1. السلام عليكم ورحمة الله وبركاتة


2. زهقان طهقان متضايق وعاوز تتفسح ؟ ومش عارف تروح فين؟


3. أو "سينما مترو" اللي أصبحت مجمع صالات وفيها أكتر من شاشة

بسم الله الرحمن الرحيم

السلام عليكم ورحمة الله وبركاتة

زهقان طهقان متضايق وعاوز تتفسح ؟ ومش عارف تروح فين؟

أنا اقولك ألبس وروق نفسك وأختار جزمة خفيفة مش قارصة على صباع رجلك الصغير ولو متجوز خد المدام معاك علشان تتفسح هي كمان من نفسها وبرضه تلبس هي كمان جزمة خفيفة ولو عندك أولاد سيبهم ما تاخدهومش معاك (إلا مضطرا) علشان هيقرفوك ويمكن يخلوك تكره وسط البلد والعيشة واللي عايشينها.
المهم تاخد نفسك أو المدام وتروح وسط البلد لو معاكش سيارة أتصرف وخد ميكروباص أو اركب المترو ..
المهم لو بقى معاك سيارة أركب سيارتك ويا تركن عند أقرب محطة مترو لبيتك وتركب المترو ومتخافش أو لو مبتحبش الإلتحام بالجماهير توصل للإسعاف وتدخل شارع فؤاد وتركن في البارك اللي قدام دار القضاء العالي لأن الدنيا زحمة .
ولو رايح بالمترو تنزل محطة الأسعاف وأركن المترو برضه قدام دار القضاء العالي أنت دلوقت عند الأمريكين في ألتقاء شارع فؤاد مع شارع طلعت حرب
المدام هتقولك أنا جعانة ولا يهمك تطلع على "مطعم جاد" شارع فؤاد وتشتري سندوتشات فول وفلافل مخصوص الواحد بجنيه "يا بلاش" عارف هتقولي بخاف والحاجات دي قوله من غير سلطة وتأكل وتدعيلي.
لو كنت أول الشهر أطلع على فوق وكل اللي تحبه. بس صدقني الفول والفلافل أطعم.
خلصت اكل ما تاخدش بعضك وتمشي أطلبلك بقى كوبايتين خروب وتدعيلي تاني لما تلاقي الكوباية بنص جنيه وتدعي لعم جاد برضه.
خلاص سيبنا جاد قدامك أيه بقى "العبد" للحلويات تدخل وتجيب بأتنين جنيه لب سوبر وبأتنين جنيه لب أبيض ولو عاوز سوداني متحرمش نفسك هات ولو أنت والمدام قزقيزة قدام كتر شوية ما تبقاش بخيل.
هتقولي طب أنت موديني وسط البلد أكل سندويتشين فول وطعمية مش عاوز.
طبعا لا أحلا حاجة في وسط البلد أنك ممكن تعمل حاجات كتير اوي وأهما دخول السينمات يعني عندك "سينما ميامي"

أو "سينما مترو" اللي أصبحت مجمع صالات وفيها أكتر من شاشة

وفي كمان سينما أوديون وسينما ريالتو (واحد دخل سينما ريالتو نزلت - نكتة قديمة بايخة)
القاهرة هي عاصمة الثقافة وفيها من المتاحف والأماكن الأثرية والكنائس والمساجد الأثرية ما ينقلك عبر 7000 سنة من الحضارة الفرعونية للقبطية للإسلامية ولذلك أحرص دائما على زيارة مكتبة مدبولي ودار الشروق كلما سنحت لي الفرصة لرؤية الكتب عشقي الدائم.
كما أحب أن أزور مكتبة الهيئة العامة للكتاب للحصول على مجموعة من كتب مكتبة الأسرة والتي تعتبر أسعارها أقل من ربع سعر الكتاب في المكاتب الخارجية.
أكثر ما يبهرني في وسط البلد هو العراقة هذه الشوارع شهدت الكثير والكثير من الأحداث والسينمات التي أشرت إليهافي مشاركة سابقة شهدت ليلي مراد وأنور وجدي يفتتحون فيلم رد قلبي وشهدت فريد شوقي يفتتح رصيف نمرة خمسة وأحمد مظهر يفتتح الناصر صلاح الدين.
القاهرة القديمة المليئة بالخواجات ومحلات بنزيون وعمر أفندي وصيدناوي وشملا وشيكوريل التي باعتها الحكومة
ومحلات الحلويات العتيقة مثل الأمريكين وأكسليسيور
وطبعا أعرق محل بالقاهرة جروبي الذي تأسس سنة 1891 والذي لو تحدثت جدرانه لملئت كتب وكتب عما دار داخلها وعما شهدته من شخصيات
العمارات القديمة تبهري بعضها أصبع علامات لا تمحى من الذاكرة مثل عمارة يعقوبيان عمارة الأيموبليا وعمارة أحمد حلاوة
معكش فلوس وعاوز تحس أنك من الأعيان روح أركب اللنش بتاعك
لنش شعبي وهو مركب جماعي من المرسى أمام هيلتون القاهرة بأتنين جنيه فقط تركب المركب وتتفرج على اللايت سيستم وتسمع الدي جي الشعبي وتأخد لفة وترجع بعد نص ساعة أخر منجهة..
منقول بواسطة طويل العمر