أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
لندن مش امان حتى وانت في المطعم يجونك الحراميه عيني عينك....وبالنسبه للمترو ماركبته بس كنا نستخدم التكاسي هي غاليه صح بس كنا مضطرين...ونصيحه خذ فندق في اكسفورد عشان يكون طكل شي جنبك وماتحتاج تروح بالتاكسي الا حق هارودز او المعالم السياحيه او ممكن تروح بالمترو لو كان امان بس للاسف ماعندي فكره عنه...من الاماكن اللي عجبتني مدام توسو ولندن اي وبس...وفي حديقه عند قصر بيكنجهام وايد حلوة احلى من الهايدبارك
السلام عليكم ورحمة الله وبركاته
1- اختلاف الرأي لا يفسد في الود قضية
2- الديرة ماهي خطرة إلى الدرجه الي توصفها ام ياسمين لكن ماهي آمنه زي دول الخليج والعربية يعني جوازك وفلوسك خلها بالفندق لا تشيل معاك الا الي ضروري وبس ولا تطلع نتأخر بالليل بعد 12 الى 7 الصباح الا لشي ضروري
3- بالنسبة لأماكن الزيارة في لندن علمني متى بتروح إلى لاني قاعد اجهز موضوع اذا ما يمديني انزله قبل سفرتك راح اكتبلك حاجات باختصار .
هلا اخوي (السعودية is my country) اول شي اتمنى لك التوفيق و تسهيل الامور و ثانيا لندن امان و الشرطة في كل مكان و كل المدينة مراقبة بالكاميرات بالكامل بالنسبة للاندرقراوند يتوقف الساعة 11 مساءا بتوقيت لندن و ما لاحظت فيه اي مشكلة او خطر يمكن لاننا كنا جماعة 4 الى 5 اشخاص بس ان شاء الله مافي اي مشكلة. اما بالنسبة للاماكن اللي لازم تزورها الهايد بارك لازم يوم الاحد الظهر علشان تحضر يوم الخطابة الحرة تكون فيه الهايد بارك ذاك اليوم شي عجيب و ان شاء الله راح تتذكر كلامي و تدعيلي . متحف المدام تسو لازم تزوره و الا ما كأنك رحت لندن لانه اول مكان تسال عنه اذا قلت انك رحت لندن و لا تطوف بيت الاشباح هناك و برضو بتدعيلي. بالنسبة لتذاكر هذا المتحف قيمتها 25 باوند و تنتظر في طابور ماله نهاية (بس خلك ذيب مثلي اشتر تذاكر متحف مدام تسو من محطة الاندرقراوند حنا خذناها من محطة الاجوردروود ) شرائك لتذاكر متحف مدام تسو من محطة الاندرجراوند لها ميزتين:
1- اقل سعرا . اشتريناها ب 20 باوند مقارنة ب 25 باوند من نفس المتحف.
2- تتفادى زحمة الطابور و طول الانتظار لشراء التذكرة من المتحف (يعني اذا وصلت المتحف ان شاء الله راح تشوف اكثر من طابور بتشوف طابور فوقه لوحة مكتوب عليها للناس الذين يرغبون في شراء تذاكر و بتشوف طابور ثاني مكتوب عليه للناس الذين عندهم تذاكر و انت بعد ما تشتري التذاكر من محطة الاندرقراوند خلك واقف مع هالطابور) صحيح بتشوفه طويل بس كلها 10 دقايق بالكثير و انت داخل المتحف . و من ضمن الاماكن اللي لازم تروح لها البكاديللي سركس و انصحك تروح لها بالليل لها طعم خيالي
طبعا فيها كافيهات و سينما و اشياء ترفيهية كثيرة مثل الرسم و غيره .
ايضا انصحك في الصباح بزيارة قصر الملكة (الباكينغهام بالاس ) في الساعة 11 الى 12 و نصف ظهرا لتشاهد الحرس الملكي و هم يبدلون بتشوف الاف البشر اللي حضرو للمشاهدة و بتدعيلي كمان بعد ما يخلص العرض تمشى في حديقة القصر و عند البحيرة و كمان بتدعيلي . بالاضافة الى ساعة البغ بن لازم بتشوفها و بتعرفها من بعيد .و ايضا مجمع الهارودز و يقع بعد الهايد بارك. و الكثير الكثير من المعالم السياحية في لندن لكن هذي اجمل و اشهر معالم لندن . نصيحتي لك حاول تشتري خريطة لندن من هنا او تنزلها من الانترنت و حدد فيها المعالم السياحية اللي بتروح لها و انت في السعودية علشان اذا رحت هناك ما تتوهق و تكون رحلتك مرتبة و مريحة . و استمتع بيومك هناك و اتمنى لك التوفيق . هذا كل اللي عندي و اسف على التقصير. و بالسلامة.. تيتو
تقريبا يوم الجمعه لان من يوم السبت راح نرووح باث عشان الدووره وراح نتمشى هناك والمدن اللي حواليها ويوم الجمعه راح ننزل لندن او الخميس بالليل
الله يجزاك خير ويوفقك اخي
