انصحك بالحجز من الانتر نت للسيارة ..
Avis Budget وغيرها ...
وتحديد موقع الاستلام من الفروع ومكان التسليم في اي مدينة واي موقع !!
الفنادق في فيقاس رائعة وكثيرة انصحك بالسكن على الشارع الرئيسي الستاريب وفي منتصفه
مثل بلجيو .. باريس .. بلانت هوليوود
بالتوفيق

بدجت يعطي اسعار حلوه خصوصا لمن تحجز من الانترنت و تكتب انك من السعودية لانه يسوي سعر ارخص من السعر العادي .. وبالاضافه لو حطيت مكان الاستلام المطار يكون السعر شامل التامين لان التامين يكون اغلى من الاجار نفسه..
ولو ما حبيت بدجت في موقع حلو يسوي بحث و مقارنه اسعار ولكن الاسعار بدون تأمين و افضل شي تأمن من نفس الشركه الي تبي تستاجر منها و تاخذ تامين كامل علشان ترتاح نفسيا
http://www.carrentals.com/
بس نصيحتي جرب سعر بدجت قبل وقارنه مع غيره ..
و مثل ما قال كومباك فنادق الستريب في فيجاس احلى شي بس اختار فندق حلو و نظيف علشان تنبسط . و الفنادق في ايام الاسبوع ارخص بكثير من الويك اند..

السلام عليكم
اليوم رجعت من لاس فيغاس ولله الحمد
السكن كان في باريس حلو من ناحية توسطه و كثرة المقاهي الي فيه
بس غرفه عاديه ومستهلكه لكن في هالديره الواحد ما يدخل للغرفه
الا لنوم لانه مافيه وقت كله تمشي, البلاجيو مره فخم وشكل غرفه عليها
القيمه.
بالتوفيق والله يعينكم على الجو وحرارته

السلام عليكم
الأخ بلسم الروح
أنا كل صيف تقريبا بالمنطقة اللي انت فيها - ايرفاين-
و لي سنتين استاجر سيارات .. و اسعارها رخيصة ..
بس مدري يعطونا سعر خاص عشان إحنا قروب كبير و كلنا نستاجر منهم .. أو أسعارهم كذا رخيصة ..
المهم المحل اسمه ( إنتر برايس) ..
انته شيك الموقع و شوف لأن الاسعار اللي خذنا فيها كانت جدا رخيصة
و هذا العنوان .. و حاولت اتذكر الوصف بس و الله ناسية على اي شارع ..
بس الشارع اللي فيه كله محلات تاجير سيارات ..
و هذا الويب سايت حقهم
http://www.enterprise.com/car_rental/deeplinkmap.do?bid=019&cnty=US&language=en&arc=CTSRYP2

اخوي امباكت لو ممكن تفيدني اكون شاكر
أنا متواجد في ارفاين من ثلاث ايام مع العائلة ومو قادر استاجر سيارة لاني اقل من والتكاسي هنا مرة غالية
وش تنصحني اسوي

وبالاضافه لو حطيت مكان الاستلام المطار يكون السعر شامل التامين لان التامين يكون اغلى من الاجار نفسه..
تلميح بسيط على رد أخوي fms
جميع شركات تأجير السيارات يضيفون رسوم إضافيه على رسوم التاجير
من 15 % الى 30 % أحيانا ..
الافضل استأجر السياره من مكاتب تأجير سيارات خارج المطار علشان تسلم من ضرايب المطار ..
..
و أنا أنصحك ب بجت و أفيز و أنتربرايس
أنتربرايس أسعاره رائعه خاصتا مع التأمين الشامل و مفتوح المايل ..
طبعا التأجير عن طريق الانترنت أرخص لكن تحتاج لفيزا كارد أو ماستر كارد ..

VETO KORLYONE
تقدر تأجر اذا كان عمرك فوق ال 18
بس راح تدفع أكثر من غيرك !..
أقصد بغيرك .. أكبر من 25 بيكون الاجار ارخص .. واذا كنت متزوج بيرخص أكثر و أكثر ..
مثلا عندك أنتربرايس http://www.enterprise.com
شوف بالصفحه الاولى مكتوب Your Age
أضغط على السهم وشوف الخيارات ..
بالتوفيق أخوي ..