ابو الهنوف320
قرية مرسال مالي خبره فيها سبحان الله المكان ذا بالذات على قد ماطفشونا فيه من اعلاناتهم في الاف ام مازرتها ( عروض ببلاش ) خ...
أعتقد انها تكون مفتوحه حتى بالايام العاديه..
بس الوقت من كم لكم مادري والله تقدر تتصل على الاستعلامات وتاخذ رقمهم وتستفسر منهم..
بالنسبه للاسواق تفتح من 10 صباحاً الى الساعه 11 بالليل..
طبعا فيه اسواق امر من عندها واشوفها شغاله بعد 11 زي الرد سي اعتقد عشان المطاعم فيها تسكر 12 بالليل..
تدري عاد فيه مجمعات كانت تسكر الساعه 3 الفجر.. زي صواري لاند مارك على ايام عزه كان زحمه وناس تشوفها هناك للساعه 3 الفجر..
بس الحين مادري وش صار عليه ماعاد اشوف عليه زحمه..
والمطاعم برضه شغاله وتختلف من مطعم لمطعم..
فيه مطاعم اشوفها تشتغل لغاية الساعه 3 الفجر..
وفيه مطاعم تسكر الساعه 2 الفجر..
على فكره جده المدينه الحيه..
4ساعه حركه وناس..
صدقني أي وقت بتطلع راح تحصل الي تبيه من اكل وشرب لاتخاف تراها تفرق كثير عن باقي المدن..

أهلاً عزيزى أبو الهنوف فى جدة ..
عذراً على التأخير ، العزيز adnan كفى ووفى بس حبيت أضيف أن بعض المولات ماتقفل من الساعة عشرة صباحاً إلى منتصف الليل مثل رد سى مول ومجمع العرب وأعتقد عزيز مول نفس الشىء يومى الأربعاء والخميس أما باقى الأيام وكذلك معظم المولات تقفل خلال فترة الظهيرة (2-5 تقريباً) وكذلك محال منطقة البلد ..
بالنسبة لقرية مرسال صحيح الكثير مدحوا فيها بس تراها بعيدة والبعض ضاع فى الطريق، إذا تبغى ملاهى للأطفال عندك الحديقة المائية التابعة لروائع المكتبات فى شارع الأمير سلطان وتشكى تشيز على الكورنيش تراهم مرة ممتازين وأقرب بكثير من قرية مرسال ، طبعاً أغلب المولات الحديثة فيها كذلك ملاهى للأطفال (رد سى مول ، مجمع العرب ، الأندلس مول ، وعزيز مول)

هذا العشم ربي يخليكم
أخي عدنان الله يطول عمرك شكرا على المعلومات وتجاوبك مع الموضوع
أخي شاعري مع أني ماتوقعتك بتأخر على في الرد بس عسل وجزاك الله ألف خير على الي قاعد تقدمة في هذا المنتدى
وشكرا على التوضيح