ماشاءالله اختي كيلو عسل تقرير مفصل ومميز وبداية تنبأ عن تقرير جميل
اولا حمدا لله على سلامتكم
ننتظر بقية التقرير بفارغ الصبر

تسلم يمينج والحمدالله عسلامة الوصول وشكل تقريرج اختي رائع من بدايته فشكرا لج

ياهلابك اختي كيلو عسل .. والحمدلله عالسلامة
وماشاءالله شكلك كنتي تعملين بالخفاء قبل السفرة ..
تقريرك اعجبني ومرتب وتفصيل رائع .. يعني اللي بيسافر اول مره ماراح يتوهق بالنسبة للتفاصيل الدقيقة ..
في انتظار بقية التقرير ..
وعلى فكرة لا شكر على واجب

حدّي مصر
هلا فييك يابيمو الله يسلمك ويعاافيك اخوي
ههه ضحكتني كلمة بالخفاء ..حسستني اني مجرمه
والحمدلله عجبك التقرير وثانكس وايد على كلامك وانتظر بقية الرحله احلى واحلى

فالبدايه .. يوم الخميس تاريخ 28 الساعه 5 الفجر تجهزنا للمطار ..
طيارتنا كانت الساعه 8 و35 دقيقه متجهه الى مطار فرانك فوورت ( هالمطار كأنه دوله من كثر ماهو كبير )
رحنا مطار الدوحه الدولي والاجراءات كانت وايد سهله وسريعه
قعدنا ننتظر الطياره في ساحة الانتظار ورقم بوابتنا كان .... 11
وهاذي الشاشه كانت فساحة الانتظار ( رقم رحلتنا لفرانكفورت .. الثالث من تحت )
وجات الساعه 8 ونادو رقم الرحله بالمكريفون وهاذي كانت اخر صوره قبل لاودع ارض الدوحه فديتها
كانت الطياره من الطيارات القطريه الحديثه .. كل كرسي جدامه تلفزيون شفت لي 4 افلام لين ماوصلنا هع هع
وفي تلفزيون كبير كان جدامنا معلق من فوق
طارت الطياره الساعه 9 تأخرنا نص ساعه لين ماوصلو كل الركاب
وعقبها بشوي قدمو لنا هالوجبه
ضاع الوقت بين الهذره والسوالف والاسترخاء صج تمللنا وايد لانه مدة الرحله 5 ساعات ونص تقريبا
وصلنا المطار مشالله كان كبير وريولنا تكسرت من كثر المشي لين ماووصلنا البوابه وكان رقمها A30
وهالصوره خذتها من مطار فرانك فورت
وهاي طيارتهم ال Lufthansa
هالطياره كانت ضيقه شووي بس المظيفات كانو وايد طيبين معانا يضحكون ويسولفون
كانت مدة الرحله من المانيا لين فيينا ساعتين تقريبا
اول ماركبنا الطياره كان يطق مطر وهاي قبل لاتحرك
واحنا فالطياره من الملل خذت لي هالصوره من دريشة الطياره
المانيا معروف عنها انها بلد الغيووم .. كنا نمر بين الغيوم والطياره تهزهزت عدل
عقبها بنص ساعه عطونا عصير برتقال وبسكوت وهاذي الصوره
وبعد ساعه وشوي تقريبا قامت تبين من الدريشه الاراضي النمساويه الخضره
هني كلنا تجمعنا نشوف هع هع مو مصدقين كل مكان اخضر
خذت لي هالصوور
والحمدلله وصلنا فيينا بالسلامه
من الوناسه ماقدرت اصور شي من مطار فيينا خساره الا صورة هالمحل اللي منتشر في كل فيينا
كانت تنتظرنا سياره فان كنا حاجزينها من شركه وهاذي هي
وصلنا الفندق ..( هيلتون فيينا - شتاد بارك ) قريب من حديقة الشتاد
وهاذي صورة الفندق من برى
قعدنا شوي في اللوبي لين ما أبوي يخلص اجراءات الغرف وجي وهاذي صورة اللوبي
عطونا بطاقة الغرفه وهاذي صورتها
صوورت لكم اللفت
رحنا الدور الاول وهاي الممر اللي بين الغرف
وصلنا غرفتنا وهاذي الباب
دخلنا الغرفه وصورت لكم ايااها .. طبعا الغرفه كانت لي ولأختي وهاذي صورها
هاي الميني بار كان مجانا طبعا
وهاذي الحمام الله يعزكم
ارتحت شوي وعقبها خذت لي شاوور وريحت جسمي من عناء السفر
عقبها نمنا لين اليوم الثاني
ملاحظه ...
هاي عنوان الفندق للي حاب يتعامل وياه
Hilton vienna
Am stadtpark, A-1030 Wien
telefon : +43(0) 1717000
fax: +43(0)17170691
email: http://www.hilton.at
وبس هاي تفاصيل اليوم الاول انتظروني وتابعوني ان شاء الله من اليوم الثاني بتبدى الطلعات :smilie (88):

مرحبا حبيت.. اقولكم شي قبل لااعرض عليكم التقرير والصور
الصراحه احترت في طريقة عرضي للموضوع
يعني فكرت اول شي اني اعرضه تقرير يومي .. اكتب لكم وين رحنا يوميا مع الصور بس عقب حسيت انه بيطلع وايد صور لانه فاليوم الواحد كنا نطلع 3 اماكن
وعقب ثبت على فكرة اني احط لكم فكل رد طلعه لمكان واحد لين مانخلص الاماكن كلها
اليوم انشالله حبيت اوريكم ... حديقة الشتادبارك ( statd park )
هالحديقه مقاابله فندقنا بالضبط
المدخل مالها يكون عند فندق الانتر ونهايتنا عند الهيلتون اللي هو فندقنا
اول شي بوريكم صور للحديقه من دريشة غرفتنا وهاذي هي

نزلنا من الفندق طبعاا مايبلها تكسي ولا شي لانها قريبه خطوتين ونوصل لها ولازم نمر على هالطريج

والحين بنتجوول فالحديقه خليكم معاي
هاي خريطه للحديقه

وصلنا ( للتماثيل والقبوور ) هذيلا متروسين فالحديقه كلها

وعقب رحنا لبحيرة البط فنفس الحديقه ووهاذي هي

ومشينا شوي وحصلنا اسماك ملونه فالبحيره وصورتهم

وعجبني هالمنظر وصورته .. الساعه طريقتها عجبتني

وقبل لانطلع من الحديقه حصلنا العاب واخواني قعدوو يحنون يبون يلعبوون المهم لعبناهم فيها

وهذيلا اخواني مكان السكييت

وبس هاي كانت طلعتنا للحديقه اتمنى انها عجبتكم
انتظروو طلعاتي الجايه

ما شاء الله عليك اختي بصراحة ، استمتاع متابعة تقريرك المفصل وبالصور بعد ، وكل كلمة ولها صورة ، جزاك الله خير ، ومازلت ... انتظر الباقي .

ماشاءالله عليك
تقريرك مميز ورائع من بدايته وقبل ان يختتم
تابعي فنحن متواصلين معك ونتابع بتمعن

ماشاءالله تقريرك رائع .. وتفصيل حلو للفنادق ...
متابعك ..