السلام عليكم ورحمة الله وبركاته....
اخواني...خواتي..
اليوم جبت لكم شي جديد ....
شي راح يعجبكم ان شاء الله
لولو هايبر ماركت... سمعت عنه من فتره... لكني ما رحت له...
قلت لازم اروح اشوفه...الكل يمدحه...
والله اني شفت فواكه وخضروات غريبه عجيبه
من كثر الغرابه اللي شفتها....بالاول تنحت ... بس بعدين مسكت الكاميرا وقمت أصور كل اللي بوجهي....
الناس قاموا يطالعون لي هذي خبله ولا شنو
لاني امشي وانا متنحه على الاغراض,,,
هو نفس الجمعيه لكنه غير ....فيه كل شي...خضروات..فواكه...حلويات...مسمكه...ملحمه...مطاع م...بوفيه سلطات وفواكه...مخبز...وغيره
يعني صج عجيب
و أول مره أشوف جذي
بس الصراحه...أحس انه اسعاره غاليه شوي.... مدري
هو موجود بمنطقة الري.. كان مكانه قديما سوق المعلم...و الصراحه...أنا اللي سايقه لكن ما اعرف أوصف الطريق
المهم...أخليكم مع الصور...و أبي تعليقاتكم
من برى:

باب الدخول:

الحلويات
فواكه وخضروات:::::::::::::
هذي عجبني شكلها حيل لكن لما رحت البيت انصدمت بانها ماصخه...مالها طعم :112:
هذي لما رحت البيت وفتحتها...من داخل ابيض باسود...أعتقد انها من انواع الكيوي
و هذا التوت....نفس الشي :112: شريته وطلع ماصخ...كانوا شوية حبات من التوت وسعره كان ب دينارين و800فلس...يعني مو رخيص
هذا يذكرني بشكل نوع من الحلو...لكنه فاكهه او خضره لانه بقسم الفواكه والخضار:
اعتقد ان هذا بصل
هذا بصل بس صغير حيل...للاسف ما صورته بايدي عشان يبين لكم شصغره:
يمكن برتقال بس حجمه صغير حيل.... ترى كله أخمن
هذي شكلها عجيبه سبحان الله
سميتها ام كشه كشه خضرا بعنابي:
بطيخ وجوز هند:
جنب جوز الهند....فيه هذا المكان...
هندي عنده مكينه...
تشتري جوز الهند وتعطيها الهندي يحطها بالمكينه...و يطلع لك بشر جوز الهند ( مبشور)...
استأذنت منه ووافق وضحك و أنا اصوره
ترى هذي مو بطيخه .... هذي منجا
حجمها كبير حيل
شبهنا هذي بالذره لكن لونها بنفسجي ولا يسمعنا هندي جمبنا وقال لنا...هذي تنبت من شجرة الموز وقام يضحك علينا
بوفيه سلطات::::::::::
بوفيه المعجنات::::::::::::
بيتزا أشكال والوان تنباع مثلجه....ما عليكم الا ادخالها الفرن:
هذول نوعين من الكافيار.....الصراحه غالي....ودي اجربه لكن أخاف
أسماك:
المسمكه::::::::::::
اللحوم:
الاجبان:
المخللات:
المعجنات:
مجموعة مطاعم جنب بعض:
ان شاء الله يكون عجبكم موضوعي عن لولو هايبر ماركت