و عليكم السلام و رحمة الله و بركاته ،،،،
أي جامعه اللي قدمتي عليها في امريكا و ايش تخصصك ؟

اختي الكريمة لاتقلقي بخصوص اختبار Gre
لان كل ماتحتاجين له الان : قبول نهائي او مشروط تقدمينه للوزارة حتى يصدر قرار الابتعاث
ان الحصول على قبول مشروط للماجستير ليس صعبا فهناك جامعات تعطي قبول مشروط لهذه الدرجة حتى في التخصصات الصعبة كادارة الاعمال او الهندسة ...
لا استطيع الان ان اقترح اي جامعات حتى تجيبي على سؤال الاخت بنت الصقور عن تخصصك والجامعات التي خاطبتيها بشان القبول ..
وسوف اجيب الان عن اختبار Gre باختصار مع قناعتي التامة انك لن تحتاجين له في الوقت الحالي
كيف أجتاز هالاختبار؟؟
ينقسم الاختبار الى جزئين الجزء الخاصة باللغة وعليه 800 درجة واسئلته قوية جدا وهذا الجزء يختلف عن التوفل من حيث طبيعته ومن حيث انه اصعب من التوفل
الجزء الاخر وهو الجزء الرياضي وعليه 800 درجه ايضا وهو يركز على الاساسيات واعتقد انه مع التدريب والممارسة ليس صعب اطلاقا.
اذن المجموع 1600 درجة
وهناك اختبار كتابه مقال ودرجته من 6
الاعداد للاختبار يكون عن طريق التسجيل في معهد متخصص مثل معهد كابلان الذي يوجد في اغلي المدن الامريكية وهم يعطون للطالب محاضرات بالاضافة الى توفير مواد اون لاين ليتدرب الطالب على حل تمارين متنوعة
وكم أحتاج من المدة للاستعداد له؟؟
دورة كابلان تستمر شهر من المحاضرات ويوفرون لك تمارين على حسابك وكذلك نماذج اختبارات تشبه الاختبار الفعلي في النت لمدة ثلاث شهور
ومين اللي جربه واجتازه؟؟
اغلب الجامعات تطلب 1000 للقبول في الدكتوراه ويعتمد الامر على سمعة الجامعة وتقدير المتقدم في البكالوريوس والخبره وعناصر اخرى يحددها القسم
وهل لازم أجتازه هنا بالسعودية أو أمريكا؟؟
ان اردتي الاختبار هنا فالامر ممكن لكن كما ذكرت سوف تحصلين ا نشاء الله على قبول ولو مشروط قبل لاتروحين من هنا فلاتقلقين ابدا من الناحية هذي
وعموما لايوجد معاهد متخصصه بالسعودية من اجل الاعداد للاختبار كل مافي الامر ان هناك محاولات من بعض الجهات للتدريب على الاختبار ولكنها للاسف استزاف لجيوب الطلاب فقط .
اخوكم : Dr.Why

أها الان فهمت وش معنى القبول المشروط!!
بنت الصقور و Dr.why الله يجزاكم خير ويوفقكم ويخليكم لعيون ترجيكم ويفتحها بوجيهكم وين مارحتوا قولوا آآآآمين..
أنا واعوذبالله من الأنا تخصصي لغة انجليزية - بس مابعد قدمت على أي جامعة..
لكن عندي سؤال لاهنتوا:
هل صحيح إن الجامعات بأمريكا تقفل باب التسجيل بنهاية يناير؟؟ لأن ودي إذا قدمت الحين أدرس بعد 6 أو 7 شهور مابي أنتظر لين سبتمبر الثاني..
و بيض الله وجيهكم..

تصحيح:
كابلان موجود في اغلب المدن الامريكيه
الخطوات التي يجب عليك عملها للبدء في البحث عن قبول:
1- الاتصال على الملحقية في واشنطن والحصول على قائمة الجامعات الموصى بها في تخصصك.

• الرقم: 0012023379450

ثم طلب تحويلك على طارق شيخ --- يرسل قائمة للايميل في الحال وميزتها انها تشمل اسم الجامعة والمدينة ورابطها
2-مراسلة المنسق او المشرف على البرنامج ومناقشتة في الموضوع
ممكن تقدمي على فصل الربيع الذي يبدا في يناير 2009
ولكن اباي من الان لان الوقت ضيق
اقترح عليك بعض الجامعات:
1- جامعة فلوريدا ...في غينسفيل جامعة عريقة في مدينة صغيرة وقبول القسم ماهو صعب ابدا
الرابط : http://web.english.ufl.edu/
Kathy Williams
Program Assistant to the Graduate Coordinator
Department of English
University of Florida
P.O. Box 117310
Gainesville, FL 32611-7310
(352) 392-6650, ext. 227
email:
2-جامعة Ball state في انديانا مدينة مانسي وهي جامعة متوسطة المستوى وقبولها ليس صعب
http://www.bsu.edu/shapps/english/

Dr.Why
الله يجزاك خير على هالاقتراح وهالجامعات فعلا متوفر فيها اللي أنا أبي وبالذات جامعة فلوريدا لان برنامجهم جيد!!
والله اني أدعي لك يارب توفق دكتور واي اللي في منتدى العرب المسافرون وأظن أنت نفس اللي بالملتقى السعودي بأمريكا لأن اجاباتك ماشاءالله كافية ووافية وتطمن القلب..
وإذا عندك اقتراحات ثانية لاتبخل!!
عارفة تراني ماأنعطى وجه!
الله يسهل دراستك إنكانك تدرس
May Allah grant you, dr.why, the highest ranks in this life and the Hereafter

السلام عليكم :
كيف حالكم الله لايهينكم في احد عنده خلفيه عن جامعه واشنطن (university of washington)
ودي اقدم عليها بس اذا احد يعرف اي شي عنها ياليت يفيدني لان تخصصي طبي