الخبر وليس بالدمام)
تحياتي: سلطان الشرقية

أجل لو كنت في جدة حتسوي ايش ..

السلام عليكم ورحمة الله وبركاته
أخي .... أنت جالس بشليهات ليس بالمنزل والناس في اجازات من الطبيعي تحصل كل هذا وكما قال
مشرفنا سلطان الشرقيه متعتهم بالليل نظرا لحرارة الجو بالنهار عندنا .
والنوم من الساعه عشر ليلا بدري بالشليهات متعتها بالليل
تحياتي لك

الوضع تقدر تقول طبيعي فرضته طبيعة البلد المناخية وفي اسباب ثانية برضوا
الجو مثلك خابر ان مستحيل تقدر تنبسط برى وتستمع في الجو أثناء النهار اللهم قبل المغرب
وفي سبب ثاني يمكن مايكون وجيه بس منطقي بالنسبة لكثير من الناس
مثلا حنا تعودنا من لما كنا صغار نروح هافمون بنص الليل عشان تجينا فرصة حنا يالبنات نسبح بس بالنهار هذا شي مستحيل والليل ستر وغطا والسباحة في النهار ممنوعة بتاتاً من قبل الأهل وبحكم الظروف الي مثلك عارفها
اللي ابغى اوصله إن لكل بلد ظروفه وطبيعته وبالعكس في بلدان ومدن أجنبية يسمونها المدن الساهرة أربع وعشرين ساعة الناس تلقاها موجودة في الشارع وعلى العكس من ذلك تلقى دول من الساعة سبع الناس في بيوتها
أنا بالنسبة لي اشوف الوضع جداً طبيعي وجو الليل أونس وأشرح عندنا بكثير

السلام
شكرا على المرور بس انتم لا تحسبوني ناقد على السعوديين كل الأماكن الي فيها سياح عرب هذي سياستهم في مصر في سوريا حتى لو الجو بارد اذا ما تسكر المحلات ويطفون اضواء البيتش بيبتلون العرب يخترشون وحتى انا لو ما كنت صاحي الساعة 10 الصباح كان اخترشت معهم الين الفجر بس هل هذي ظاهرة طبيعية البزارين و الشغالات الين الساعة 3 الفجر يدهرون انا اول مرة أروح للشاليهات و انبسط لاني قررت اطلع انا وبزاريني بالعادة العايلة الكريمة كله الاخوان و عيالهم والخوات ووغدانهم كل واحد ياخذ شاليه بس سبحان الله كلهم يجتمعون بواحد ومن ردات حظي الي انا فيه همن اذا نمت الي يدخل علي يدور نعاله والي طرا عليه بنصاصة الليالي يسبح وداخل ياخذ البكيني والي بترجع لبيته همن بدت تضفضف اغراضه عند راسي والسبب الرئيسي هو انهم مقررين يسهرون ويحللون الشاليات على قولتكم
ثلج بعز القايلة شكرا على الرد بس ما فهمتي الموضوع
سلطان الشرقية افحمتني بصراحة شكرا على الرد
TEMURUNشكلك كانوا يدورون البكيني عند راسك مثلي (يعنى حاس بمعاناتي)
busaad اذا قريت ردي بتعذرني
Memi والله اذا المسألة ستر للبنات يا حلولات (مصطلح قصمنحي بمعنى ياليت) لكن ما ضنيت ان الي سهرانين كلهم يبون الستر ولا السباحة

وش السالفه ليه الموضوع طالع بالمقلوب؟

ياليت مسألة السهر للفجر وبس
لكن المصيبة ان الناس صارت تسهر وتصبح لحد 12 الظهر
بعدين يطقونها نومه لين 9 بالليل
انا ودي اعرف بس هذولا متى يصلون ولا الصلاة جمع..؟؟
والادهى والامر ان الاطفال وكبار السن شملهم السهر
والله يا اعرف لكم عجوز تقلبها صباحي مع عياله واحفاده
ولسان حاله يقول اذا ماسهرت معهم ماحد بيعبرني بهالنهار
اقول الله يجيب المدرسة ولو ان البعض مايعجبه كلامي

الوضع عادي مع الاخذ بالاعتبار حرارة الجو نهارا ...