بسم الله الرحمن الرحيم
في البداية حاب أعرفكم علينا ،،، نحن 8 شباب ،،، من
دبي
بتاريخ 10-2-2011 كانت لنا سفرة شبابية
ليلتين في البحرين
تعالو معاي ،،، نستعرض شوية تفاصيل
بس قبل كل شيء ،،،
السموحة
أول شيء : لأن اللهجة في الموضوع بتكون إماراتية عامية ومش فصحى - بس بحاول أترجم إذا في كلمات صعبة
ثاني شيء : ترا كل الصور بكاميرة البلاك بيري
نبدأ
قبل السفر ،،،، غيرنا عملات
وصل اليوم الموعود ... وعلى مطار دبي سرينا
وقفنا الموتر ... وكل واحد يشيل شنطته يا شباب ... يالله
وقت ال
Check In
وعقبها إتسوقنا في السوق الحرة ،،، شوية عطور ومحافظ وهدايا
يالله عالباص
ما قصر راعي الباص وصلنا للطائر الميمون
حبايب قلبي والله
في الطيارة
حسام
ولد صغير من السعودية ..
كان أحلى تسلية في الطيارة
تم إقناعه بأن السعودية في الرياض وإن الرياض في
جدة
هالصورة أنا روحي تعورني ريولي يوم أشوفها ،،
وأنصح اللي يخافوف من الإرتفاعات لا يشوفونها
هكو أنا ،،، تشوفون ظلتي مع ظلة الطيارة من فوق؟؟؟
الشباب كل ما يشوفون شي ،،، قالو نبا نشتريه
وصلنا
بعد مرة طلعت صورة ظلتي في الصورة هناك شوفو
أوكيه ،،، اللي ما شافني ،، هاي صورة أوضح
إنزين ... وصلنا خلاص ،،،
وهاي الشنط الحين تنزل من الطيارة
لكن هني صار لنا موقف
البحرين ترحب بكم شباب
الموقف .....الله يسلمكم ،،، واحد من الكباتن اللي ويانا
شنطته تشبه شنطة وحدة من اللي مسافرين ويانا في الطيارة
قامت الأخت هاي وشلت شنطة الكبتن صاحبنا بالغلط
وطلعت هي وأهلها من المطار ولا هي منتبهة
والحمد لله ،، كان في رقم موبايل عالشنطة الشبيهة
إتصلنا عليه وطلع لنا هالريال الطيب اللي تشوفونه فوق الدرج يضحك عالموقف
عقب ما سرنا لهم الفندق وسلم تستلم
(مب كأن شكلهم مال أفلام مصرية يوم يتبادلون شنط البضاعة)
إنزين ،،، يالله شباب ،،، عالشقة ومافي وقت
هلكانين من اليوع (الجوع)
في الدرب ،،، عقب ما سوينا تشك إن في الشقة
حتى ما نزلنا الشنط من السيارات ،،، طلعت الشقق مو جاهزة وينظفونها
مو مشكلة ،،، خذو راحتكم في التنظيف ،،، نحن ورانا
مطعم تبريز
اللي يايين ومتعنين له مخصوص ،، وعصافير بطنا قاعدة تصوصو
صح ميتين يوع ..لكن
إلا صلاتي
ما أخليها
(الله يذكرك بالخير يالعفاسي)
اللهم لا رياء
أحلى شيء في هالمطعم ،،،، ان كل شي طازج و فرش
حان وقت الهجوم
وكل خلع غترته و شمر عن ساعديه
بيتزا مو سمج (ما شاء الله)
ما عطوني الشباب فرصة أصّور
كأنهم مب ماكلين من اسبوع
كان في اكل .... كان
شاي عالفحم عقب الأكلة الدسمة ،،، ترتيب
مع الشاي ... كم صحن كنافة عبسي ولا أحلى
بعد هالأكلة ،،، بصراحة صطّلنا ،،
ولا أدري كيف قدرت أسوق السيارة للشقة
لكن أفا عليكم ،،، إنتو أمانة عندي ،، أوصلكم يعني أوصلكم
(الكلام طبعا موجه للكباتن اللي وياي)
شوفو ... وصلتهم
وهاي صالة وحدة من الشقق
و وحدة من غرف النوم
لكن مافي وقت للنوم ،،، شباب
يالله ،،، كل واحد يجهز نفسه بسرعة
إلى الشيشة
(البنديرة اللي ورا العالي)
كانت هذي
نهاية اليوم الأول و الليلة الأولي
أشوفكم إن شاء الله قريب
مع اليوم الثاني
أخوكم / ستيفن جيرارد
.