حياك الله اخوي ,,,
ان انصحك تستخير الله في هذا الشهر الكريم .
اتمنى لك التوفيق ,,

أولا قرر انت ايش محتاج اكثر ثم استخير >>> وان شاء الله يكتب الله اللي فيه الخير ....
وانتظر الاخوان ان شاء الله يفيدونك ....

من واقع تجربة الناس اللي حولنا ... الإبتعاث صار موضة لا أكثر ولا أقل .. حتى في الوقت الحالي اللي يتخرج من خارج المملكة واللي يتخرج هنا سواسية ولا فرق بينهم ..
وبالنسبة مدام إن عندك عيال فأنصحك لا تفكر لليوم وبكرة وبس ..
فكر حتى عشر وعشرين سنة قدام ...
وبما أن الراتب مجزي وزيادة من وجهة نظرك وأنت مقتنع بهالشيء فأنصحك على تبقى وضيفتك .. وإذا كنت راعي طقطقة وتجارة وراعي شغل فأنت أبخص بنفسك ..
وفي النهاية ..
ما خاب من إستخار ,, ولا ضاع من إستشار ...
وموفق يالغالي ...

السلام عليكم يا اخي انا برايي انك تبقى في وظيفتك لان في ناس كثير بروحو بدرسو وبتخرجوا وبتغربو وبالاخير ما بلاقوا شغل والحين انت عندك ولاد لازمم تفكر في مستقبلهم كمان يعني انت لازم تفكر في جميع الاطراف ولازم تظل متذكر انو حتى لو كان عندك بير من مال بالنهاية رح يخلص اذا ما كان في دخل يغطي اللي بينسحب والاستخارة امر ضروري بس فكر بواقعية اكثر الله يوفقك

لو كنت اعزب لنصحتك بمواصلة تعليمك والمغامره....لكن وضعك يختلف...لديك عائله وانت مسؤل عنهم ويجب ان لاتدخلهم فى اى حسابات اخرى لانك لو استقلت ورحت وجبت حتى الدكتوراه هل تضمن لك وظيفه اذا رجعت؟ بالطبع لم يعد هناك اى ضمانات سواء فى بلدك او فى بلد اخر....من رأيي المتواضع وبما ان راتبك جيد فلاتهدم بيتك بايدك...دامك مصر ومتحمس لفكرة مواصلة تعليمك وامورك الماديه زينه فاكمل فى اى جامعه قريبه منك او حتى التعليم عن بعد والذى تم اعتماده مؤخرا من وزارة التعليم العالي كما قرات....
بالتوفيق

أكمل الدراسة و بقوة , لو انك سعودي كان فكرت شوي
بس دام انك اماراتي اتوقع الظروف عندكم افضل بسبب ندرة الكادر الاماراتي في السوق والي عليه طلب , وثانيا ً سهولة العمل في الدوائر الحكومية عندكم ( على حد علمي بالنسبة للاماراتيين )
وبعدين ياخي متى كان العلم يقدر بالمال ؟ اعتقد سوف تعود الى ديارك ناجح و قادر على اضافة الكثير في عملك الجديد بإذن الله , خاصة وانك جاد لدرجة ان تطرح هذا الموضوع
العلم العلم العلم ... - وجهة نظر من اخ لك في الدين - قد اصيب و قد اخطيء ولكن تاكد اني لك محب في الله
دمتم بود

انا اشوف انك تدور على وظيفه افضل وانشا الله انك بتحصل وبراتب اكثر باذن الله لاتنسى الخبرة الي عندك وبعدها كمل ماجستير ليش لا ما يمنع وراح بنفعك مستقبلا ويا كثر الجامعات الي عندكم بالامارات والي تطلب حضور جزئي واذا ودك تطلع لبرى شوف لك جامعة نفس الشي ما تطلب منك حضور كامل ومنها ليفربول بلندن وجامعه مانشستر موجود لها فرع عندكم بدبي ...
خلي احلامك دائما قدامك ولا تتنازل عنها بس وازن بين احتياجاتك واحتياجات الاسرة ...
تحياتي لك ...

اكون صريح معاك
لو كنت مكانك ما كنت ادري وش راح اسوي
لكن
العلم طريقك للمال
والشهادة هي وطنك الثاني
الذي بها بعد الله تستطيع ان تتحصل
على اي وظيفة في العالم

1. الجعيدي 22 شكرا على مرورك الطيب وأكيد الإستخارة شي أساسي قبل أي خطوة؟


2. red.rose1 شكرا لتواجدك والله قلبي مرتاح للدراسة أكثر بس متخوف.

جزاكم الله خير على اقتراحاتكم

الجعيدي 22 شكرا على مرورك الطيب وأكيد الإستخارة شي أساسي قبل أي خطوة؟

red.rose1 شكرا لتواجدك والله قلبي مرتاح للدراسة أكثر بس متخوف.

أخوي سيرفس15 جزاك الله خير على اهتمامك وأنا تراني رجل عادي عايش على الراتب والحمد لله بس الواحد يطمح للأكثر بس عندنا في الإمارات يوم إنك تقدم على وظيفة تلاحظ إنهم يركزون على حملة الشهادات من الخارج بعدين المتخرجين من الجامعات الحكومية وبعدين الجامعات الخاصة في الدولة.
د.محمد العتوم كلامك صحيح ما حد يضمن وظيفة بعد التخرج وهذه رأي والله بس مثل ما انته عارف الأرزاق على الله وجزاك الله خير.
وادع2006 والله أخي العزيز فكرة اكمال الدراسة عندنا مطروحة وبقوة.
روبان السفينه والله أخي الكريم أنا جاد والفكرة موجودة في بالي من فترة بس متخوف من أي خطوة.
Travel addicted والله أخي الكريم عجزت أنا أدور على وظيفة ثانية ما لقيت وما فكرت باكمال دراستي إلا بعد ما يأست في العثور على وظيفة ثانية خاصة إن مجال العمل بتخصصي قليل (علوم سياسية).
ali alg والله يا الغالي بعد ما قريت قصة ابتعاثك وشفت نجاحك تشجعت أكثر وأنا أقول سنة ونص ولا سنتين لو تدرستها برع مب مدة طويلة وصدقتت والله العلم هو طريق النجاح والمال بعد ما فشلت في كل مشروع اسويه لحكمة لا يعلمها إلا ربك بس الله كريم.
تحياتي